NUTTEA (海光街) (已結業)

相比起其他茶飲店，Nuttea出品堅果奶茶定價一直較高，接近$50一杯，但午飯時間仍然人龍不絕。今次在鰂魚涌店一試，發現果然物有所值。伯爵朱古力堅果奶蓋茶($48)朱古力堅果奶蓋相當濃郁厚實，要用匙羹舀來吃，啖啖濃厚。選用底下的伯爵紅茶(earl grey)，是相當配襯的選擇，因為茶中香澀能夠中和奶蓋的飽滯感。 不過，這杯奶蓋茶真的要「留肚」，不要吃得太飽去喝，因為奶蓋實在極為濃厚飽滯，可以想像成一杯tiramisu/ 一杯不冷的雪糕去吃。

終於可以黎到Nuttea，試到黎自台灣茶飲店以堅果奶茶主打嘅堅果奶飲品同堅果奶蓋，仲有用唔同茶底配搭嘅水果系列飲品每次都想買黎試下，因為次次見到都好受歡迎，好開心今次終於可以飲到！其實堅果奶飲品喺香港黎講算係好特別，純素素食者都飲得，值得一試！今次試左佢signature嘅伯爵朱古力堅果奶蓋茶同埋粉紅莓好堅果奶蓋茶。兩個飲品拎上手已覺賣相好吸引，加埋輕鬆嘅環境配搭，營造住好舒服嘅感覺首先講下皇牌嘅伯爵朱古力堅果奶蓋茶，用細小嘅匙羹將朱古力奶蓋剷起黎一啖一啖食，口感豐富仲有好香嘅堅果味。朱古力唔會太甜，份量剛好，配上香濃清新嘅伯爵茶，食完會有飽足感跟住係粉紅莓好堅果奶蓋茶，飲落好清新又健康，簡直係女士們必點之選！🥰

返咗成日工咁攰，放工就諗住嚟飲返杯正嘢鬆一鬆，慰勞下自己! 伯爵朱古力堅果奶蓋茶佢杯上有貼紙，教客人先用匙品嚐上面嘅堅果奶蓋，再飲一啖茶同奶蓋，最後先MIX埋一齊飲，咁樣有3種唔同嘅飲法真係好特別!佢上層係有啲朱古力榛子味嘅堅果奶蓋再加上可可粉，口感好綿滑、小小苦但香濃嘅朱古力味；下層係伯爵茶，飲落順喉有淡淡茶香。撈勻之後就好似一杯朱古力味嘅奶茶，間中會食到果仁碎，口感豐富有咬口，又比一般珍珠奶茶健康有營養!(先食奶蓋)(再搞勻先飲)粉紅莓好堅果奶佢嘅質地似奶昔，但比奶昔無咁滯同有飽肚感；入口第一啖係清新嘅粉紅莓果酸味，然後係一陣陣堅果果香，仲會咬到啲果仁碎，口感同味道嘅層次比一般奶昔更豐富，而且成杯都係用新鮮生果、果仁製作而成嘅，感覺更加健康~呢2杯飲品都好好飲、好特別，第一次試堅果奶嘅體驗都好鐘意，遲啲要嚟試埋其他飲品!

-𝙉𝙐𝙏𝙏𝙀𝘼 🌰Discovering the most southern east area of Hong Kong! Grabbed a nuttea after interview last week. Best way to treat myself. 💆上星期由大西北走去香港最東面見工後覺得好需要搵啲邪惡既東東去慰勞自己但其實林芝蓮本身係有乳糖不耐症上網搵到呢個話用全素既堅果奶取代牛奶就懷著個冒險既心同腸胃去試下😖🌰伯爵朱古力堅果奶蓋茶 （$47）第一次黎唔知頭唔知路聽店員介紹飲呢個招牌本身覺得呢個組合好似會好易出事但係食落/飲落又幾好味首先用細匙羹去食厚厚既朱古力堅果奶蓋同上面既朱古力粉口感比普通奶蓋綿密厚實 好滿足呢~雖然我本身唔太中意食果仁 但佢呢個好淡味既果仁 都好易接受得到🌰再一次過飲埋奶蓋+ 伯爵茶 味道係出奇地夾 又幾特別 唔會太膩 如果大家想得閒慰勞自己 都可以一試🤗最後林芝蓮番到屋企都係冇噴射的💩乳糖不耐症既朋友 可以放心享用✨

