羅東肉焿番

營業中

休息中

元朗對於我黎講真係一個非常陌生的地方，多數都係朋友帶我元朗一日遊，但今次竟然係我自己帶住咕咕map亂衝亂撞周圍食，成單野都幾得人驚🙊見呢間台灣餐廳舖咁多人等，根據港人人排我又排既定律，應該都唔會中伏，店舖真係好細，所以都等左一段時間先入到羅東肉焿湯餐肉焿湯質感有d似港式碗仔翅，食到好香既麻油味同醋味，仲有d荀絲，肉都好腍唔膻，我平時好怕食d咁杰既野但我竟然覺得不錯魯肉飯半肥瘦既魯肉加埋豆卜絲，送飯一流，不過略嫌咸左d乾拌麵餐都係魯肉飯既魯肉，但換上乾拌麵，個麵煮得淋左d，越食越滯綜合丸湯，我就最愛花枝丸，爽口彈牙又食到花枝既味道肉鬆芋泥吐司我見枱枱都叫，我又跟，吐司烘至脆身，芋泥香甜綿密，肉鬆基本上是百搭的，無人不愛，整體配搭好夾仙草芋圓1號3色芋圓無我想像中咁煙韌，仙草帶少少爽口，軟硬適中，海藻水晶好Q爽，好解渴好清涼台式食品我個人都係鍾情甜品同小食多d, 呢度既仙草同吐司我都好鍾意，排左咁耐都算值得既

本來見個芋泥三文字好似好正 於是就嚟試試 可惜嚟到已賣哂 不過其他野食果然有台灣風味 最好味係個乾拌面 估唔到簡單既拌面都幾特別 有d鹵肉 仲有d豆卜絲 好地道台灣風個面質好唔錯 開頭好驚係好厚粉既刀削面 但其實好滑好薄 唔削唔粉 口感幾特別 扭曲既麵吸到哂d汁 恰到好處另一樣好食既係拼盤入面既甜不辣第一次食 少少似年糕 但爽少少炸完口感好過穩 仲有個鹵肉飯 過足台灣口隱細細碗29蚊超抵食仲有半隻糖心蛋夜晚唔想食咁多就啱哂 鹵肉都有豆卜絲架 配埋個冬瓜茶 真係好似去左台灣咁最後食埋個仙草芋圓 仙草入口即溶 好清涼 食完炸野食啱哂仲有咁多配料碗麵都幾回味 下次再嚟希望有芋泥三文字啦

今日去開元朗做嘢，順便約埋朋友A聚聚舊，行過交通廣場附近，見到有間食台灣小吃店，在店外睇睇餐牌，覺得唔錯，一於入去回味吓宜蘭羅東的美味。店內小巧清雅感覺舒服。嘩，好多嘢都想食，但係兩個人都唔肚餓，決定以小吃為主，再加一個套餐。先來個冰烤地瓜，口感冰涼味道清甜蕃薯味香，烤的味道濃些更好。據說冰的比熱的升糖指數低，對於減肥和健康都有助益。乾拌麵餐：乾拌麵、綜合丸湯、古法冬瓜茶冬瓜茶清甜滋潤綜合丸有貢丸和墨魚丸，墨魚丸內含墨魚肉，兩種丸都口感彈牙，鮮味好食下單時，店員提醒乾拌麵有辣味和芫茜，貼心地詢問要不要走辣和走芫茜乾拌麵的麵條兩邊有波浪紋，好可愛。上面有些微辣肉燥碎汁，把醬汁撈勻嚟食鹽酥拼盤有炸澎湖花枝丸、香酥甜不辣、椒鹽四季豆、炸米血糕。第一次吃米血糕，表面脆脆，內裡黏糯，口感幾特別。甜不辣外表炸得酥脆，中間QQ的，蘸著醬汁吃很惹味。花枝丸咬落彈牙，滿有墨魚香。椒鹽四季豆咸香惹味，幾得意。仙草芋圓1號，內有三色芋圓、蜜紅豆、海藻水晶。芋圓內有芋頭粒，蕃薯丸夠香，口感軟Q，海藻水晶，晶瑩透明，口感Q爽仙草軟滑清涼，好味。芝麻口味燒麻糬麻糬以北海道3.6牛乳，加埋糯米粉新鮮製造。口感軟糯，

