康瑞涼茶 (已搬遷) 新店位置

仙草百配等候時間長... 太多人了>< 等左成半個鐘有多。。。。不過都冇後悔既 好足料👍🏼薏米 芋圓 涼粉 等等唔會好甜適中啦不過芋圓好失望冇味既大大碗 食完好飽值得一試，不過再要等咁耐就咪搞喇

好 好 食!芋圓好qq! 仙草好滑好香!好 扺 食!仙草百配乜都有! 入面有芋圓 仙草 薏米 紅豆 黑珍珠配埋少少花奶好香 有趙口 仲好大碗!好 健 康!食得出係仙草芋圓都係自家制佢地既所有糖水都唔太甜 食得健康 舒服又安心!

康瑞糖水嘅一大特色係佢都係一間中醫鋪，左邊賣糖水，右邊應診；嚟食糖水嘅客人買完之後可以喺輪候睇中醫嗰個位食今次我同朋友一齊叫咗仙草百配，入面有紅豆、薏米、芋圓、地瓜圓，仲有一大pat冰涼嘅燒仙草。糖水淡淡清甜，食落完全冇掩蓋燒仙草嘅香味，令人感覺好舒服，又滿足聞住中藥味食糖水都係第一次，感覺幾搞笑，不過睇中醫嘅人會唔會覺得奇怪就唔敢講喇

由網上得知街坊小店有做糖水後15年12月第一次試，已經覺得好有家的感覺，初時無人認識，連街坊既我都唔知佢有賣糖水，淨係知呢度有間涼茶店。佢喺舊馬會隔離，連住隔離舖位係中醫診所。舖頭好細，日頭只係得舖面賣新鮮涼茶，到夜晚中醫關舖後就攞埋隔離位放到3張檯，加埋舖外地面2張檯。第一次黎既時候見到有心人採集資料似乎想幫老闆娘喺網上宣傳，聽到老闆娘講佢從台灣既朋友學識整芋圓地瓜圓，所以喺自己間涼茶試下賣，啲手繪"手工芋圓 仙草"都係佢個女畫既，平時應該放左學喺舖頭幫手。第一次食果時可能未有人知無乜人幫襯，配料應該一早準備左好耐，試左個仙草百配既配料好多都水準質差，例如薏仁、西米痴埋一齊已變硬，芋圓地瓜圓又係變硬左唔煙un。不過隔左一兩個月再試，多左好多客人黎食，成日都坐滿曬，煮得密左，果啲問題無曬，芋圓地瓜圓仲改善左好煙un。而且1號仙草百配由$20變到$25，有仙草薏仁紅豆西米珍珠芋圓地瓜圓丸子咁多料，改到$25都不無道理。不過最近見到有食評講堂食等成粒鐘個糖水仲未黎。其實每次黎都係滿座，所以我會選擇外賣。因為佢本身係涼茶舖，夜晚高峰時期見到都係得3個人打理，要應付滿堂時有20個客都唔易。由於