半島酒店大堂茶座

營業中

休息中

咁出名既半島酒店下午茶，當然想試啦但似乎有啲名過於實唔知係咪員工訓練麻麻地，態度未算差，但有待改善。比起新既瑰麗酒店，兩間都係差唔多價錢，但服務黎講，瑰麗真係做得好好多首先，打去接線生問多唔多人，接線生係女仔嚟，態度麻麻地咁答 但語氣真係麻麻，絕對唔係5星酒店既態度第二，企大堂既登記個位女職員，又係，唔知同接線生係咪同一個人，我唔認得，但有啲似酒樓出面d職員，有啲唔耐煩 （其實你唔想做呢份工，可以試吓去3星d酒店做，岩你多d）第三，叫左兩杯凍飲，一杯比飲管，另一杯無比。都算，問個男侍應攞支飲管，佢無講任何野，好又唔講，無問題又唔講，一句唔好意思又無。我都唔知你聽唔聽到 佢之後去攞飲管，我先知原來你聽到㗎，只係唔比反應姐食物方面唔錯既，但未算好出色。環境還可以，但有少許舊同昏暗，餐具都有d舊。同樣價錢，會揀瑰麗酒店。

難得一來半島享受下午茶。主要都係嘆下。不過服務次乎並唔係想像中咁好（或要我要求高🤔🤔）一進入大門，先見登記位置並唔係近門口位，眼見有個叔叔服務員疑似嘅帶位，我望下望，問佢係咪果度登記，佢就似係唔係咁答我，於是我就再問佢第二次，證實後就同佢講兩個，佢問：有無訂位。我答佢：無。正當佢同我confirm無booking時，我朋友就話之前有打過話無得訂，然後個叔叔就一句斬釘截鐵咁shop左我朋友：你聽我講埋先。老實講：我唔明，點解客人講野時要截住人講話？到我地繼續聽完佢講野，問佢有無位，佢就話未知住。結果等左一輪，有個帶位姐姐就帶左我地去坐，點知就俾門口第一張枱我地，帶位姐姐同我講得返門口枱，其他無晒位。但我眼見根本入邊係仲有好多吉枱，所以再問另一職員可唔可以轉枱，答案係：可以。果個職員仲話呢度有幾張問我地想坐邊張。咁我心諗之前個帶位姐姐又話得返門口枱？🤔🤔（其實除左個門口叔叔，其他職員都有禮貌）食物方面叫左個兩人set對於食物無要求嘅人無乜評論，不過慢食都好夠飽，淨返四件鬆餅都要打包走。環境：食半島，主要食佢個環境，應該都無異議，樓底高多人傾偈都唔覺嘈。

「半島粉紅絲帶」籌款活動於10 月份開始. 為香港遺傳性乳腺癌和卵巢癌患者及其家屬籌集資金.整個10月. 半島大堂茶座每售出一客「粉紅絲帶下午茶」, 將撥捐HK$20 收益於該資料庫.估今天特地前往茶聚. 可能是假期關係. 排隊的人龍特別長. 我和朋友等了 75 分鐘才入座.我們點了兩客下午茶. 三層的茶點架上縛有粉紅絲帶, 桌上亦擺放粉紅色玫瑰花, 很是柔和.底層的牛油提子鬆餅仍舊美味, 中層的各式三文治較以往味濃, 尤其火腿三明治夠咸香. 蛋批亦鬆化. 頂層的雲尼拿慕絲甜度適中. 紅草莓批亦不錯.唯獨馬卡龍的草莓醬比較多, 甜了少許. 朋友點了荔枝茶, 但沒有荔枝味. 結帳後還送上 2 顆香滑朱古力. 這天來半島除下午茶外, 亦可以做善事, 何樂而不為.