新泰東南亞餐廳 (已結業)

係駱克道打完波，成班朋友係灣仔揾飯食，其中有朋友就話想去食泰菜。行行下，最近的一間應該非新泰莫屬，我覺得這間餐廳很適合多人聚會！門面都幾靚，內裏環境都優雅，坐位也很寬敞舒適！我們來到時已是晚上九點，完全不用跟人逼和排隊，等著侍應安排入座。這裏的侍應也多是泰國人，但都識聽識講好多廣東話。大家熱烈討論下個餐牌，樣樣都想叫，款式太多。最後叫左馬沙拉雞肉，我地前後再加薄餅，法式包，估不到這樣子吃是非常好味的。然後還叫了泰式菠蘿炒飯、炒蝦金邊粉，這種飯面類很普通：其中蔬菜也叫了兩款：飛天通菜，很辣呢！頂唔順，哈！另外的蒜蓉炒貴妃苗，真的很推介這個菜苗，入口很幼嫩！也有叫串燒（雞肉，牛肉）以及拼盤，這兩款也是泰菜的經典款，呢間餐廳在這兩款菜式的煮法很香口，很抵order!可以一大班人分享多種小食！

近期愛上東南亞菜，放工後約朋友到就近餐廳晚膳。朋友推介這間開業二十多年的泰菜，聽說由泰藉廚師主理，質素有保証。餐廳裝修美輪美奐，金光閃閃，充滿泰國風情。先來一客香芒牛油果軟殻蟹卷 米紙卷口感層次豐富，軟殼蟹夠脆口。芒果中和了軟殻蟹的油膩，清新爽口，作餐前小食不錯。分別點了豬、牛、雞 串燒，雞肉嫩滑，牛肉吃起來有點韌，豬肉則較有咬感。串燒蘸醬濃稠惹味，跟串燒十分相配。拼盤份量比一般餐廳大，有蝦餅、魚餅、春卷、豬肉碎及生菜包 。蝦餅熱辣辣上枱，外皮脆口，內裡蝦肉彈牙。魚餅比蝦餅鬆軟，濃濃泰式香料味。生菜包微辣醒胃，值得一試！金邊粉由蛋絲包圍而成，賣相吸引～煙煙韌韌， 味道酸酸甜甜， 令人食指大動！吃時加點青檸汁，更添風味～餐廳食物款式蠻多，我地都期待下次試試這裡的南瓜咖喱海鮮 及 芒果糯米飯！

4位美女聚會，必需揀一間坐得舒服嘅餐廳，因為女人傾計可以傾到喉嚨乾涸都未傾完😂今次朋友揀左呢間泰國菜餐廳，地方好寬，枱與枱有一定距離，大笑都唔會嘈到人👍😁先要講每款菜式都熱辣辣上枱❤呢方面係100分，同埋我坐位置係一定叫到侍應，卡位👍先黎串燒，雞牛豬各一串，熱辣辣，泰式味道濃郁，唔會燒到乾爭爭，其實呢款菜式周街都有，但50%都做得麻麻好求其，所以呢啲質素我覺得唔錯👍泰式炒金邊粉，我係呢間食過最好食，唔會太流，唔會淋，炒得好香！下次再黎係必叫！咖哩牛加薄餅，咖哩其實都香，牛肉都好淋，唯一不滿意係……可以多啲咖哩，因為食完一份薄餅，我再叫多一份，薄餅好鬆軟好香口👍😎😎燒魷魚就一般，不過熱辣辣，係要加分嘅，唔夠淋。炒椰菜仔好爽口，傾傾下好快都食曬了，請大碟一點就好了😂😂總括都係好滿足，仲要每人二百幾蚊食咁多野，算抵，可以介紹朋友普通聚會黎試下👍

自從在尖沙咀分店吃過新泰後，每逢想吃泰國菜，都會先想起新泰。今晚放工要到灣仔辦點事，目的地又接近新泰的灣仔軒尼斯道分店，便決定同Mr.J在此用餐。灣仔店面很大，中間有幾張大圓枱，10幾個人嚟食都無問題！今晚點了:參峇炒通菜串燒青咖哩豬泰式菠蘿炒飯串燒 ($88,6串) 在尖沙咀吃這個時，感覺好像乾了點點；今次在灣仔分店點了豬牛雞各兩串，每一串的質素都不錯，燒得剛剛好，每一串都保留了相當多的肉汁而且好嫩滑，沒有變肉乾，而且沾上沙嗲醬後變得更美味。參峇炒通菜 （$72)本身不清楚何謂參峇是什麼味道，只因為少見所以點了。通菜炒得很有鑊氣，第一口吃下去，吃到的味道是有點酸，有點像蝦醬味，挺惹味。（原來參峇是基本的娘惹醬汁，會有蝦干、酸柑汁等製造）青咖哩豬 ($78)青咖哩一向是Mr.J見到必點的餸菜，今晚當然點了。青咖哩豬的豬是肉片來的，配菜的還有泰國茄子、南瓜；豬肉很嫩滑，茄子和南瓜很入味。青咖哩很濃郁(還記得曾在某地方吃過一次像湯。。。)，加上椰漿來引味，香得來帶點辣，若有白飯或烤餅一起吃，風味更佳。泰式菠蘿炒飯 ($108)第一眼的感覺是，份量很多！！！基本足夠三至四人享

