齊魯家宴 (已結業)

📍#齊魯家宴#MFJ灣仔 #MFJ中菜人均消費: HKD403已經三訪！ 坦白講係香港喜歡的中菜唔多，齊魯家宴 @qilujiayan 絕對係其中一間！ ⭐️ 嶗山茉莉素鵝 $108同平時食開嘅煎素鵝唔同，佢係一卷卷，咬落有陣好濃嘅煙燻味！腐皮好香唔會好油膩⭐️ 七裡莊酒糟醉轉彎 $108上海名菜酒糟醉轉彎！小冷盤，酒味好濃，肉質雖然唔算好滑，但夠惹味！⭐️ 青島蔥油頂級海蜇頭 $158海蜇頭其實係水母觸鬚位置，肉質厚比海蜇更有口感！蔥油整夠晒味，重點係啲京蔥，辣辣哋幾過癮⭐️ 芥菜蹄筋 $168煙煙韌韌嘅蹄筋，膠質感好重，個汁有好濃嘅芥末味，而且同芥菜都好夾⭐️ 草捆牛骨 $498今次草捆牛無之前覺得咁好食，可能對我黎講無咗個驚喜感😂 牛肉夠香，蘸埋佢個醬汁食特別惹味，今次係略嫌肉質乾咗少少🤏💯 京燒羊腩 $238個羊腩好好味啊！肉咬落去有啲層次感，而且又鬆脆！羊腩唔算太羶，但食落有陣淡淡嘅羶香係個口度💯 煙燻白鱔 $428必食白鱔！燻過嘅鱔帶有陣陣香味，外皮勁酥脆，但到鱔肉又好嫩滑，功夫到家！⭐️ 火腿津白 $118食得濃味多，清清哋食個津白！個湯有少少火腿咸香，津白吸晒啲湯，正！💯 鍋蹋

朋友約食飯，想食間特別少少嘅餐廳，就揀咗依間齊魯家宴。一入到去間餐廳，個裝修感覺好山東feel。我哋被安排去包廂坐，問下服務員有乜好食，就點菜了。青島蒽油頂級海蜇-海蜇爽口彈牙，同蒽油味好夾。山東涼菜-好特別嘅涼菜頭盤，魷魚鬚好彈牙新鮮。香樁煎蛋-好似菜脯炒蛋啲friend，味道唔錯的京燒羊腩-成晚最出色嘅餸菜，羊腩外層沾咗炸醬去炸，外脆內軟，肉汁澎湃，極之好食。手抓羊肉-原本個名唔記得咗了，服務員話用唔同京燒羊腩嘅羊整，期間限定，叫我哋要點嚟試。羊肉無乜羶咩，拎起身啖啖肉咁咬，正😄。另外重叫咗羊肉餃子做主食，都唔錯。