重慶洪鼎火鍋 (已結業)

今日同幾位朋友行街，見到寫住‘正宗重慶火鍋，港式味道’，好似幾得意，咁就入左去試下啦。最值得讚嘅係菜單上所有食物都會寫低要煮幾耐👍🏻唔駛怕麻辣煲太辣，因為有會一個解辣方法，而且真係有用😳係食物方面，款式多，湯底有辣有唔辣✌🏻5色小籠包全部味道都不一樣，就算用煮的方法仍然會有汁係入面😌。蝦滑入邊超足料，有好多蝦。有一隻薯粉，唔係平時食開咁，係扁嘅，都幾特別。我覺得個鴕鳥肉都幾好味，而且價錢都比較平😆值得試吓。而且我地9點後入坐，仲有7折😆每人差不多$300，個個都食到超飽，環境都唔差，完全物超所值👍🏻

我同男朋友不嬲都中意食麻辣野，自從去左重慶之後就對重慶火鍋念念不忘，所以今次就決定試下呢間重慶過江龍！首先講下個環境，間餐廳都幾大，加上我地兩個人坐左張四人枱，啲座位好闊落，每張枱都有usb充電位，同埋有個小圍巾等啲汁唔好彈到件衫，好貼心既安排！另外每人都有兩對筷子，一對長既用黎淥野，另一對短既用黎食野。小食方面有花生同醃蒜頭食，蒜頭我興趣不大，但花生炒的幾香。今次我地叫左麻辣湯底(中辣)拼松茸野菌湯，雙拼係計貴啲嗰個湯再加$20，而本身呢兩個湯都係$160，所以雙拼就$180。雖然一開始都覺得偏貴，但黎到就覺得呢個質素黎講其實唔算貴。湯底上左之後侍應比左兩隻碗我地裝個菌湯飲，個湯底超濃郁，係出去就咁叫燉湯嗰隻味，同埋有好多菇係入面，完全唔係味精溝水嗰啲頹湯，果然一分錢一分貨！而個麻辣湯啲辣椒同花椒都超多，十分足料，但食野既時候要小心，成日食肉或者鵝腸嗰時會包住左個花椒，咬爆左之後搞到個口痺晒…調味料方面，枱面本身就有個調好左既醬料，入面有啲蒜蔥同麻油，正宗重慶火鍋就係麻辣湯淥完野之後點麻油，之前聽啲重慶人講咁樣食係可以等啲野食無咁熱同埋香啲，我係香港從來無見過呢隻咁正宗既食法，真係好

麻辣火鍋對香港人黎講一啲都唔陌生，通街都有。但真正能夠食到重慶風味嘅麻辣火鍋又有幾多間呢？今日黎到尖沙咀，路過見到洪鼎，佢以重慶名勝洪崖洞嘅老火鍋為特色，見到馬上就入去試下！先講湯底，重慶火鍋最出名當然係麻辣，除左麻辣火鍋依到亦都有提供唔同特色口味湯底。依到嘅服務非常細心，店員會推介唔同嘅湯底，講解佢嘅特色比食客。今次我地就試左中麻辣加松茸野菌鴛鴦鍋。另外依到亦附有圍裙同USB充電口，非常週到點完菜，店員首先介紹重慶風味嘅醬料，以油為基底，加上蔥、蒜等等嘅佐料配搭，可以解辣，另外亦有一個網格將食物沾到過多嘅油隔出。當然依個只係示範，亦都可以係醬料吧自己配搭。我就直接用左示範醬料，效果非常好！上左湯底，店員亦都會重新講多次湯底嘅食法。野菌湯嘅松茸係分開上，可以隨自己喜好落。野菌湯非常濃郁，直接飲都非常好味。亦都好適合煮味道較嘅清食材，例如蔬菜。先飲一碗野菌湯非暖胃。麻辣湯底嘅辣度適中，自問食得辣嘅可以直接挑戰大辣。辣椒花椒充足之餘亦有重慶風味嘅香氣，曾經去過重慶旅行嘅我係依到重拾到當時嘅感覺！麻辣鍋煮肉類鵝腸等等就最好不過。到食物，我地點左駝鳥肉、伸腿瘦鵝腸、羊肉片、五色小籠包、鮮蝦滑、

週日晚上同屋企人一齊打邊爐，今次食重慶麻辣火鍋！聽店員講餐廳部份指定檯的火鍋爐有升降功能。 真係好有趣！夾野食超方便，唔需要洗筷子XD 點餐紙好多選擇，有些自己真係未試過。 而且選擇的旁邊有寫埋分鐘(表示滾幾耐就食得) 好貼心呀！ 原來醬料都有學問，佢地嘅碟/碗係分2邊。 左邊落麻油+蔥+芫茜+生蒜+黑醋。右邊有洞嘅碟係將滾完的食物玷完醬料後放旁邊，咁就唔會食得過多的油份。(好貼心) 呢到嘅鵝腸好好食 本地手切肥牛，無偷工減料，真係有雪花的肥牛。 呢個價位來講性價比高。肉質新鮮有牛味 (下圖下面) 羊肉片，唔穌唔老質感岩岩好。 (下圖上面) 蟹籽墨魚滑好食到叫左2碟！連2歲囡囡都好喜歡。 8秒土豆片，唔好睇個名係有d娘，但真係滾8秒後食，好好好好好食！ 黑松露水餃，特別好食！ 要試！ 五色小籠包，我比較食慣薄皮style的小籠包，重慶style同用於火鍋可能需要厚皮。酸梅湯和竹蔗水係較出面飲到的濃，真材實料。 紅糖濱紛冰粉→解辣必叫。目測入面有黑白芝麻，杞子，冰粉還有幾樣野，落紅糖漿後攪伴即可。 好好飲又特別。而且的確可以幫助解辣。推薦！ 貢菜牛肉丸