本身好鍾意飲芝士奶蓋嘅飲品，但近排減肥都唔係好敢飲芝士奶蓋。堅果奶蓋感覺上無芝士咁邪惡，所以都試下。見到舖頭有好大張相係伯爵朱古力堅果奶蓋茶，第一次幫襯所以就揀咗呢款皇牌。堅果奶蓋份量好多，佔咗杯茶三份一　可以用細細隻嘅鏟奶蓋嚟食，好得意。食落好creamy好香榛子味，好似食緊金莎/Nutella咁，鍾意食金莎/Nutella嘅話一定好鐘意呢個堅果奶蓋！而且甜度剛剛好朱古力伯爵茶底我揀咗少甜少冰，真係好少甜，飲完唔會有罪疚感伯爵茶味香唔會太濃有苦澀味，撈埋堅果奶蓋味道更加豐富自從試過呢個堅果奶蓋之後真係上咗癮，而家唔會想飲芝士奶蓋，淨係想飲NUTTEA嘅堅果奶蓋茶。

聽過Nuttea好耐，今日放工行過太古坊終於有機會試。叫咗兩杯嘢飲，分別係招牌伯爵朱古力堅果奶蓋茶🍫，同埋店員推介嘅粉紅莓好堅果奶蓋茶🍓全部嘢飲都係即叫即整，大概過咗5分鐘就有👍🏻店員除咗比飲管之外，仲會有一隻小匙羹，方便我不奶蓋食🥄伯爵朱古力奶蓋好厚實，朱古力唔會好甜好heavy，配埋earl grey茶底好夾，令人上癮係咁飲😝😝至於另一款士多啤梨，店員話因為而家當造，士多啤梨好甜，一路飲好似食緊雪糕咁🍦雖然佢嘅價錢可能比一般台式飲品貴，不過飲完一杯之後基本上唔使食飯，夠飽🤣🤣下次有機會都會試吓其他味道❤️另外如果你都喺太古坊附近返工，我見到佢做外賣有discount，下午茶嘅時候可以叫杯嚟飲下😈

👨🏻‍🎓好耐之前就聽過Nuttea呢間茶飲店，聽到好多人都大讚佢好好飲，不過就一直都未有機會試！前排發現原來公司附近就有一間，所以就試吓佢係咪真係咁好飲！⁡🧋台灣紅玉堅果奶蓋茶 HKD 35第一杯試嘅就係呢杯#台灣紅玉堅果奶蓋茶 ，佢上面嘅奶蓋果然係名不虛傳，厚到同杰到完全係Cream嘅程度，仲要有3分1杯咁多，而且佢都幾香cream味，就咁食哂都有啲滯！⁡🍵食到咁上下就試佢啲茶，微甜嘅茶茶味都幾香，啱啱好中和返奶蓋嘅滯，成杯飲哂其實都幾飽同幾滿足！⁡🥛伯爵朱古力堅果奶蓋茶 HKD 47另一杯試嘅就係呢杯好多人推介嘅 #伯爵朱古力堅果奶蓋茶 ，價錢就貴啲，不過就有特色啲！⁡🍫上面嘅奶蓋同上一杯一樣都係咁厚，不過唔同嘅係佢係朱古力奶蓋，食落每淡都有朱古力味；配埋下面微甜微苦嘅Earl grey成年事就啱啱好！對於鐘意Earl grey嘅P仔嚟講雖然貴啲，但係呢杯就更加好飲！⁡🍽整體嚟講雖然佢哋嘅價錢都偏貴，但係質素都幾高，而且飲一杯就夠一個tea，係嘢飲之餘又可以做甜品都幾唔錯！同埋要讚下佢俾嘅木鏟仔，幾cuteeee，用嚟食啲cream啱哂！⁡

Nuttea既分店好多～但我一次都未試過，一來唔想一路行一路飲野，二來驚飲得多手搖飲品唔健康🐷 但今日下午茶時間朋友提議飲杯Nuttea 代一餐，所以就試左第一次飲完一杯的確飽肚！而且店內角落有空間俾人立食，牆身又有小擺設方便人打卡伯爵朱古力堅果奶蓋茶。 9/10喜歡朱古力既朋友一定要試！！朱古力奶蓋層係超濃厚香綿既朱古力味🍫嗒多幾下又會有淡淡既伯爵茶味滲出( ´▽｀)係幸福滿足既感覺～而且唔會覺得膩粉紅莓好堅果奶蓋茶。 9/10粉紅莓奶蓋茶既奶蓋係淡淡既粉紅色💕少女味十足！雖然奶蓋既士多啤梨味唔突出，但奶香同綿滑口感一樣咁出色配埋士多啤梨茶茶底更加爽口，order左微糖既甜度剛好！好想試埋佢其他飲品啊！

