暴風吸入 (已結業)

約左好耐之下，終於黎到呢間韓國餐廳，可能係平日關係，好少人，好似包場咁，無油煙味，已經好開心，因為我好怕成身味！今餐叫左好多野，分別點左燒五花腩、泡菜餅、海鮮煮物等等，而開始之前已經每人都有一份前菜，跟住就黎左點既酒，飲落好似益力多，完全唔覺有酒精，都幾好味，但就同之後既食物唔多夾，接住泡菜餅黎到，食落口外脆內熱，辣度適中，就連我唔太鐘意食泡菜都覺好好味，而海鮮煮物就唔太特別，但味道都唔算太辣同太咸，個人認為用黎餸白飯食會好食d，重頭戲的燒五花腩有專人黎燒，火候較得剛剛好，期間仲表現埋大火燒肉技術，肉質食落口就好多汁，脂肪同肉又梅花間竹相連，食落完全唔肥，仲好鬼香口，真心幾好食，不過講真係有d貴，耐唔耐食1次都ok既~~

已經是第3次去食每次都有驚喜! 店內有70% 都係韓國客人加上全部韓藉侍應生，我當自己去左一轉韓國食韓燒 燒烤的部份今次點了五花腩同牛肋條， 好彩有人幫我地燒，如果自己燒真係預左會燒燶一半， 無啖好食! 另外值得一食既係海螺拌麵， 麵入面加左麻油好香好滑， 海螺加入其他材料味道酸酸甜甜巧巧味， 食完想追加多個麵!最後我地加左個炒飯， 當然都係有專人幫我地炒啦， 女侍應整左個心心比我地!