龍門樓 - 志蓮素齋

營業中

休息中

🌷🌷🌷結婚周年慶，一定要食餐好嘅素食來慶祝🎊🎊🎊 仲要地方濶落，客人人數比較少，可以享受一個寧靜晚餐的環境 🌷🌷🌷自從去咗新蒲崗返工，非常開心周圍有咁多素食餐廳。好自然就會揀志蓮素齋之龍門樓😘😘收工行過去，途經黃昏時份嘅志蓮淨園，景色優美怡人，在繁囂鬧市中的綠洲，一舒日間工作的無形壓力 😆😆😆 每棵羅漢松也花上心思及時間做修剪，十分齊整，自然是拍攝熱點 👍🏻👍🏻來到龍門樓，敵不過它的小瀑布設計，好像進入了小山洞中吃晚飯 😄看到其他食評，點咗啲熱門菜式：五福拼盤1）紅菜頭沙律2）醬燒菌3）紫甘藍醋粉皮4）風味碧玉5）香麻海苔麵根合掌瓜紅腰豆湯翡翠百福袋 2件菠蘿咕嚕麥纖香草芝士卷 4件招牌陳皮紅豆沙吃得好開心好滿足😌下次吃啲我喜歡的食物 😆😆

我第一次去志蓮淨苑同南蓮園池，估唔到响鬧市中會有咁古色古香嘅地方，好似穿越到唐朝一樣。我哋四大一小，一行五人專登嚟食素。我哋點咗：菠蘿咕嚕麥纖香煎蘿蔔糕素菜包芝士香草卷香菇菜苗餃金孢籽扒時蔬個菠蘿咕嚕麥纖嘅麥纖仲脆嘅，吸咗啲酸甜咕嚕汁，好好味！差唔多係我一個人清晒！個五福拼盤點咗個小嘅，都食唔晒，份量好足！不過其中一個朋友可能係無肉不歡，食極都唔飽，我哋之後去Happy hour仲要點多份雞翼食🤣🤣🤣🤣🤣

咁大個人第一次去志蓮淨苑，哇！真係好靚好舒服。即興喺度食齋，環境不錯，可以看到外面南蓮園池的景色。我們點了五福拼盤、菠蘿咕嚕麥纖、翡翠百福袋、和松露忌廉燴手擀麵。可能當日客人較多，上菜次序有點亂。第一道菜是咕嚕麥纖，賣相和味道正常發揮。第二道來了手擀麵，麵條煙韌恰當，伴了松露和蘑菇，但忌廉醬汁有點稀，雖然挺有松露香，但麵條未能入味，以至整個麵比較清淡。福袋雖然賣相一般，但吸滿芡汁軟綿綿的腐皮包裹住內裏有竹笙、金菇等爽口的材料，口感和味道都不錯。最後終於送來前菜，五福拼盤有酸甜的紅菜頭沙律、微辣的蓮藕苗香耳、醬燒豆纖、扎蹄等。一份拼盤裏面有着不同味道、不同口感、不同顏色、不同形狀的食材，成為了我今餐的至愛。

今天想找有特色的地方吃飯，找到了這間隱藏在有香港小京都⛩之稱的志蓮淨苑內的素食—龍門樓。志蓮素齋。沿路不論建築物還是園藝景色也古色古香，置身其中完全不像在香港鬧市。其中經過一間茶居也很有特色，但可惜當天沒有營業。走到南蓮園池的盡頭，終於到達今天午飯的地方🥰🥰這裡不同時段也設有不同的最低消費，午餐每人最低消費是$120。是日餐單❣️五福拼盤(小)（圖1）上枱時已經很吸引，小份對兩人來說剛剛好🥰🥰不會覺得不夠喉或吃剩。。紅菜頭沙律。紅菜頭切成絲，減輕了我不喜歡的草青味👍🏻酸味被黃豆沙律醬的甜味平衡，非常開胃而且豆香味十足👍🏻👍🏻👍🏻👍🏻。醬燒菌。就是燒汁雞髀菇😛😛正常味道但也很好吃！。紫甘藍醋粉皮。味道也是酸酸的，是加了柚子醋，但反而我認為像果皮的味道😂😂配上少少青瓜絲很清新🤗🤗。風味碧玉。我是第一次吃青瓜花苗，非常爽口，好想買回去自己煮😃😃😃味道微辣，帶少少麻香，但不會令舌頭發麻，很喜歡😋😋醬汁有少少甜味吊味，整碟帶來很大驚喜🤗🤗。香麻海苔麵根。就是切了片的齋鴨腎，但我嚐不到麻辣的味道。石菌炒飯（圖2）炒飯不油膩，飯粒炒的分明。黑色的點點就是石菌，配上雲耳絲和沙葛粒，菌味香濃而且煙韌好味😋