今日行過鰂魚涌比呢一間飲品店吸引咗，Nuttea之前都見過朋友飲過，所以一直都好想試吓，其實自己本身對堅果冇特別大興趣，但係竟然今次一試難忘😍環境都好靚，我俾門口嘅slogan「堅持做對的事」吸引，咁門口就有寫咗佢哋用啲咩類型嘅堅果，亦都有寫到人氣推介嘅冷熱飲品，今次我就試下每日得100杯嘅伯爵朱古力堅果奶蓋茶，原來仲要係台灣奶茶節2019年嘅金獎，相信味道一定有保證！飲品亦都可以根據自己喜好揀選甜度同冰量，所以我就嗌咗無糖少冰嘅選擇😙初初以為堅果奶蓋會好似平時啲台式飲品咁樣，點知原來佢望落冇咁流質，感覺比較似雪糕嘅質感，杯蓋上面有教你用唔同方法去品嘗味道，45度打斜飲就可以飲到好香濃嘅伯爵茶味加少少朱古力堅果奶蓋味道，我非常喜歡呢個伯爵茶，之後就我以用飲管一齊飲個奶蓋同茶，更加容易飲到個朱古力堅果奶蓋味道，先講吓個奶蓋味道，佢唔會係好甜好膩嘅奶蓋，仔細品嚐仲會食到入邊啲堅果碎，朱古力味道尚算濃郁，想像唔到佢唔係真正嘅奶整出嚟，如果對牛奶敏感嘅人真係多個選擇，佢個質感都好特別，我比較喜歡將成個朱古力堅果奶蓋撈埋伯爵茶一齊飲，就好似變咗伯爵朱古力奶茶，我相信就算本身唔鍾意食堅果嘅人都會愛

由好多年前開始珍珠奶茶興起我已經非常鍾意飲珍珠奶茶🤤但偏偏男朋友對奶有敏感😖出街買杯野飲都要諗過度過係朋友嘅介紹下知道有間用唔同堅果製成嘅素奶決定要帶男朋友一試！Nuttea用5款唔同嘅堅果萃取出堅果奶所有奶入面都冇奶精不論素食者或者對奶敏感人士堅果奶絕對係取代牛奶好好嘅代替品佢地嘅選擇都唔會比其他台式飲品店少最吸引係佢地嘅奶蓋系列同期有芝麻做主角嘅季節限定最後分別order左伯爵朱古力堅果奶蓋茶同黑芝芝堅果奶黑芝芝堅果奶芝麻同奶味balance得好好打開蓋先見到裡面真係落左好多芝麻原來堅果奶係咁滑🤩第一次飲真係好驚喜！伯爵朱古力堅果奶蓋茶同平時飲嘅奶蓋相比Nuttea嘅比較挺身Order奶蓋系列嘅都有個細鏟方便就咁食或者攪渾啲奶蓋奶蓋除左好滑唔會好甜而蓋過茶底~而個茶底係彩用台灣日月潭紅玉紅茶☕️加埋奶蓋嘅creamy一齊飲成個口都充滿一陣陣嘅伯爵同朱古力味☺️

呢間出名堅果奶既人氣手搖飲品店已經聽聞左好耐，一直都好想去試🎗🎗🎗今日難得得閒就特登過去鰂魚涌個邊試下佢！！行入海光街冇幾耐就會見到間舖頭，招牌好大隻字寫住nuttea，而且舖面夜晚好夠光猛，行過一定會留意下。雖然佢係清一色用堅果奶，但係佢勝在款式夠多，有奶蓋茶、就咁堅果奶，甚至水果茶都有。對於選擇困難症既我，第一次黎試一定係叫佢推薦既飲品。伯爵朱古力堅果奶（$47）；呢個係店舖極推薦飲品👍真係冇錯係超好飲！我最鐘意係係個朱古力味既cream，佢打得好綿好滑，食入口又唔膩喎，感覺上點食都冇罪惡感🙊個cream係幾濃味既，所以相對黎講個伯爵茶底我就嫌淡左d。不過飲到咁上下將兩者溝暈個味又咁咁好喎😂黑芝芝堅果奶（$40）：相對起伯爵個個，我就覺得呢杯口味冇咁大眾化。如果你係好鐘意食芝麻糊個類好重芝麻既人就一定啱你。講真，我完全冇諗過佢芝麻味係咁重，飲完一啖成個口腔都係滿滿既芝麻味。雖然係咁，芝麻味又冇蓋過堅果奶既味，你仍然係好清楚自己飲緊堅果奶而唔係鮮奶🥛

