泰禾美

營業中

休息中

今日同朋友去九龍城食泰菜，朋友話呢一間可能係全香港最好食嘅泰菜，聽到呢度我都忍唔住一試龍與鳳。首先我地叫左6串串燒，分別有牛、雞、豬、豬頸肉同墨丸，串燒唔會燒得太dry，配埋啲泰式辣汁，好食又juicy。跟住叫左一隻泰式炒蟹，蟹係膏蟹，炒得好入味，啲膏都好豐富，完全無揸流攤，一睇就係新鮮蟹。然後蝦醬炒飯係必食推介，炒飯粒粒分明，蝦醬唔會太鹹，鑊氣超重，好食到癲。最後泰式炒通菜，通菜唔會太老，純粹油咗少少，不過不失。總結來講如果你話呢一間係全香港最好食嘅泰菜，我覺得絕不為過，尤其是個蝦醬炒飯真係好好食。

星期六本來想去泰皇閣食飯,但門口好多人等位，之後去咗太太之前同同事食過泰禾美食，價錢比之前食過嘅泰國菜平好多，又好食， 第一次食泰式蝦醬炒飯好好好味😋，下次再去食過。

眾所週知，泰國野一定係九龍城食。第一次食依間，就係貪佢門面舊、裝修舊式，咁先食到正宗唔花巧既泰國菜。我地岩岩打完波，打算食小小就算。叫左兩樣加杯沙冰。芒果糯米飯(3.5/5)純粹個人喜好，生平第一次食，因為唔太好甜食。問左芒果糯米飯專家叮叮，依度既椰汁較稀，但都好食。串燒(5/5)靚靚蜜糖燒係面，傻傻分不清係bbq定泰式串燒。特別推介雞腎！依度係有得自選，唔會要你半打簡豬牛雞兩款咁，只要最少4串。食下食下，唔係好夠喉，叫多樣啦！泰式生菜包(4/5)小辣，岩岩有辛辣感又唔會食到好辛苦。依啲先係標準辣度，之前其他既都唔知做乜。非常滿意又有驚喜既一餐！走果陣好多枱客都有叫鱸魚，睇黎係另一招牌！依度2個舖位打通，每枱客都一枱接一枱。另外一提，有位係度做既老婆婆好好人，會提你先食咸食再食甜品，話我地倒轉左冇左個口感。婆婆果然識食。如果依度係意想不到咁好食，我同你就係出奇不意快地合拍！係咪呀叮叮