泰豪燒 (已結業)

疫情過後，第一次幫襯。原本兩間舖已經變為一間舖🥲同老闆傾完計先知，原來疫情期間都停業兩個月，好彩，仲捱得住💪🏼作為老客仔，入到黎照舊叫左個老闆既招牌海鮮砂鍋粥。唔知係咪因為員工少咗，所以好好彩係由老闆自己親手煮俾我食。食物唔止維持一貫水準，其實今次有意外驚喜。墨魚滑爽口彈牙，入邊既黃花魚亦都好鮮甜嫩滑。煲粥絕對係一部合格以外嘅砂鍋粥😋因為又要兩個人嘅關係其實我哋係下一個二人餐。個餐裏面仲可以捱多幾串串燒，但我哋又亂咁買啦冇乜特別簡。但其實都唔差🤣雖然而家都仲係好冷冷清清，但一定要加油捱過個疫情，就見到曙光架啦，努力加油，我們會黎多啲撐你架💪🏼

位於又新街嘅小店，主打串燒同埋海鮮粥，大纜都扯唔埋嘅組合兩個人點一個二人餐，有串燒、粥、啤酒，幾方便唔使諗。餐入邊包嘅串燒以蔬菜為主，或者雞豬。串燒基本上以椒鹽粉調味，雖然感覺上好重味精，同埋串串一樣味，但係都幾好食。翠玉瓜、四季豆燒到好林，加埋椒鹽粉好惹味，燒豆卜加埋泰式辣醬出奇地夾，反而雞同豬兩個肉類感覺一般。食完串燒食粥嘅時候，簡直覺得自己好似去咗第二間餐廳開始食第二餐。至於海鮮粥，味道尚可，但係唔夠坊間主打水蟹粥嘅餐廳咁香甜，雖然加咗$60換奄仔蟹，唔覺得隻蟹特別多膏。整體來講味道係唔錯嘅，但價錢唔平，略嫌呢個價錢食呢啲食物好似唔多化算...........

搵食搵到黎元朗, 突然之間想食串燒, 就決定試呢間 一入到去我哋嗌咗個串燒套餐, 包串燒同一兜粥, 我地一開始以為串燒先係重點, 到最後發現原本係錯既。當然D 串燒都燒得恰到好處同入味, 特別係個菠蘿甜到漏汁 我都特別推薦燒烤腸仔, 啲芝麻連腸仔一齊燒, 別有一番風味 食完串燒之後之後就嚟咗兜粥, 原來呢間舖頭最好味嘅嘢並唔係串燒, 而係粥! 一放上枱原來係勁大鍋, 我哋八個人都食唔曬粥有好多海鮮喺入面 啖啖都係海鮮勁鮮味仲有蟹喺入面值回票價如果下次一大班人嚟食一定推薦要食呢間! 因為串燒熱氣食完串燒就食粥下火咁就之啱啱好啦