得閒嚟元朗覓食，見到呢一間鋪頭仔勁多人排隊，價錢又唔係好貴，嘢食又好似幾地道，所以呢就決定嚟呢度食啦。其實呢間鋪嘅店面都幾細，坐得唔算好舒服，不過都叫企企理理。連waiter都好似係台灣人湯咗一個完全未見過嘅菜式，呢個叫羅東肉焿湯係佢嘅招牌菜，一碗湯要$39 ，都唔平，就試吓佢有幾巴閉。呢個湯有少少似碗仔翅嘅質感，因為都係打咗芡，所以唔係流質嘅！而且仲加咗好多調味入去，有香菜、甜酸醬同醋等等，講真唔係個個人都啱食，如果唔鍾意其中一種調味可以同佢講聲。但值得一提嘅係入面嘅肉真係幾好味，好新鮮，可以一試魯肉飯好好味，暫時係我食過最好味嘅魯肉飯，又香唔肥膩，加埋腐皮簡直係畫龍點睛好好味！仲嗌咗個小食拼盤，酥炸嘅小食的食材真係幾特別，有四季豆、血米糕、甜不辣都係台式滋味！食完正餐仲有得食芋圓！芋圓係手工製作！大細不一，仲食到芋頭添！仙草唔太甜，配埋極大粒嘅蜜紅豆就一流！另外加咗錢叫咗杯玫瑰高山茶，見到係茶包本來都有啲失望，但係玫瑰同茶味都好濃郁，優質過唔少台式飲品店！解膩必備！

一間元朗區既平價台灣野但d食物又抵又好食絕對會再黎呀!!!✨仙草芋丸$32第一次食芋丸🌝又幾特別煙煙韌韌好食過mochi加埋涼粉紅豆同糖水👍🏻✨糖心蛋$10(一隻)糖心蛋既流心程度剛剛好整得又好靚~✨細魯肉飯$20就算係細碗女仔食都好夠暫時係元朗區最正既魯肉飯!✨乾拌麵$35驚喜！非常好食麵煮得剛剛好醬汁有少少辣 味道好特別同d麵好夾!醬既份量啱啱好可以撈晒個麵😋 味道：★★★★★💰 價錢：$

元朗呢間台灣菜之前曾經紀錄低想試，事實上都經過幾次，夾唔啱時間囉。後來不了了之，最近見到有關餐廳嘅報導，又再次燃起想試之心。鋪面幾大，有部分面壁高枱櫈，另有細枱。假日關係，客人頗多，只剩低單邊位，但坐得自在，枱底亦有掛鈎可放置隨身物品，考慮周到。採用半自助形式，先自行到收銀處點單結帳，由店員送餐。餐牌有主打嘅湯羹類、滷肉飯，麵食、溏心蛋、甜品等，選擇唔多，驟眼睇價錢同一般喺香港食開嘅台灣菜差不多，預料份量都唔會太多因為我地已經食左午飯，為甜品而來，但剛好見到有台式腸，又忍唔住口。台灣腸 $22只係輕輕煎起，一條腸切件，油份較多，都係平時街邊小食店都會食到嘅港式香腸。呢種腸真係要煎到脆皮先好食，我嫌佢煎得唔夠香，加上微溫，冇乜特別。仙草芋圓 $32/凍芋圓自家製，我見有外賣，價錢$28/100g。成碗野嘅份量比想像中少啲，幸好材料滿滿。仙草底都算多，面頭有啲透明類似啫喱條、紅豆、芋圓、地瓜圓各5粒。芋圓有明顯芋味，地瓜圓稍為失色，地瓜味偏淡而帶甜，但兩種圓嘅口感都係我鐘意嘅類型，煙韌有咬口，加點彈性更好。紅豆唔係煮到好腍身，仲可以噍下；透明啫喱條(?)幾好食，幾爽仙草底唔係滑嘟嘟類，凝固