龍門樓位於南蓮園池內，環境清幽。如提早訂座，可於落地玻璃窗前欣賞瀑布園景用餐；需要留意晚餐有最低消費，每人150HKD。五福拼盤 $125 (細)紅菜頭沙津配黃豆沙律醬，比較似西式沙拉；醬燒菌係醬油燒杏鮑菇，甜甜地好香口；紫甘藍醋粉皮，粉皮配柚子醋酸酸地好開胃；風味碧玉係青瓜仔有Ｄ似露筍；香麻海苔麵根都幾香。野生雜菌砂鍋粥$90雜菌好多料，粥好錦好暖胃。菠蘿咕嚕麥纖 $98炸過既麥纖外脆內韌配上甜甜酸酸咕嚕汁，但佢韌既程度未必人人接受到。松露百合露筍餃 $45餃皮夠薄，松露味香，內含細細粒百合露筍，配搭一流。松茸竹笙浸勝瓜 $100 (半例)竹笙浸上湯，勝瓜好清脆。夕照丹霞 $55甘筍、蘋果、橙汁，顏色配搭令人好開心。腰果桃膠露 $60沒有腰果味，桃膠好少。

同媽咪嚟食齋,竟然無訂位都可以坐到窗口位 五福拼盤:1) 紅菜頭沙律: 甜得嚟好清新,似西式沙律,好味到會追住食!!2) 醬燒菌: 有芝麻,甜甜嘅,好和式風味,燒菌爽得嚟有咬口!!3) 紫甘藍醋粉皮: 有柚子醋同芥末杍,本身無味嘅粉皮食落變得好有層次!4) 香麻羊肚耳青瓜花苗: 我第一次食青瓜花苗,好清爽,比青瓜好食好多倍!! 5) 香麻海苔麵根: 呢個都好食,但就無以上4款咁特別.翡翠百福袋: 𥚃面有紅椒丶馬蹄丶西蘭花丶金菇,好爽口,一啲都唔膩 松露忌廉香草手趕麵: 一上枱超香松露味!! 可能因為個麵係曲曲嘅,個忌廉汁好掛麵,超好味! 雖然價錢唔平,但食材同味道真係無得彈!! 難怪成日都滿坐

鬧市中的一片靜土 (不過好多遊客同大媽🙄)打理得好好的庭園中有個小瀑布瀑布後就是齋舖💁🏻‍♀️相比其他齋舖 這裡的齋菜都較為特別餐單上一半的食材我都唔識🤯都是較為少見尤其是菌類簡直係聞所未聞🤷🏻‍♀️五福拼盤 | $125 (細)拼盤價錢略貴 但一次過可以試到5款前菜紅菜頭沙津較為西式 普普通通醬燒菌好惹味 菌非常爽脆紫甘藍柚子醋粉皮非常出色 柚子醋味道好芳香 酸得來不會過搶BB青瓜既得意又爽口 有少許麻油吊味好食香麻海苔麵根 有點似平時食的滷牛𦟌的感覺菠蘿咕嚕麥纖 | $98必食招牌菜❗️素版咕嚕肉並不新鮮但這裡並沒有用到慣常的麵根扮肉而脆炸了麥纖 做到外脆內韌的口感 超好食！加上咕嚕肉必備的甜酸醬真係好惹味翡翠百福袋 | $75 (2件)小小的福袋 油揚做袋裡面有馬蹄、金菇、紅椒口感豐富爽脆 芡汁香濃好味豉油皇脆柳 | $98脆柳這個菜名真的有點誤導 以為係素魚其實是豉油皇炒麵但用菇代替麵但這個海藻菇又真係好爽口好好食金菇菜苗餃 | $38 午市有幾款點心 試了這個素餃餃皮薄餡料多 而且菜苗好爽口亦有淡香地衣牛肝菌白玉炒飯 | $88 (half)地衣藻是什麼呢？答案是我食完都唔知😂只知

