丼瀛 (已結業)

係觀塘行完街，就過嚟中海日升中心搵野食，今次食日本野🇯🇵～⭐️三文魚腩三塊刺身都係厚切，而且好肥美😋⭐️原條海鰻壽司海鰻好大條，完全可以包住個壽司飯😂，海鰻有少少🤏🏻微烤，配埋啲汁，唔錯⭐️丼瀛特選丼一送上嚟，被嚇親😲，因為啲飯&刺身係用大玻璃杯？碗？裝住，勁靚😍丼飯有三文魚、劍魚腩各2塊，牡丹蝦、帆立貝各1隻，海膽1格、三文魚籽、玉子刺身全部都又厚身又彈牙，係完全可以每啖飯都配到刺身一齊食最正係海膽唔係苦，好鮮甜🥰超級推介👍🏻⭐️鵝肝和牛炒飯鵝肝、和牛處理得唔錯，入口即溶，調味剛剛好，唔錯

喺觀塘收工， 觀塘嘅日本嘢真係唔多，呢間book mark左好耐今日收工終於約到人一齊食8點到 在場都滿座！等左10分鐘😎🌟丼瀛特選丼 $188 🤤🤤🤤有 三文魚劍魚腩 帆立貝 牡丹蝦 三文魚籽 同海膽🤤🤤好多款唔知叫邊個好 就叫呢個試下先 乜都有啲佢既刺身質素十分好！！ 好新鮮鮮甜 啲魚腩位又靚壽司飯嘅份量都夾番岩岩好 我地2個人share 每樣野都試到🤤帆立貝 最好食壽司飯上面鋪咗少少飯素 口感幾特別🌟日式牛肉炒烏冬 $98見到好多人食呢個 但去到係餐牌上面見唔到原來係牆上既special menu好抵食好大碟 有勁多野菜 同埋烏冬係用稻庭烏冬 扁嗰隻 口感軟冧👏 推介！🌟 明太子炒翠玉瓜 $68呢個都係special menu 店員推介話好特別就試下結果真係好好食 一拎過黎已經好香好香🌟 蟹籽沙律 $45分量好大 同其他舖頭最唔同嘅係一食落去已經食得出佢入面加埋咗蘋果絲！ 蘋果絲加青瓜絲 比平時食開既多左甜味 更fresh🌟燒鳳梨 $28 🤤🤤🤤🤤🤤面頭舖咗一浸厚厚嘅焦糖28蚊但有6-7舊 好抵 而且好甜😁仲叫左杯啤酒 $68 (大) 😀

呢間到現時為止都有貼文宣無論係Pepe 連豬定每一句色彩繽紛嘅加油都令人不禁…….🥺🥺🥺清蒸茶壺海鮮湯 $68 💁🏿‍♀️幾特別 未試過用壺上😂都可以斟到6-7杯Share飲就啱晒湯嘅味都幾重 夠鮮甜夠濃味加多幾滴檸檬就再清新少少🍋天龍卷 (4件) $98 🙆🏿‍♀️見係推介就嗌咗嚟到覺得好有氣勢仲要真係feel到啲陣陣暖氣 新鮮滾熱辣佢係炸蝦天婦羅反卷+火炙三文魚+三文魚籽🍤落足料 話就話4件 件件大到我要分2-3啖食(自問唔係櫻桃小嘴👄)三文魚燒得好香 口感大致上都好match丼瀛特選丼 $188 🙆🏿‍♀️推！一隻靚靚玻璃杯 (或者你可以話係玻璃碗) 咁上驟眼睇以為好細碗 食落都幾飽餐牌寫晒有啲咩同份量2三文魚同2劍魚腩大大塊1牡丹蝦肉質夠晒爽口彈牙1帆立貝一開二 又厚身又大粒以上都鮮味十足仲有1格海膽即係足足2大條 份量多之餘 味道鮮甜三文魚籽嘅海水鹹味正正適合配飯仲有餐牌無寫嘅2片玉子 甜甜哋幾好食飯面有飯素呢樣幾驚喜 啖啖飯都有嘢配嚟食和風豬頸肉 $88 🙆🏿‍♀️足足有成14片🐷肥膏唔多 質地細嫩軟腍邊位燒得有少許燶造成微微焦脆嘅效果加埋佢嘅醬汁 (有少少似燒汁) 恰到好處焦糖燒

