平成 (已結業)

見到呢到個門口裝修好日系，真係好有日本感覺。太耐冇去旅行，好想食下日本野。同朋友想靜靜地傾下計，所以想揀間居酒屋。呢到位置係一蘭拉麵隔黎，絕對唔難搵三重芝士蔥蛋餅🧀$90芝士味好濃，食得出啖啖都有芝士，落足料，蛋餅用鐵板上，食到最尾仲熱辣辣，仲有烘底嘅香味，加埋蔥食唔會覺得漏鹽燒雞膝軟骨🍖$90雞軟骨份量幾多，加埋大蔥一齊爆香炒過，一路食一路小酌幾杯😋正汁燒墨魚咀🦑 （兩本）$90墨魚咀都幾高質，肉質有彈性，冇雪味，上面淋左燒汁，仲灑左鰹魚碎同蔥粒係表面，味道咸咸甜甜，仲帶少少炭烤味華味鳥鹽燒雞皮 🐥（兩本）$80雞皮燒得好香脆，油脂分布都幾平均，唔會太肥，配埋杯酒就最爽黑松露安格斯稻庭烏冬🍄 $210呢個真係超級推薦🌟黑松露俾足一大勺，一啲都唔慳皮，成碗湯底都有濃濃嘅黑松露味，撈埋溫泉蛋♨️味道好夾！安格斯牛炒過，一半炒到脆脆地另一半好嫩滑，牛味濃郁，口感豐富。烏冬用左日本稻庭烏冬，好彈牙！鍾意食黑松露嘅人必試

餐廳門口其實好細而且唔係好起眼，齋睇門面好似一間日式嘅居酒屋咁樣，而且好高級！餐廳入面唔係好大，大概得10個位左右，正正因為咁，感覺非常親切。➡️ 蒲燒鰻魚丼 一尾 ($160) ⭐️⭐️⭐️⭐️⭐️有成條鰻魚嘅份量，多到睇唔到d飯！鰻魚生熟程度啱啱好，而且又厚身，食落淡淡肉好正，鰻魚汁都好香，送飯一流！➡️ 牛肉大阪燒 ($100) ⭐️⭐️⭐️⭐️份量適中，煎得好香口，每一淡食入口都食到牛肉、紫菜同埋醬汁。➡️ 三重芝士蔥蛋餅 ($70)⭐️⭐️⭐️⭐️直接用一個煎pan咁樣上碟，嚟到嘅時候仲係熱辣辣，芝士味非常香，而且食落唔會好膩，配埋上面d蔥，好正😍😍平成地址📍: 尖沙咀棉登徑8號凱譽地下17號舖.............................. 味道😋: ⭐️⭐️⭐️⭐️💫環境👀: ⭐️⭐️⭐️💫服務👨🏻‍🍳: ⭐️⭐️⭐️⭐️抵食💰: ⭐️⭐️⭐️💫

和風居酒屋@尖沙咀依間居酒屋喺棉登徑，唔係好大間鋪，反而更加有日本小店 feel。水泥牆既簡約又有型，菜式好多種類，好唔錯～去居酒屋點日本生啤是常識吧，一點完店員即時喺啤酒機斟出嚟，味道甘香。原本酒泡係豐盈啲，不過我飲咗先影相，哈哈！泡菜炒五花腩比較濃味，充滿泡菜嘅酸辣。五花腩份量豐富，炒得惹味，送我杯生啤就最適合不過。大阪燒中間有牛肉做餡料，厚度適中，上面有超多美乃滋同紫菜！底面都有脆脆嘅口感，好食～雞肉好嫩滑多汁，醬油提味得嚟唔會過鹹，兩者好夾。大蔥切細一齊炒，入味之餘幾爽口。以平底煎鍋端上非常熱辣辣嘅芝士蔥蛋餅，蔥花多到不得了，賣相好吸引。蛋餅嘅芝士味幾濃，好似同啲蛋融合埋一齊咁。鰻魚丼都係加咗芝士去燒，火候啱啱好，燒得好靚！鰻魚軟滑好味，絕對冇畀芝士蓋過呢，整得好出色。