Infinity Workshop Cafe (已結業)

跟朋友聚舊最鍾意去CAFÉ ，鍾意環境比較RELAX，又不限時，可以慢慢傾。今日就來到這間CAFÉ ，這間CAFÉ 的空間感十足，仲有一大塊玻璃可以睇左旺角人來人往的旺角街道。原來這間餐廳除了是CAFÉ外，還會提供一些workshop及不同藝人的應援活動，今日來到正正做緊大陸演員-黃景瑜及許魏洲的應援，放置了很多印有他們樣子的用品及周圍貼了很多他們的海報，有很多他們的fans特登來的。細細本的餐牌，卻有很多的選擇，但只有散叫，我點了一個招牌漢堡，但員工說今天沒有漢堡包皮，轉了牛角包，上枱後份量驚人及感覺邪惡，脆脆的牛角包夾著大蘑菇，洋蔥塊，煎蛋，芝士，蕃薯，厚厚漢堡扒，仲要用上煙肉片包著厚厚漢堡扒來煎，大得要逐層逐層地分開食，食得有點狼狽，配上粗身大薯條，細心地砌到好像層層叠一樣。朋友點了個全日早餐，有煙三文魚炒蛋，煙肉，白野菌，沙律菜，茄汁豆，另外可選配牛角包或是日鮮果酥，亦可從辣肉腸/豚肉腸/芝士腸/蜜糖腸任選二款，份量都十分大，如果茄汁豆可以整熱一些及白野菌可以略為炒一炒就更好了。作為雞翼控，雞翼少不了，仲要是最好味的蜜糖雞翼，還要是單骨的，食得方便。另外再點了黑松露鮮帶子芝士焗

我之所以食依間餐廳其實係為左依杯三眼仔抹茶鮮奶,佢絕對係一杯呃like必備嘅飲品。抹茶味都算幾濃,帶有少少回甘,奶泡令到佢入口順滑。絕對係一杯可愛又睇得又飲得嘅抹茶鮮奶。魚柳炸得香脆裏邊嘅肉質依然嫩滑唔會乾身,意粉用左白松露油黎炒所以會有少少油,松露味道唔算太突出,但係就有吾少份量嘅菇。意粉軟硬度啱啱好,忌廉醬汁亦非常之creamy濃郁,因為加左明太子嘅關係所以帶有鹹香,整體非常之唔錯。煙三文魚嘅份量只有一朵小花,如果份量可以多番少少就更好。

昨天晚上, 我和朋友到了旺角一間樓上cafe吃晚餐。之前的我對樓上cafe不是太感興趣, 因為我覺得這些cafe的食物質素一般, 但價錢又高, 服務態度也不是太好。這間餐廳還是得朋友介紹才來嘗試的, 上到去時, 環境比我想像中舒適和寬敞。我們被安排坐在近窗邊的一個座位, 這兒的椅子比較矮, 所以坐上去時感覺張枱很高。餐牌上的食物款式也算多, 我點了田園全日早餐, 我朋友則點了一份忌廉明太子三文魚意粉。三眼仔抹茶鮮奶好得意, 它的抹茶味頗濃郁突出, 質感都算creamy, 較杰身。我最近喜愛吃全日早餐, 可能是因為上面的所有配料都是我很喜歡吃的。我和朋友都認為 全日早餐其實不難弄, 但它的精髓就在於那一份炒蛋。全日早餐好不好吃就在乎那份炒蛋炒得夠不夠香和嫩滑。 而我認為這份炒蛋非常好吃, 亦有點奶香味。