相約媽媽行下志蓮淨苑， 中午到龍門樓食齋！ 今次好幸運唔使等位一入到去就安排了座位給我們 今次我哋叫咗五福拼盤， 松露忌廉燴手擀麵， 酥炸海苔卷， 酥炸芝士卷， 蓮蓉壽桃。五福拼盤入面有紅菜頭沙律，醬燒麵筋，麻辣青瓜花苗，柚子醋粉皮，醬燒菌。 我最鍾意紅菜頭沙律同埋麻辣青瓜花苗， 紅菜頭沙律入口好清新， 麻辣青瓜有少少辣味， 入口爽脆酥炸海苔卷 & 酥炸芝士卷， 香口鬆脆而不油膩！松露忌廉燴手擀麵， 好香松露嘅味道配合埋忌廉好creamy我們叫了蓮蓉壽桃做甜品， 蓮蓉餡好香不算太甜， 細細個啱啱好

齋菜味道和室內環境都很不錯。設在人工瀑布後面，齋菜不油味道剛剛好，追求三低人士的好地方，普洱茶亦非常清純。今次主要推介三味:<五福拼盤>分別有紅菜頭沙律、醬燒菌、醬燒麵根、柚子醋粉皮及麻辣青瓜花苗紅菜頭沙律為健康之首|醬燒菌吸晒醬汁的味又香又好咬|柚子醋粉皮為醒胃之作|麻辣青瓜花苗中的微辣微麻加上芝麻油香。 一定要食!<翡翠百福袋>裡面盛了多種切得幼細的菇，配上蠔油汁，清淡不失有味道。<腰果桃膠露>是不錯的甜品，香而不過甜。

由地鐵走到南蓮約五分鐘，進入了公園範圍，經過一條彎曲的行人路，路人沒幾個，十分平靜，人不其然也把忙碌的步伐放慢。靜香行人路走到盡頭，來到熱鬧的餐廳，氣氛截然不同。雖然是『是日例湯』，但絕對足料，喝下去嚐盡蔬菜的香甜味道。 客龍滷豆腐 ～ 豆味很香，不會太咸，不錯五褔拼盤 銀棯醬茄子菠蘿咕嚕麥纖 ～ 汁入了麵根，咬下去慢慢浸出，好味！因每人消費$１５０，就咁叫餸未達標，所以點了壽包做甜品，即叫即蒸，包很spongy，蓮蓉不過不失。

很久沒去志蓮，那天突然想再看看摸摸志蓮的大木柱。到達時巳過了四時三十分，大門巳鎖，惟有在附近溜達，順便吃個素。因太早，在門外等了一會，看著玻璃外的景，心也感覺寧靜。因為沒有訂位，我和朋友被安排在二樓用餐。我們點了：酥炸海苔馬蹄餅　﹣這個炸得乾身鬆化，口感不俗五福拼盤(小)　﹣　有醬油菇菌、柚子粉皮、札蹄 、紅菜頭沙律、薑末四季豆紅菜頭沙律開首吃時覺得味道怪怪的味道很濃，但愈吃愈停不到口，是會上癮的；札蹄有咬口味道偏濃，也不錯。薑末四季豆薑末下得很多，辛辣醒胃。其他就味道一般。芝士焗南瓜這個是個人口味問題，不太喜歡芝士味蓋過了南瓜，個汁也太杰湯，白飯，與甜品是送的，過後才知道。湯是清甜的。不收茶芥和加一服務，晚餐每位最低消費是$110，是物有所值!

在香港的鬧市能有這麼一個大的公園, 又有小橋流水 、奇石蓮花池, 配上用心烹調的素食, 真是令人賞心悅目!我們人數不多, 所以只點了: 五福拼盤(小)有醬油菇菌、柚子粉皮、甘香扎蹄 、香芒紅菜頭沙律、薑末青豆。 我最喜歡柚子粉皮, 又酸又滑, 夏日消暑好前菜; 香芒紅菜頭是第一次吃到, 賣相及味道都非常討好; 扎蹄口感很特別, 不太似腐皮, 反而有點肉干的質感; 醬油菇菌及薑末青豆都做得很恰到好處, 四季皆宜的前菜。芝士春卷: 炸得不油不膩, 裡面的芝士不算很濃味, 更顯爽口, 非常配合這裡的環境。 日本菇粥: 粥底煮得很'綿', 味道溫潤得來不平淡, 很適合想靜心的人食用。說明是素齋, 素即是菜, 齋即潔也，莊也，恭也，洗心曰齋。若食客沒有心存洗潔恭敬的心, 會覺得這裡的食物味寡, 也很難體會到這些素食帶給身體消化系統少負擔的感覺。當日所見, 龍門樓比普通茶樓更吵, 果然食素不代表食齋, 人聲頂沸,好不熱閙, 也算是另一種普渡眾生方法。