度小月 (時代廣場) (已搬遷) 新店位置

其實都小月嚟咗香港之後呢我都食過幾次，銅鑼灣呢間就第一次嚟，原來入邊都幾多位同埋坐得幾舒服嘅。一坐低就比隔離枱放三杯雞嘅香味吸引左，所以我都叫返個三杯雞食，雞肉煲得好入味，都好有台灣嘅味道。由於俾佢個哈卷吸引左，呢啲除炸嘢係台灣嘅拿手小菜，而佢呢個蝦卷個外皮好特別，好似有一陣粟米嘅味道，忍唔住會食多咗幾條。當然唔少得擔仔麵啦，佢份量細細，可以比好多空位你食其他小菜，台灣嗰間係真係有人坐係個車仔上面煮，如果香港都有就好啦。非常欣賞呢個芋頭糕，望落去好似好紮實，但係其實食落去係好鬆軟，同埋面面嘅芋頭感覺真材實料，調味亦都唔會做得太假，係真材實料嘅芋頭蓉啊！櫻花蝦生菜。

星期日諗住去新商場V Walk行下，見到度小月當然要試啦！我地兩個人叫咗3道菜，加兩個肉燥飯，食咗HKD 288，因為味道一般，CP值較低喔！首先，食台灣野當然要食肉燥飯但係食完有少少失望。整體肉偏瘦，且鹹而不香，口感唔夠好。而滷豆腐就不錯豆腐滑，醬汁都幾好味，上到台仲熱，加分！我地仲叫咗個炒花枝，份量比想像中少。配菜炒得幾好食，但花枝就完全唔入味，整體差評。最後嘅三杯雞就幾好！夠熱，夠份量！味道都唔錯配白飯係唔錯嘅選擇。整體cp值偏低，要論台灣菜應該唔會食第二次。

台灣百年老店度小月繼九龍店後, 現在終於進註港島區並座落於銅鑼灣時代廣場, 在台灣吃過後食過番尋味, 一行四人點了馳名擔仔麵/米粉/粿條﹑肉燥飯和蚵仔酥, 今次一次過可以嘗試到三款麵質, 擔仔麵似中式粗麵/ 米粉就是台灣的銀絲米粉/ 粿條就似中式河粉, 個人感覺還是湯頭跟米粉最夾; 而份量就是一如既往的小份量, 如果不肚餓就還好。肉燥飯的瘦肉居多, 不算肥膩, 而且醬汁味濃, 絕對令人有添飯的意欲! 另外, 蚵仔酥炸得乾身脆口而不油膩, 蚵仔又肥美大隻, 唯獨是非常熱氣, 再好吃都只能忍口啊!

早幾日去在銅鑼灣度小月食晚餐，食物完全無問題仲好好食要值得一讚有位服務員(Ying)她有禮貌同服務態度好好，我差不多食完的時候，她行過來問我食物有沒有問題同改善既地方，我回答食物一流好好食，我説如果要改善地方既，妳們的同事只會同自己同事傾計完全沒有理會客人，應該好似妳要同客人溝通下

難得今日lunch time 有時間可以試下一直都想食既度小月，於1點左右去到已經見到條長龍都驚我地3個人等左接近20分鐘先安排到入座。因我地時間緊迫，門口帶位同事都提議我地於入座場都可以用電話預先點單，實在為我地帶來方便可能帶位見我地好趕住要番工，落單後 大約5-10分鐘左右就上齊曬order 上菜速度非常之快！總結野食都非常之有水準！門口帶位同事亦好細心值得一讚MAN，懂得安撫顧客，其他服務員都好有禮貌！