放假去觀塘區搵食, 天氣咁熱魚生丼真係恩物🙏🏻午市叫丼飯有好豐富既前菜👐🏻一坐低就上菜, 黎得太突然, 一度以為好似越南街邊檔咁上菜比你食左就收多你錢😂湯都係基本野, 唔太鹹飲哂成碗都no problem既, 沙律係圖中你所睇到既味💁🏻‍♀️茶碗蒸可以講下, 又幾滑喎, 上湯好香, 冇咩料, 不過都好好食👍🏻<丼瀛特選丼>成個menu呢個最吸引🙆🏻‍♀️印象中好似得一個丼有牡丹蝦, 蝦好鮮甜, 蝦頭有膏冇鐵鏽味, 幾ok喎🦐三文魚正常冇特別呀, 大塊但薄身, 如果係厚切三文魚就好啦🐟劍魚腩一如既往成舊雪凍豬油膏咁, 有啲啲渣, ok既😉海膽好鮮甜, 除左鮮甜我真係諗唔到咩形容詞形容魚生😅帆立貝同三文魚籽夠冰凍我就好滿意架啦😗總括黎講呢個丼好岩食, 款多又好食, 性價比好高🆙<特上吞拿魚盛丼>我個人麻麻地吞拿魚, 呢個丼有吞拿魚腩, 藍鰭吞拿魚同蔥吞拿魚腩💁🏻‍♀️我覺得蔥吞拿魚腩好出色, 量多好冰凍之餘, 口感好好配飯一流, 但吞拿魚腩我覺得普普通通, 藍鰭吞拿魚我自己本身都唔食, no comment😅----------------------------

環境大，座位闊落，上菜速度幾快。✨味道76分，份量多。.嗌set會配沙律，味噌湯，蒸蛋。沙律既醬汁分配剛好，味噌湯又唔會太鹹，蒸蛋好滑。.🔸丼瀛特選丼($158)有三文魚片，劍魚腩，牡丹蝦，帆立貝，三文魚籽，海膽。刺身夠鮮甜，份量好足夠，飯本身落左味素調味。.🔸汁燒安格斯肉眼扒($168)汁燒味道好香，不過少許偏鹹，配白飯還好。肉眼中間軟稔，幾juicy。.另外配燒餅棒，其實都係棒狀既日式燒餅，不過不失。.🔸巨峰提子梳打($8)🔸柚子蜜梳打($8)兩杯都好濃味，飲落好香提子同埋柚子蜜味。

今日係觀塘放工後，約咗屋企人去行吓街同飯，大家平時都鍾意食日本嘢，於是見到呢間丼瀛好似好正，於是入咗去食😆築地壽司杯 ($188)- 壽司杯魚生款式都好多元化，有三文魚、吞拿魚蓉、魷魚花枝、海膽等等，樣樣都食到好正，啱晒同朋友仔一齊分享丼瀛特選丼 ($188)- 一上枱就超吸睛，好多魚生，件件都好大好厚，而且鮮味十足，食落啖啖都好滿足- 擺盤都好靚，令人食慾大增芝麻雞翼 ($48)- 芝麻雞翼幾有驚喜，外皮炸到香脆，口感好正，好想encore 叫多碟- 肉質都好鮮嫩，肉汁都ok豐富明太子醬燒玉子 ($26)- 明太子醬好香濃，食落甜甜㗎，同玉子一齊食好夾- 玉子香軟，一咬落去就試到佢甜甜嘅香味，好滿足，大人小朋友都好啱食整體嚟講食物幾高質，新鮮美味，環境闊落，衛生情況都好唔錯，食得好開心👍🏻

