留白

營業中

休息中

餐廳位置難搵啲，位於荃灣一個細細既商場，要好細心先見到有幅Banner 寫著店名。迷你店鋪仔，只有兩名職員，落單同煮野食都係佢地，所以耐心等候一下。💛 #三文魚菠菜忌廉意粉 $88味道中規中矩，有2-3片三文魚，意粉軟硬適中，忌廉汁同菠菜幾Match。💛 #班尼迪 $78 (水波蛋、酸包、沙律、三文魚、煙肉)依個係小編暫時覺得最好食既班尼迪，最底一層烘過既麵包，中間有塊煙肉，上面係水波蛋，最欣賞荷蘭醬，配搭一齊食口感好豐富。唯一不足係水波蛋熟左啲，吾夠蛋汁。💛 #蕉 $55餐廳甜品造型像真度十足，係打卡必Order，前半係真蕉，後半係用脆皮朱古力包著雲尼拿雪糕既假蕉，蕉紋係用黑朱古力畫上去，朱古力班戟，皮非常軟糯，朱古力味香濃，吾會好甜，旁邊雜莓偏酸，夾埋一齊食都幾得意。💛 #奶油焦糖茶 $35💛 #抹茶鮮奶 (凍) $38

終於的起心肝嚟bookmark左好耐好耐好耐嘅 @blank_cafe 食好多人都推薦嘅bagel喇🤩小店位置少隠世，我哋都花咗少少時間搵～坐位唔算多，不過勝在有得坐室外，私心特別鐘意坐出面(ﾟ∀ﾟ)整體呢講，食物雖然唔算超級超級驚喜，但性價比都幾高～會推薦大家嚟試吓呢度嘅bagel🥯下次會再嚟試埋佢嘅甜品！.finally decided to try this highly recommended bagel 🥯 from @blank_cafe 😊 this place is not easy to find and doesnt have too many seats 😆 but there is outdoor seating for people you outdoor lovers 👍 overall, the food wasnt anything super unexpected but it definitely won in price 😋 definitely if you are a bagel lover, you have to come check it

今日約咗好耐冇見嘅中學同學食飯，近近地又喺荃灣。跟住荃豐商場都有好多唔同嘅嘢食，而呢間小店之前都好多人排隊，難得今日食得早啲就可以嚟試吓佢嘅餐牌款式唔係話好多種，比較特別嘅係佢會有一啲特色Bagels，但係因為我哋兩個都肚餓所以就冇嗌到。🤪🤪我哋最咪嗌左一個黑松露野菌意粉，同埋一個菠菜忌廉三文魚意粉，另外再加多一個甜品🍮首先上咗個菠菜忌廉意粉，賣相唔錯，值得一讚嘅係菠菜份量幾多，之前食過其他餐廳有啲係得幾片🥱味道方面覺得有少少偏重口味，要一路飲水😂黑松露野菌意粉上枱嘅時候好香，野菌都有好多舊，味道方面比上一個菠菜意粉更加重口味，真係有少少過咸，唔知廚師係咪重手左呢？😂😂之後就到期待左好耐嘅甜品，因為佢喺餐牌上面係冇形容嘅，個名都好特別，呢一款叫做「石」，上枱時我哋都好有驚喜唔知得個樣靚，味道都好味入邊有果醬同埋蛋糕加埋慕絲，隔離嘅野莓嘅酸度就中和返蛋糕嘅甜度，真係好有特色好值得一試！

留白 #荃灣抵食黃店 💛 呢間位於荃昌中心地下嘅cafe吸引左唔少人排隊，唔單只係黃店，啲嘢食仲要好平！不過店舖細細地，等位等嘢食都要啲時間。慢煮雞胸bagel $60入面除咗有雞胸之外，仲有cream cheese、蕃茄同埋沙律菜。bagel烘到外脆內軟，雖然唔算好有咬口，不過當係麵包嚟食都幾正。面頭嗰啲係罌粟籽，冇乜味不過就多咗少少口感。另外雞胸都算嫩，用咗少少黑椒作調味，本身唔算太濃，不過加埋鹹忌廉一齊食好夾。三文魚菠菜忌廉意粉 $88幾鍾意佢個意粉係闊身少少，幾有咬口。另外忌廉唔會太膩，幾好味。三文魚嘅份量都幾足夠，而且煙燻味濃。鮮奶伯爵茶 $38呢個嘅伯爵茶味就淡左少少，雖然每一啖都散發住淡淡的伯爵茶香，但係作為茶控嘅我就唔係好滿足。另外佢面頭加咗少少玉桂粉，雖然只係加喺面作點綴，但係個味都幾出，有少少蓋過伯爵茶嘅味。味道: 3.7/5性價比: 4.3/5整體而言食物嘅質素中上，未算都超好食，但係性價比真係好高！再加上係黃店所以都多多支持💛💛

最近新開張的文青cafe，來到荃灣順便來試試！位於荃灣小商場的地下，雖然位置隱蔽，但是味道十分出色！ 店內的坐位不多，但店舖的裝潢設計 有不少的影相位，大家可以做偽文青😆Egg Benedict $78班尼迪 - 水波蛋 酸包 沙律 三文魚 煙肉講到最出色 莫過於係Egg Benedict ! 一切開水波蛋 蛋黃就流晒出來 水波蛋 酸包 煙肉 一齊吃好正 味道不會太鹹 調味方面適中 加埋沙律 好fresh! 味道好清新 整個Egg Benedict 不會太過膩三文魚菠菜忌廉意粉 $65意粉份量十足！ 菠菜和意粉份量接近1:1 菠菜同意粉 意外地好夾！ 吃起來很香口 「蕉」 $55外型真係十足十係一條香蕉！ 上半係香蕉 而下半係香蕉朱古力外皮包住雲呢拿雪糕！ 外皮除左有朱古力味 仲食到少少既奶粉味仲有旁邊朱古力pancake 超級好吃！ 有少少流心的部分 好好吃😋蝶豆花乳酸梳打 $42超級靚既漸變紫色 文青影相一流！ 味道亦都唔差 入面亦都有幾朵蝶豆花 飲落亦都有乳酸梳打味道！ 名副其實 蝶豆花乳酸梳打