茶飲店愈開愈多，不過最近就嚐了一間印象頗深刻的店。NUTTEA 堅果奶茶  - 這間賣的奶蓋茶飲是素食版本的！選用以五種堅果製成的純素堅果奶，有別於傳統由牛奶與芝士製成的奶蓋。當中的堅果分別是杏仁、腰果、核桃、榛果和夏威夷果仁我點了 - 伯爵朱古力堅果奶蓋茶 ($46)可以自選糖和冰，於是我這杯是少冰+微糖！首先用附送的鏟子鏟起厚厚的奶蓋來嚐一口～雖沒有了芝士的鹹香，但每啖都是滿滿堅果的香氣！而且質感像忌廉那樣子~香濃的程度不亞於牛奶的喔接著可以試試將杯子傾斜45度角來喝 ...同時喝到奶蓋和清爽得來有少許澀的伯爵茶，很有層次感。最後將兩者均勻攪拌後再品嚐，會發覺兩者完全沒有遺和感！話說整杯喝完後，有十足的飽肚感呢若果不喜歡朱古力的話，堅果奶蓋茶還有水果的選擇喔此外還有水果茶、冷萃茗茶、堅果奶茶之類的，不是只有"奶蓋"啲

現在手搖飲品大行其道，要在眾多鋪頭中突圍而出實在不容易。可是偏偏就對Nuttea這間舖頭頗為有印象，難得經過鰂魚涌就特意來朝聖一下。 Nuttea位於鰂魚涌海光街，地鐵站一出對面馬路便到達地點，方便就腳。Nuttea是全素茶飲品店，主打堅果奶茶，特別照顧素食者和對奶類敏感的人士。我們一行二人分別叫了伯爵朱古力堅果奶蓋茶和繽紛火龍果奶蓋茶。伯爵朱古力堅果奶蓋茶(⭐⭐⭐⭐⭐)這個可為舖頭的Signature飲品，差不多每名客人也會叫的。濃郁的朱古力奶蓋上配上一層薄薄的的可可粉。堅果奶蓋濃郁綿綿， 跟其他舖頭牛奶製奶蓋味道不相伯仲，而且還多了一層微微的堅果味，有一點兒像吃金沙。底下的伯爵茶甘香獨特，中和了奶蓋的漏，一個人也輕能完成整杯奶蓋茶。繽紛火龍果奶蓋茶(⭐⭐⭐⭐⭐)朋友叫的這個火龍果奶蓋茶也十分不錯。 奶蓋味道同樣濃郁可口， 配上味道較為淡的火龍果和綠茶，又是另一種不同的味道衝擊。而且火龍果本身十分有益，纖維豐富，幫助腸胃消化，絕對推介給現在注重健康的都市人。總括而言，這店鋪的出品價錢不算太貴，而且質素也在水準之上，下次經過也會再來試一試。~~~~~~~~~~~~~~~~~~~~~~~

來自台灣嘅Nuttea，標榜天天新鮮研磨，以杏仁丶合桃丶夏威夷果仁丶榛果丶腰果五種堅果製成的純素堅果奶，配埋新鮮水果調製，真正全素嘅茶飲！伯爵朱古力堅果奶蓋茶 $46每日限定100杯，見佢係店方推薦飲品，諗都唔諗就決定要試吓！根據建議飲法，首先要用特製鏟仔試吓奶蓋，質地厚實，似忌廉咁滑，朱古力味濃，仲有微微鹹香；再大啖飲啖Earl Grey，獨特嘅茶香，好清新；最後將奶蓋同茶攪均，飲落有啲啲似港式奶茶，果然係皇牌之選草莓堅果奶 $45招牌飲品之一，用新鮮士多啤梨製，打開蓋會見到士多啤梨果蓉，飲到少少堅果微粒，好香，好好味！飲完心情都靚啲！

本身很鍾意食堅果，平時都會買少少當零食😋 沒想過有間主打堅果奶蓋的飲料💛 所以特登找朋友一齊試下～ 當日是週六，第二杯會有半價優惠，冇理由唔買兩杯😝——————————🔹 伯爵朱古力堅果奶蓋茶 $46這杯伯爵朱古力堅果奶蓋茶是最推薦的飲料，每天限量100杯，所以我都叫番杯飲🥰 打開蓋已經聞到好香榛子味，而奶蓋的質地偏杰身，不用擔心放耐會溶☺️飲起來會有濃濃的伯爵茶香，相反朱古力味不太突出～ 飲完一杯，飽到食不到正餐🤣🔸 草莓堅果奶蓋茶 $42朋友想喝點水果味的飲料，就叫了草莓堅果奶蓋茶。這個一打開，草莓和堅果味都好突出，下面的草莓味好濃好fresh，好像加了很多草莓醬，但絕對不是藥水味😚 最後混合一齊，會有喝奶昔的感覺🥰