今日早收工可以喺灣仔度搵食，我哋揀咗間東南亞菜，我哋兩個人等左5分鐘就可以入座，佢哋安排咗四人枱比我地兩個，坐得好舒服，好闊落。因為真係太肚餓啦，我哋叫咗個雞牛豬串燒，燒春雞香茅飯，蝦米紙卷，最後加多個甜品拼盤，加多兩杯椰青，真心啲串燒葉醃得好入味，沙嗲醬好香！發燒春雞裏面讓左啲香茅飯，香茅焗得好香，啲雞燒到啱啱好。蝦米紙卷個sauce 酸酸甜甜好開胃。令一亮點就係個甜品拼盤，必食推介下次可以試吓菠蘿炒飯

平時較少食東南亞菜，因為爸媽唔中意食日本菜，西餐果啲，所以帶佢地黎呢度！食完又覺得唔錯喎！會介紹其他朋友黎串燒（豬牛雞）可以選要咩肉，或者好似我甘混合都得！一次過可以食晒甘多款不過我個人唔係好分得清豬同雞，但都好入味因為燒既關係，肉較乾身，不過點埋個醬食，就唔太乾。酥炸香茅魚條魚都幾大條，兩個人都難食得晒！炸得好脆口！可以叫做外脆肉軟！肉質好新鮮，啖啖肉，完全無骨！最中意食魚無骨架啦有一小碟青芒沙律超酸，建議大家唔好夾一大“住”甘黎食，你會臉都變型哈哈。不過你夾埋魚食又有另一番風味，兩者都幾夾！幾好味！個甜酸汁都做得唔錯，值得一讚！原個椰青大菜糕好清甜！好好食！！已經起晒肉，再用椰青水整成！爽，甜，正可以形容佢一個只需68，抵食！！甜品糕點既名真係唔識，不過幾好食，唔太甜，好香椰汁味芒果好甜，如果有更多更好啲度幾適合帶長輩黎，一黎質素好，二黎除食中菜，都可以試下岩佢地胃口既東南亞菜

2016年最後的晚餐決定喺灣仔食泰國野，選定呢間。新泰都唔係第一次食，水準都唔錯、又夠闊落 ，其實餐廳都幾大，位置都幾多，不過除夕夜近乎爆滿，好在事先已經預約位置。我地四個預計仲有餐宵夜，所以就冇點太多餸。醃無骨鳳爪沙律 $68無骨鳳爪酸度適中，朋友覺得稍辣。食落爽口、開胃，但以呢個價錢份量偏少~泰珍珠椰菜苗炒香菇 $82本身食泰國野都好鐘意點椰菜苗，貪佢夠高纖維，有助消化~呢度炒得爽口、唔會太老，可惜泰式味薄弱，香菇唔覺眼有同樣地，炒菜份量比較少~泰式炸蝦餅 $78炸蝦餅好好食！總共四大粒，一開二，正常份量又係特別貴~炸粉唔厚，時間啱啱好，食落唔乾好彈牙、有蝦味！一份實在太唔夠喉，好想再叫多碟！蒜蓉越南牛油雞翼 $68以大量炸蒜蓉伴碟~雞翼好香口，食落唔油；但冇乜牛油味，主要係俾炸蒜蓋過…另外伴碟嘅洋蔥都好食，我仲留番啲炸蒜撈飯！串燒$68/6串串燒都係豬、牛、雞 亦都容許自由配搭。唔洗煩，當然係每款兩串~雞肉燒得腍身，肉質滑溜，完全唔乾柴，好食！豬肉雖然唔夠雞肉嫩滑，但都比唔少泰國菜嘅串燒豬出色。牛串不過不失，比較乾。串燒配合沙嗲醬，整體係好食，爭在唔係好夠熱。越式燒春雞釀香茅黃飯

泰國菜一向係我摯愛，聼朋友介紹尼間泰國菜夠正宗就黎試下我地得2個人，但又咩都想試下味道點樣，搞到order多左沙爹串燒：有豬、雞、牛肉各2 串，肉很嫩又不會太油，配上沙爹醬汁讓肉變得更好食。椰青：好清甜又可以降火，好中意食入邊既果肉好好味蕉葉烤鱸魚：用香蕉包住成條魚去煮，可以鎖住魚的鮮甜味，另外魚肉很嫩而且唔會腥，魚骨都比較少。泰式蝦炒金邊粉：麵條口感好特別，唔覺得干身，賣相又好靚忍5住會想影多幾張相，食前加啲檸檬汁落去更加好味。冬蔭公 (細)：湯好好味，酸辣味大大提升食慾。而入邊既蝦好大隻，推薦鍾意食辣既人，因爲都幾辣南瓜布甸：南瓜布甸同牛油果一齊入口，又係一個未試過既食法，本身唔係好鍾意食牛油果，但係食完呢道甜品對牛油果又有新看法服務員基本上都係泰國人，但又食講廣東話，真心佩服~！ 

這間泰菜館裝修高級, 但價錢合理◦ 坐得舒服, 因為地方大, 枱與枱有足夠距離, 可以談天說地◦ 食物平均不俗, 適合大夥兒聚會◦串燒 (雞, 牛, 豬各二), 不錯越南牛油雞翼, 很香牛油味芒果軟殼蟹米卷, 軟殼蟹炸得有點淋, 太細隻, 不夠口感南瓜焗海鮮飯, 太小海鮮, 味道尚算不錯焗爐魚, 不夠香, 而且多骨咖哩麵包軟殼蟹, 咖哩配麵包, 正班蘭糯米布甸, 不錯班蘭的香味, 所謂布甸的味道像蛋捲馬拉盞通菜, 好