位於觀塘中海日升中心的「丼瀛」是該區其中一間高質素日式料理，不但價錢親民，而且份量偏大，性價比高。難怪每當午市、晚市時段，店外必定大排長龍。日式丼飯以高腳杯盛載，而非用傳統圓碗裝，頗特別。珍珠飯上鋪滿新鮮刺身：海膽、三文魚、劍魚腩、牡丹蝦、帆立貝、三文魚子，非常豐富。刺身味道鮮甜，沒有腥味，質地嫩滑，整體水準高。另外，套餐份量很大，飽肚實在。除了刺身丼，還有沙律、茶碗蒸、麵豉湯、飲品，經濟實惠。即使將餐飲轉為特飲，如這次把飲料升級為柚子蜜梳打，加配價亦只是$8，算是良心價。

好少嚟觀塘，唔知原來而家觀塘咁多好嘢食，仲開咗好多新商場，真係太耐無黎🤣。今日陪朋友食飯，佢帶咗我嚟呢間黃店，勁黃，好開心！！🌟油甘魚牛油果沙律 叫咗個沙律做前菜，牛油果同油甘魚估唔到又幾夾🧐！每款材料嘅份量都夠多同新鮮，好健康🥳。 𓂀推介度：♥︎♥︎♥︎♥︎♥︎🌟丼瀛特選丼 $𝟷𝟾𝟾🔸三文魚 🔸劍魚腩 🔸牡丹蝦 🔸海膽🔸三文魚籽 🔸帆立貝好驚喜‼️冇諗過原來係咁大份，個碗仲好靚啱哂我呢啲港女🤣。啲刺身好新鮮👍🏻👍🏻，同埋全部都勁大塊，好抵食！我最鍾意個牡丹蝦😍，啲肉質好綿好fresh，如果可以多一隻就好🥺！𓂀推介度：♥︎♥︎♥︎♥︎♥︎🌟明太子醬燒玉子 $26好耐都冇食過好食嘅燒玉子，唔知點解好多餐廳嘅燒玉子係凍冰冰，今次終於食到想食嘅味道。個玉子燒得勁香，金黃色，外邊脆卜卜😚，唔使醬汁都好好味！❤️𓂀推介度：♥︎♥︎♥︎♥︎♥︎🌟蒜蓉燒茄子 $𝟻𝟾痴線㗎勁抵食！🤣邊有可能呢個價錢食到咁大份嘅燒茄子！正係佢都已經收埋咗我嘅心，燒得又香又夠多蒜👍🏻！𓂀推介度：♥︎♥︎♥︎♥︎♥︎🌟天龍卷 $𝟿𝟾味道唔錯，天婦羅炸蝦炸得幾香口，成個配搭好有層次感。不過個汁會有少少漏，建議share😆。呢碟嚟到嘅時候俾佢嚇親，舊飯大件都算，連塊三文

5201314..咁浪漫，當然要入去沾下正面既氣息雖然疫情要stay home，但午市都偷一日出黎食下吧🙈店岩岩新開張，店內空間感都十足，裝飾都十分搶眼同好靚🤗—————————————————————同朋友一人揀左一個午市套餐系列我揀左鍋物系列既特選牛肉而且仲有4種湯底揀(泡菜湯/壽喜燒/鰹魚昆布清湯/黑蒜油豚骨湯）正👍🏻 揀左壽喜燒，喜歡湯既清甜度，滲入左好多娃娃菜同其他配料既味道，不會太濃太味精😋整個鍋份量都大，牛肉都算多同肉質算嫩，厚簿適中，鍋上有大大既太陽蛋，篤穿蛋黃流入湯底，令湯味道更豐富！😍送飯食好滿足👏🏻最值得一讚係一個set有好豐富！有茶碗蒸，麵豉湯，沙律🥗同小食配！性價比好高！茶碗蒸十分滑另外揀既炸餃子🥟十分香口，賣相同味道都不錯朋友心情靚靚，豪點左個「丼瀛特選丼」🙊😍一serve到上枱就見到爆滿嘅新鮮食材，又肥嘟嘟，果然都冇點錯✨店主一啲都唔吝嗇，當中有三文魚、劍魚腩、牡丹蝦、海膽都成格、三文魚籽、帆立貝..係夠兩個share, 齊齊開心🦐🐟🍣🥢魚生夠肥美，我地視海膽為個standard嘅代表，因為我倆對於唔靚嘅海膽實在係會嗌晒救命😂 唔靚多一多都冇用嗱..佢就過