貓之眼

營業中

休息中

蛋包飯好好食禮拜六12:30來到，等了10分鐘便有位置叫了一個三色蛋包飯，食物很快便送上來等的時候，欣賞了場邊的掛畫全部都是貓貓主題很可愛來到的蛋包飯很好吃，三個汁都各有特色下次會再來

見到呢間餐廳有好多個好評，就打算過嚟試吓蛋包飯。點知原來呢一個抉擇非常錯誤。我哋下午2:30過嚟食飯，一行四人見餐廳唔夠座位就係餐廳外面排隊。可是一開始對我哋嘅服務態度已經大打折扣。第一個出嚟係一個比較瘦削嘅男人，佢一嚟就同我哋講所有漢堡扒嘅食物都冇晒。少咗食物嘅選擇，我哋都失望唔少。一個光頭戴眼鏡嘅男人一望到我哋就叫我哋一定要喺箭嘴後面排隊，感覺唔太友善。加上我哋其中一個朋友未到餐廳，光頭佬又同我哋講：「你仲有個朋友未到喎。」感覺我哋阻住佢哋下午3:00收工咁，呢種語氣俾我哋感覺好刺耳。幾經辛苦我哋終於坐低食飯，喺嗌嘢食嘅時候我哋被要求寫清楚枱號，可是食物嚟到嘅時候侍應都係唔清楚我哋邊一個嗌左啲乜嘢。其中一個朋友嗌咗熱檸茶，侍應就俾咗凍檸茶加冰。。。至於食物質素，味道不過不失。三色蛋包飯入面嘅白飯口感過腍，咖喱同蕃茄嘅味道冇乜分別。唯一一樣值得稱讚嘅係賣相還可以接受，但係好多餐廳都可以做得比呢間好。進餐途中，我哋仲親眼見到有一個女仔同一對男女中途放棄光顧呢間餐廳。多半都係因為差劣嘅服務態度同埋缺乏食物選擇嘅原因罷了。經歷過今次嘅進餐經驗，我以後都唔會嚟呢間餐廳食飯了。

見餐廳6點開門，星期五晚6點3就去到排隊，竟然已經有10幾個人排緊 :0 最尾等左半個鐘多少少終於入到座同朋友兩個人都叫左三色蛋包飯，我係圖中既咖喱豬+忌廉雞，朋友叫左蕃茄牛+忌廉雞😋個咖喱果然好好食！係我鐘意既濃味日式咖喱，不過如果有返少少辣就更好，蛋好嫩滑，忌廉一啲都唔漏，一啖咖喱汁一啖忌廉汁咁間住食就唔會啖啖都好濃味☺️ 相比之下朋友叫既蕃茄牛就有啲一般，推介大家都係試咖喱豬先！本身仲想叫多個限定小食，點知7點未夠就賣晒有啲可惜😮‍💨Btw見有啲食評話服務態度差，我就完全唔覺，首先排隊果時都keep住有人理我地，入座我地坐門口bar枱位，職員聽到我地講野仲搭嗲一齊講左幾句🤣

每次經過呢間餐廳都見到超多人排隊，所以一直未有機會嘗試，今日難得門口相對地少人，所以就加入左排隊行列了~由12:55等到1:30先入到餐廳，喺烈日之下都幾難頂，不過店員大叔十分之有禮貌，佢時不時都會走出嚟同大家講唔好意思、要大家久候等等，友善服務態度減輕左大家排太耐隊嘅鬱悶感覺，呢一點值得讚賞！由於喺排隊嘅時候已經寫好哂想食啲咩，所以一入到去只須填返座號就可以了~送餐十分迅速，一嚟到當然要打張卡先啦，因為我實在俾佢個三色蛋包飯賣相吸引左，我嗌左忌廉雞肉(白色)、蛋包飯(黃色)同埋咖哩豬肉(卡其色)，呢3隻顏色夾得好靚！！非常吸晴~~味道方面十分高質，飯粒係採用日本嘅珍珠米，忌廉汁同咖哩汁味道同份量都啱啱好，唔會太濃或太淡。整體而言，呢餐蛋包飯色香味俱全，值得推介！

晚上在灣仔辦完事，一個人想吃點東西再回家，便去了這家在汕頭街上的日式蛋包飯店試試看。之前看食評說這家店很人氣，長期要排隊，我還蠻幸運8：30去到還有不少空位。我其實很享受一個人的時間（是不是人越來越大反而更喜歡一個人靜一下），有自己的me time其實非常舒服！我點了店長推薦的三色蛋包飯。左邊的是濃茄牛肉，右邊的是咖哩豬肉。中間的蛋很有蛋香而且口感超滑！我覺得這家的汁味道比較淡，是我喜歡的味道，但我在日本吃過的蛋包飯咖哩味都比較濃一點。可能有些人會覺得味道不夠吧。我吃完以後沒有太需要喝水，感覺應該沒有什麽味精，不錯不錯。還有的是他們標明了自己用日本米，吃起來更像日本的風味！這家價錢很親民，沒有加一服務費，店員非常有禮貌，大家不妨一試喔♥