韓閣 (新都城中心二期)

營業中

休息中

將軍澳平價韓國菜,呢間韓閣位於新都城中心二期,餐廳既裝修幾復古,用左好多古舊Poster去設計,好韓風feel😂佢地既價錢比較新民,以平民價錢食有質素既食物👍🏻當晚都幾多人黎食,食物嘅選擇都幾多,而家仲做緊生日優惠,會另外送一杯特飲同甜品,正😀《三重芝士炸雞(半份) $118》食韓國菜點可以唔叫炸雞,半份都有成五大舊,兩個人叫半份都好夠食😂炸雞外皮好脆,入面仲keep到肉質既Juicy,芝士可以拉絲,又唔會太膩👍🏻《心多多蛋卷 $78》心多多蛋卷有三隻味組成,有泡菜,紫菜明太子同埋芝士,蛋卷都整得幾厚身,生熟度啱啱好,幾好食🙈《牛骨蘿蔔湯跟飯 $128》個牛骨湯好清,估唔到一啲都唔油,蘿蔔索晒啲湯,好清甜,牛骨既份量都好多,全部都冇乜骨,啖啖肉,仲有好多蔬菜💁🏻‍♀️整體覺得呢間餐廳幾抵食,晚市都幾多人黎食,以呢個價錢黎講食物既質素絕對對得住,係平價抵食之選,性價比幾高!佢地既岩漿飯都好多人叫,爆多芝士🧀️,超級拉絲,今次太飽試唔到咁多,仲有好多特價小食,真係幾抵!韓閣將軍澳欣景路8號新都城中心二期1樓1015號舖[⭐️5分為滿分]味道⭐️⭐️⭐️環境⭐️⭐️⭐️服務⭐️⭐️⭐️價錢⭐️⭐️推薦⭐️⭐️⭐️

六點後無堂食，周圍都食到厭喇之前已經寫過韓閣的食評，今次買外賣，都想評價一下外賣既質素。估唔到外賣的質素比想像中好最值得讚既係炸雞，揀左味道係三重芝士，半份份量，炸雞比jxxlibee 或KXC好食👍🏻👍🏻👍🏻真係好驚喜！炸皮香脆，雞肉嫩滑！一定要食！！！再叫左一份韓式拌飯，五花腩肉，醬汁同味道都不錯韓式泡菜煎餅偏辣，外賣既話因為凍左，所以味道較為失色，堂食熱辣辣既話應該好啲！ 外加左一份薯條，係我最偏愛既粗薯條，所以十分滿意！