川莊

營業中

休息中

次次想食川菜多數都會黎川莊D野好味，環境又舒服！水果茶係每次都會叫黎解辣~夠大杯，兩個人share都得！乾煸茶樹菇係必食！唔會有菇既草腥味反而係陣陣炒肉碎既香氣本身對菇無好感平時連金針菇都興趣不大所以強烈推薦大家可以一試~手工啤~果香味😋

今日係結婚紀念日，去左朗豪坊行下街。不嬲好鐘意食川菜，見到間餐廳有川菜好興奮，老公話佢之前都試過，而且佢食完評價都不錯，又趁6點幾未算多人，所以一來就可以入去食，不用等位。老公已經試過水煮魚，所以就叫左牛肩肉(正常size)加4個配菜，再配以白飯來食，當中又有薯粉，所以食到好飽，份量好足夠。另外想食多d菜所以叫左個乾煸茶樹菇，又係好好食，唔油又爽脆!

到咗星期五，為咗好好慰勞工作左一星期嘅自己，梗係要食返餐好啦！自己本身都好鍾意食川菜，每次經過朗豪坊都好想試，趁住今日有時間可以排下隊，就決定揀佢做晚餐！經過差不多1小時嘅等待，我哋一坐低就即刻點菜。諗咗好耐揀水煮魚定係酸菜魚，但最後都係決定想要開胃啲嘅菜式，所以就揀咗酸菜魚。另外仲拉咗炸饅頭、乾煸茶樹菇同埋雞絲粉皮。點完菜之後佢就上咗茶，不過個味就怪怪地。第一道相嘅菜就係炸饅頭！佢細細粒，好容易入口。炸得唔錯，有外脆內軟嘅口感。之後就上咗雞絲粉皮，粉皮好滑！麻醬都好香花生味！乾煽茶樹菇食落好香！而且都好入味，份量又好足！唯一不足之處就係佢唔夠熱。可能係人手不足，擺內咗先上菜。最後就係重頭戲: 酸菜魚。一嚟嘅時候見佢大大碗，所以好期待！點知食落就好失望。酸菜魚都係佢哋嘅主打，但佢食范竟然唔夠酸味。重點係啲魚食落好腥，唔入味。唯一加分嘅係入面嘅薯粉好稔，夠味。。至於餐廳環境都唔錯，唔會迫，坐得舒適。但星期五，六真係要排好耐。建議可以平日去試咗先。