古早味台灣原味 (已結業)

網上見呢間台灣嘢食評價幾好，今日經過銅鑼灣就上嚟試吓。早上去見到未有太多人住，靜靜地享受個午餐唔錯。一入到去侍應已經幾熱情叫我地隨便坐，餐牌都有好多唔同選擇，估唔到星期日都仲有午市套餐可以揀。個人鍾意食套餐，因為覺得抵食啲，所以冇叫散嗌嘢食。叫咗一個五味雞飯套餐同埋古早味牛三寶麵套餐，嘢飲就配左茉莉綠茶同埋炭燒烏龍茶。五味雞飯用嘅係雞脾肉，雞肉多而且骨少，食落可以啖啖肉，而且可以揀五款唔同味嘅醬嚟點，所以好似每一啖都唔同味道，感覺幾新鮮。雞肉肉質都好嫩滑，食落唔會好粗糙，而且仲陪左三碟伴碟小菜，有半粒炸花枝丸，小辣嘅青瓜同埋雲耳，食落開胃， $55係銅鑼灣呢個地段好抵食。仲叫咗個牛三寶麵，麵係粗麵，牛三寶包括牛肚，牛鍵，同埋牛筋，牛肚夠林，牛鍵有三大塊，每塊都好厚肉下，牛筋有兩大條，每條都好粗，唔硬但有煙韌嘅感覺，而且個湯都幾濃，未食一上菜已經聞到好香嘅牛味。麵嘅份量都多，一個人黎食份量絕對有突，伴碟小菜一樣。$75一碗份量多而且質素高嘅牛三寶麵，個人認為好滿足。好開心食左兩份幾好食嘅午餐最尾個價錢都唔太貴，冇收到+1，下次黎銅鑼灣會再食呢間。👍

成日出街食lunch間間都食到厭，openrice見有間新開就去試下。入到店內人都ok多，好在之前已book位，坐椅同埋枱都比較細張，坐得少少逼，整體黎講都ok。叫左個五味雞飯，上餐時見到真係想即刻影底佢，雞同醬汁都排得好靚，成件事好精緻，唔覺得自己食緊快餐。講返味道，其實無咩特別，雞肉唔係特別滑，本身無味，全靠醬汁調味，d醬都係現成的，有姜蔥，泰式辣醬等等，總有款岩你口味。價錢$55包飲品，加埋個賣相係抵嘅。

1. 古早味牛肉麵（＄65)佢地嘅古早味牛肉麵係用傳統做法炮製，湯底好濃牛肉香味😍，肉質再淋身D會更好。彤樂評分：8/102.五味雞飯（＄45)(下午茶)雞肉阿嫩滑👍🏻，而佢重點係可以點5種唔同醬料，分別有wasabi、糖醋、薑茸、麻辣同紅油，我覺得薑茸同麻辣比較好食D！彤樂評分：8/103.酥炸大雞扒（$38）炸得香脆，不過雞皮同雞肉就分離啦......😅彤樂評分：7.5/104. 蚵仔煎太厚粉啦，蚵仔又少，似食麵粉多過蚵仔煎☹️彤樂評分：4/105. 三色芋圓（＄28)👍🏻👍🏻👍🏻出奇地唔錯，三色芋圓夠煙韌，而且仲有紅豆、綠豆、珍珠、沙冰，增加甜度，口感又豐富！彤樂評分：8.5/10

早上完了業務會議已經差不多兩點了，來到古早味台灣，已經有下午茶可以食！平好多呢～兩個人食，所以點了兩個餐再加一個小食和甜品。*五味雞飯 ($45)所謂的五味雞不是一隻雞有五個味，而且一隻雞有五個醬比你沾！雞看上去很白滑，食落口都很滑和雞味濃；因為雞只是塗了鹽再蒸，很保持到雞原來的味。由左至右，紅油、甜酸、蒜蓉、麻辣和芥末。*古早味牛肉牛筋麵 ($58)牛肉牛筋煮我很淋，而且煮得入味；麵是闊麵，麵條不太硬也不太軟。紅蘿蔔煮得很入味很甜！湯底不是味精的，飲了幾口都不覺口渴。*宜蘭卜肉 ($48)這個卜肉炸得超透的，表面很脆，炸粉又不會太多；中間是豬肉片，很JUCIY的，一點都不乾。*奶蓋烏龍茶 (+$5)美中不足是奶蓋沒有相應的蓋配合去飲；奶蓋的奶味很濃，質感薄和滑，不會太膩；烏龍茶少少少少甜，茶都算香。*三色芋圓 ($26)芋圓都做得很出色，夠煙煙UNUN和很濃的地瓜和紫薯味。