泰坊 (已結業)

一試難忘的泰式料理話說觀塘呢間泰坊又係我超鐘意既餐廳🤣🤣，今晚同屋企人一齊食，佢地都話好正，食到舔舔脷😍。泰式生蝦$48食滿$150可以用優惠價$48換購，非常抵食，老闆未介紹完我即刻話要一碟🤣。認真新鮮，點埋泰式辣醬更有風味😍。乾炒海鮮河粉$86河粉係用闊面，河粉炒出黎條條分明，一上台就聞到陣香味啦。而且配料甚多，有帶子蝦同埋魷魚，仲有芥蘭蘿蔔絲等等，夠鑊氣，好惹味！泰式豬手 $86其實碟豬手我哋係當小食，但冇諗到上枱咁大碟，真係超級驚艷😍😍。豬手軟淋入味，入口即溶☺️，連小朋友都好鍾意食。芒果糯米飯 $76嚟得食泰式嘢點會少得芒果糯米飯🍚，首先芒果真係好甜，糯米飯係綠色嘅，係黎自斑斕葉，味道亦都算正宗😋。人均100左右就可以食到咁正宗嘅泰國美食，真係超抵食，一定要分享俾大家，一定再同朋友過黎😋。

今日放工心掛掛好想食泰菜，見到附近有間泰國餐廳—泰坊，於是決定上去拆餐好嘅😜椰青花膠雞煲 ($98)- 呢個煲真心好正，個湯極級足料，甜都不得了，一啖接一啖，停唔到口，而且花膠大件有咬口，椰青又香軟細滑，雞肉都煲到好軟身，好好好味啊😍乾炒海鮮河粉 ($68)- 河粉嘅水準唔錯，炒得幾有鑊氣，好惹味，而且海鮮都好足料😙燒豬頸肉 ($45)- 豬頸肉切片均勻，肉質鮮嫩入味，外圍燒得香焦微脆，食落口感幾豐富😋香茅雞翼($38)- 香茅雞翼都幾有質素，肉質尚算香嫩，外皮炸得香脆，配埋泰式甜酸醬，每啖都好滋味😍椰青 ($38/1)- 椰青好清甜，仲好細心加咗冰塊，飲落非常之透心涼，挖埋入面雪白軟滑嘅椰肉，啖啖都好享受❤️酸辣鳳爪沙律 ($68)- 酸辣鳳爪果然都好惹味，酸酸辣辣超級開胃，而且鳳爪爽脆，口感一流😙食物真心高質，我地食到舔舔脷，所有配搭都恰到好處，而且好抵食，一定要encore😋