翡翠拉麵小籠包 (已結業)

今日突然好想食上海野，就去咗銅鑼灣西貿既翡翠拉麵小籠包食午餐，當然一去到等唔夠5分鐘就入到去，人流唔太多，好快就有位。睇下個餐牌，叫咗個招，四川擔擔麵，個湯底酸酸辣辣，麵質彈牙，我仲飲咗半碗湯，湯味濃，完全啱哂我胃口。當然要叫埋個上海小籠包（四隻），係小籠包頂部用筷子桔一下，倒入醋及薑絲先再食，包內湯汁多又燙，但要小心唔好一口咬落去，咪就好容易燙親條脷。因為仲係有啲餓，所以我叫多一條炸銀絲卷，炸到金黄色，好脆口，點埋個練奶就更加好食。

以為世貿中心會無咁多人，點知閒日夜晚8點去到都要等幾張枱，入面都幾爆滿下。好彩上菜速度快。兩個人嗌左：小籠包（四隻，$40）、花雕醉雞（$78）、特濃蝦湯海鮮泡飯（$88）、酒釀圓子（$34）、熱桂圓雪梨茶（半價$11）。小籠包、酒釀圓子好食，海鮮泡飯都ok、但應該係扔左個菜飯落去做泡飯😂花雕醉雞個花雕夠味、但d雞真係好碎、又多骨，唔值呢個價。桂圓茶偏甜。人手都唔係好夠，嗌左三次加茶先有得加茶🤦🏻‍♀️