韓閣 (新都城中心二期)

營業中

休息中

呢晚同朋友嚟到寶琳食韓國野 6點幾去到未見好多人 去到7點幾8點就滿座 入座用餐限時90分鐘 店內播住韓文歌 韓迷朋友聽得好開心🤭入座就送上酸酸辣辣嘅開胃小菜 食物選擇多元化 QRcode自助下單好方便👍🏻🧀芝士岩漿炒飯 💰102份量滿滿嘅芝士超吸引🧀😍炒飯入面仲有豬腩肉 攪拌之後食每啖都充滿芝士香 做到拉絲效果 趁熱食芝士會更好味😋🍗三重芝士炸雞 (半份) 💰118六件炸雞 用咗普通芝士&車打芝士&芝士粒 芝士味道豐富 但就咸咗啲 芝士飯再加芝士炸雞全部都係🧀🧀🧀食完好飽😂🍟香草薯條 💰+20叫炸雞加20蚊就有份薯條 大大份幾抵食 薯條炸得好香炸 唔洗蘸蕃茄醬都有啲咸咸嘅味道🤭🥚心多多蛋卷 💰78鍾意食蛋卷嘅我 又唔知叫邊款好 心多多一次可以食三款蛋卷就最岩我 每款有兩件可以同朋友share🤣配料係放喺蛋卷上面而唔係包喺入面 分別有<泡菜辣醬> <紫菜明太子> <芝士二重奏> 蛋卷香甜好味😉🍸香桃乳酪米酒 💰56米酒味道唔會好哽 淡淡桃香 甜甜哋 容易入口🍑

第一張相比大家睇我哋清空晒佢啲野食，就知真係好食！今日收工攰到傻咗，同男朋友係屋企附近食啲嘢。喺新都城一間韓國菜餐廳，店面唔算特別起眼，但原來內有乾坤。餐廳入邊位置唔算太多，但錯落都算闊落，餐廳係用QR code自助下單。我哋叫左幾樣signature嘅嘢。三重芝士炸雞 $118(薯條+$15) 炸雞新鮮炸起，所以熱辣辣，雖然芝士睇落去好似唔夠，不過實際食落岩岩好，多少少就會好漏。薯條不過不失，唔係好鹹，新鮮熱辣實好好食！牛骨蘿蔔湯 $108特別推介！勁好味，成個湯牛味勁重，而且牛腩牛肉份量都好多，加上菜條條都好入味。雖然美中不足係蘿蔔唔係太入味，不過呢個價錢性價比極高！真係一滴不漏咁飲曬食曬！炒雜菜 $35落單個陣有得叫廚房減鹽，上枱個口味岩岩好，不過比想像大份好多，$35好抵食。整體黎講，好食到不得了，而且係屋企附近價錢又合理，我絕對會因為佢個牛骨湯再去幫襯，有得怪自己太遲先發現到呢間餐廳。

一直都對韓國美食有種憧憬， 食一餐韓國晚餐都可以猶如韓劇中男女主角般浪漫。三重芝士炸雞半份，$118。 炸雞算係韓國必食食物之一， 三重芝士味道有別於傳統韓式炸雞， 多咗份濃厚口感同埋芝士味道， 個人認為喺賣相同味道上都有所昇華。 半份大概有六件雞， 兩個人絕對啱啱好。傳統豬肉泡菜湯，$52。 加份年糕片15蚊。 個人認為正常辣度 最正宗， 配搭韓式年糕片 非常好味。 湯裏邊有幾嚿豆腐， 同埋經過醃製嘅醬油豬肉， 都係充滿滿滿嘅韓式味道！

六點後無堂食，周圍都食到厭喇之前已經寫過韓閣的食評，今次買外賣，都想評價一下外賣既質素。估唔到外賣的質素比想像中好最值得讚既係炸雞，揀左味道係三重芝士，半份份量，炸雞比jxxlibee 或KXC好食👍🏻👍🏻👍🏻真係好驚喜！炸皮香脆，雞肉嫩滑！一定要食！！！再叫左一份韓式拌飯，五花腩肉，醬汁同味道都不錯韓式泡菜煎餅偏辣，外賣既話因為凍左，所以味道較為失色，堂食熱辣辣既話應該好啲！ 外加左一份薯條，係我最偏愛既粗薯條，所以十分滿意！