春禧堂台灣料理餐廳 (已搬遷) 新店位置

今次食台式料理。 「三盛紅燒牛肉麵🍜 」$75三盛指腱心牛肉，牛腩，牛丸。·腱心牛肉入口慢慢融化，十分入味。·牛腩肉味超濃，鬆化且一絲絲纖維，好有口感。·麵身好冧，係我中意的，而且入晒味😍😍·牛丸夠彈，無得彈🎸·相反配菜上，紅蘿蔔白蘿蔔係爽口的，形成鮮明對比🆚，唔會覺膩。·鹵水蛋🥚好有咸香味，起粉的☺️「芝士奶蓋火龍果茶🥤 」$38果肉就食得多，火龍果茶真係第一次試。店長推介，點都要試吓。原來一杯有半隻火龍果咁多，無糖、健康，芝士奶蓋嘅creamy感同少少鹹好配合到果肉果汁🍹「紫薯薏米黑糖冰仙草🍧」 $48配搭好多但好match，甜度剛剛好，最欣賞個仙草，唔係一磚磚硬的🧱，而係啫喱狀，好滑好香。芋圓好煙韌，彷彿食到台灣的感覺。值得一提嘅係，落單同付款都可以掃QR code online搞掂，方便又安全。

今日朋友約去西九文化區影相，影完之後朋友話好肚餓，不如去附近食下野，但圓方嘅餐廳都比較貴，而家月尾人工所剩無幾，朋友就建議不如去中港城搵下有冇野食，因為果度都有影相位可以影下，於是就上左黎中港城平台花園見到呢間新開嘅台式餐廳。呢間餐廳嘅裝修用新派嘅打卡風，食物賣相精緻得黎味道都幾好。呢個鹽酥雞扒肉燥飯雞扒大大塊，外皮酥脆同平時食嘅炸雞扒唔同，雞肉肉質嫩滑，飯粒用左珍珠米，搭配埋肉燥飯口感唔錯。餃子湯用咗濃郁嘅牛骨湯，湯底呈深啡色，牛肉味相當濃郁餃子就一般嘅肉餃但吸入左牛肉嘅濃湯，係另一番嘅體驗食台灣野又點少得一杯黑糖珍珠鮮奶，黑糖味夠晒濃。滷水豆腐口感有D 似臭豆腐，但就充滿住滷水嘅香味。三盛紅燒牛肉麵有牛肉、牛腩同牛丸。面質煮得夠彈牙，牛亦都煮得夠入味，不過湯底稍微唔夠辣，但店員都好樂意幫我加辣，服務值得一讚。雜果黑糖仙草冰上枱時下面有乾冰襯托住，上枱時煙霧瀰漫，未食都覺得興奮。整體黎講係幾好，不過份量就細左少少，可以大DD就更好。