平成 (已結業)

本來想去一蘭，但無意中發現依間平成係一蘭附近，開一開openrice睇到食評又唔太差, 所以決定先去依間平成，點知好伏一入到去一眼睇曬得四張枱，好細好窄，樓底又低空間感欠奉，最慘係門外係木門完全睇唔到入面係咁細，心諗如果好食都無所謂啦，點知唔係囉，食物味道普通，份量不多，反而價格中上，CP值唔高芝士鰻魚飯既鰻魚都算多有八塊，鰻魚肉都算肥美，但有鰻魚尾有較多碎骨，要慢慢小心食，以$138既價錢可以有更好既選擇。另外，食肆入面不太通風冷氣微弱，食起野上黎不太舒適。

2019年9月28日 星期六今日終於放假可以休息一下，就約埋女朋友同埋佢屋企人出尖沙咀食個lunch先原本打算食一蘭拉麵，突然女朋友話唔太想食麵，於是就揀咗隔離個間餐廳一到去位置唔算太多，有啲似日本嘅居酒屋啱啱做緊午市套餐，叫任何飯仲送杯嘢飲添，於是我哋四個人就叫左唔同嘅飯share嚟食食物嚟之前先送上飲品，我要既係巨峰提子乳酸，唔會太甜之餘仲有一片檸檬喺裏面，令到成杯嘢飲酸酸甜甜幾醒神首先到嘅食物係三重芝士火山燒咖喱牛肉丼，啲食物鋪到成碗都係，完全睇唔到下面嘅飯，每一啖都食到好濃濃嘅芝士，仲有咖喱嘅香味，牛肉整得啱啱好，唔會太難咬開之後有三重芝士火山鰻魚丼，鰻魚好厚，上面都有唔同嘅芝士鋪係面，燒得好香，加埋醬汁一齊食更加惹味呢個係黑松露海量葱月見牛肉丼，上面真係勁多黑松露同葱，撈埋一齊食又出奇地配合，成個口都係黑松露味最後係月見咖喱吉列豬扒丼，豬扒好厚身，而個炸漿唔算太厚，所以咬落去唔會食到成口粉，咖喱唔算係太辣果種，反而仲有少少甜，幾易入口4個人埋單都係三百幾蚊，仲每人有杯飲品，尖沙咀來講真係算平

今日經過先發現原來一蘭隔離開咗間古祖風嘅日式小店，所以放工決定入去試新野店舖雖然細細不過都坐得幾舒服😌我哋四個人叫咗三個丼再加三個小食share三重芝士火山鰻魚丼鰻魚口肉多汁，加埋咁香濃嘅芝士真係好好味。鰻魚一串串方便我哋分嚟食黑松露鹿兒島和牛丼黑松露配和牛雖然兩者都比較濃味，不過食落又出奇地夾。和牛質素唔錯，大大粒有兩大串。三重芝士火山燒咖喱牛肉丼咖喱配芝士真係好嘢未！仲非常邪惡添！日本咖喱送飯一流芝士蔥蛋餅芝士配蛋又香又有咬口又煙韌！加埋啲蔥花，唔知點解好有中式feel🤣牛肉大阪燒估唔到超大份！好彩入邊比較薄，唔算勁多粉漿，反而多牛肉，識落唔會太滯明太子釀雞翼正飲品選擇都幾多而且唔貴草莓乳酸梳打百香果乳酸梳打荔枝乳酸梳打巨峰提子乳酸梳打

去完K11行街，行左去對面嘅棉登徑睇吓有咩食，發現一蘭隔離開咗間日本野，見坐爆哂咁我地都入去試試。見到有鰻魚飯忍唔住又想食，揀咗三重芝士火山鰻魚丼。個飯本身冇汁，只有三串用芝士燒嘅鰻魚喺面頭，鰻魚燒得好香脆，但係入邊仍然好鮮嫩多汁，芝士味濃，整體幾好食，但如果個飯有汁會更好。個芝士蔥蛋餅似係招牌菜式，用原個煎pan上，可以keep住熱辣辣，蛋邊煎得脆，但中間部份係半生熟嘅狀態，夾起仲有啲芝士絲，食落好滑好正！煎蛋功夫屬高水準～必試～男胖子叫左月見松葉蟹甲羅燒，超多蟹膏，味道濃郁，推介！芥辣八爪魚，幾好食，會食上癮。燒雞腎同燒雞肝都唔錯，都係即燒。嘢飲叫咗荔枝同百香果乳酸，唔會太甜，good~~