活一鮮 (已結業)

北角有好幾間魚生店，目前活一鮮算幾有水準同埋勝在食材新鮮，服務態度都可以接受，就算walk-in都唔會怠慢客人。魚生海鮮配搭都幾多元，可以自己任意揀，我就揀咗「三色丼（帶子、海膽、三文魚子）」🍚🍣 幾粒帶子都好厚肉，咬落幾爽口，唔似擺咗好耐，夠新鮮又無咩雪藏味；海膽份量還好，質素就一般，未到驚訝地好食；三文魚子就大大粒，配埋飯食一流😛 另外，如果想食多幾款魚蝦類就可以點「活一鮮丼」(朋友點的)，目測多咗蟹子吞拿魚同大蝦魚生，賣相都唔錯。

未有疫情之前，呢度一位難求，就連lunch想book都book唔到，所以一直未有機會試。近排疫情第四波，中午要食好啲。一行兩人嚟到(最多都係兩個人🤦🏻‍♀️)，我哋都被三色丼吸引咗，可以係海膽、三文魚腩、吞拿魚茸、凡立貝、三文魚子同甜蝦入邊揀三樣，仲有附前菜沙律同埋麵豉湯。海膽好新鮮冇臭味，吞拿魚茸份量好多，帆立貝都有三隻切開一半有六片，飯有醋味，非常唔錯，食得好開心，以後想食日本嘢都可以過嚟呢度！👍🏻

二零二零年三月八日晚上黎到北角錦屏街東發大廈地下嘅"活一鮮"一入座就主動遞上消毒濕紙巾同加上果然夠衞生意識落單自己寫紙仔再比店員 好似放題咁好方便壽司揀左火炙三文魚腩 火炙蟹捧壽司4 件都唔會燒得老 火喉控制得好好又有芝士片夾住食一口一舊 正 刺身揀左三文魚同帆立貝非常新鮮同厚切 五切啖啖肉溫度唔會過冷厚厚玉子燒 好滿足 又甜甜地 絕無偷功減料三色丼揀左三文魚腩 蔥吞拿魚腩 三文魚子好肥美嘅三文魚腩 同吞拿魚腩咸咸嘅三文魚子飯就今晚有d 失敗左 每啖都有幾粒係過硬本身都等左好耐先上菜 話d 飯有問題需要重新再煮過但食完個丼店員好主動自己行過黎提出係電飯煲有問題為補償全單九折食物有問題唔緊要 最緊要認所以應記一功南瓜同蕃蕃天婦羅都熱辣辣份量正常炸粉唔厚脆卜卜黑豚肉炒苦瓜超多黑豚肉又唔會煮得太老 苦瓜爽脆 小小苦 好易入口再落埋蛋去炒 濕濕地 放入口又多個層次黃色經濟圈一樣係好味 高質 服務好活一鮮 食物真係又新鮮又活生生店員同服務都係一樣 "活一鮮"大家一定要多多支持

活一鮮 Katsuisen📍北角 North Point//刺身新鮮肥美 壽司飯嘅份量比坊間嘅少 適合女士 不過飯質有啲黏 冇乜咬口 有待改善🤨//🍣 鮮壽司 $155: 挪威三文魚腩 黑松露油甘魚 京蔥醬鱆紅魚 珍寶甜蝦 紫蘇墨魚 蔥吞拿魚腩 蟹羔 海膽 三文魚子 帆立貝 醬燒三文魚 玉子小食(共12款)(附前菜 沙律 麵豉湯)//🍱 三色丼 $106: 挪威三文魚腩 帆立貝 蔥吞拿魚腩(附前菜 沙律 麵豉湯)

約埋三五知己行山，三軍未動，糧草先行，呢間同事介紹好味，仲要一定午市要訂位，所以訂咗位，準時去到，即刻比咗張四人枱，地方比較窄，調味料靠牆，餐具乾淨，店員即刻沖茶，麥茶夠味夠熱，好味！午餐餐牌好多選擇！分熟食或刺身！我叫了：三色丼：幾款刺身自選三款，我揀咗：海膽、蔥吞拿魚蓉、三文魚子！上枱賣相好靚，顏色鮮豔，三文魚子新鮮卜卜脆，海膽唔多，味道唔腥，不過有少許溶，蔥吞拿魚蓉好滑，肥美好味，啖啖肉！珍珠米彈牙！有紫菜拌食！紫蘇葉新鮮！跟餐沙律：只有一款火箭菜，加麻醬，比較寡！（但朋友有兩款菜）雖然新鮮好味！麵豉湯：夠熱，熱到辣咀，有海帶！唔太咸味道正常！店員服務正常，環境唔太嘈！午市真係爆場！食飽飽開始行！