euro go go

營業中

休息中

今日星期日，又係下午茶當正餐既日子，也正好用埋VIP張下午茶買一送一券。下午茶時段由兩點開始，是整個商場最早的，怪唔得成間餐廳都滿晒人啦。同老公各叫左一個下午茶餐，加$5可以加一個蕃茄通粉，真係夠晒飽。仲有專人送到，真好service呢。蕃茄通粉與其說是蕃茄湯，不如話係羅宋湯仲似，有少少辣再加香草係面，真係超開胃呢。蜜糖雞翼跟平時size一樣，一客五件雞翼。皮脆肉嫩，撈埋蜜糖汁真係好好味。三色薯皮分別係雞肉、煙肉、吞拿魚三款。先講煙肉，不過不失，每次來到都保持到水準，但又不會有很大的驚喜。吞拿魚很多，可說是最抵食的一款，焗完之後吞拿魚味更出，很好味呢。雞肉今次也很不錯，上次吃過覺得是最差的，但今次的感覺竟是最好，點點的沙律醬配雞肉很好味，汁流出來的感覺真是超讚！飲品則叫左熱鮮奶和熱朱古力。兩杯都係配用幼筒，熱朱古力一如以往比麥記更好味，不太甜又有朱古力味，老公是一飲而盡呢。牛奶不是我地香港飲開的牛奶，可能是外國的吧，我諗未必人人岩飲。會員真的很抵，希望快點再出會員申請吧。

euro go go早排開始行會員制, 機緣巧合地, 我都join, 唔駛會費, 只係需要俾$350入落張儲值咭便可, 仲有十張左右既coupon送, 包括買任何食品送意粉, 焗薯蓉等, 真是超值當日叫左一個下午茶餐再用一張買一送一coupon, 餐再加五蚊加多一個通粉, 真是抵食蕃茄通粉是坑紋通, 我諗唔係人人喜歡, 我是例外既一個, 通粉中間通孔位夠大, 可以連湯飲, 不過份量少左d, 而且蕃茄味唔夠濃, $5來講只是可以, 不過我相信叫左呻笨既人會多過讚好的人, 因為實在只是夠攝牙罅三色薯皮有雞肉, 煙肉同吞拿魚, 薯皮很熱, 底仲有少少脆, 始終能保持到水準煙肉是standard, 而且之前已經食過, 驚喜欠奉雞肉砌開有汁流出黎, 不過個人覺得跟薯皮 & 芝士不是太夾吞拿魚真是驚喜, 很好味, 同芝士既配搭很好, 吞拿魚份量剛好, 唔會搶左芝士跟薯皮蜜糖雞翼水準依舊, 老婆話真係焗先可以做到表皮燶, 底皮還嫩, 下午茶食一份蜜糖雞翼剛剛好, 不會太heavy熱朱古力味道不像麥記, 有朱古力味又不太甜, 最喜歡佢就算係熱飲可以用幼筒啜黎飲, 岩晒我呢d要飲熱飲但又怕熱既人 儲值咭

(28/9/08)都幾鐘意euro go go呢間野,d野食幾好食,可惜份量細小左d law。同奶奶&老公三人來食小小tea。等緊既四人枱,比個打尖女人監梗指我地三人不如坐那二人枱wor….,OK!我地讓比佢!後來店員見我地咁逼,仲好明白我地被人霸左張枱的不銳,建議我地坐另一張枱,不過……算罷。香蕉pancake,薄不在話下,裡面超多cream,唔”料”開都唔見d香蕉片!配左熱奶,唏!似乎係奶粉奶吧。三色薯皮,有咖哩牛肉、茄汁肉醬、吞拿魚,這個是即叫即做,所以「新鮮」好味!配熱朱古力,很不錯!不過唔夠熱。吞拿魚烘法包,也是即做,芝士軟熟,同樣好食得兩件,真係唔夠喉。配凍奶茶,合格。,