Mr. Steak Buffet à la minute

營業中

休息中

久仰Mr. Steak 嘅buffet 好耐一直都未試到，今次見佢新推出嘅和牛buffet即刻衝去試一次，勁勁勁期待和牛食法有幾款:🐂吉列牛: 太熟，外皮有點軟身，無乜鬆脆感覺🐂燒飛驒牛: 佢係用鐵板輕輕煎兩面，油脂甘香，入口濃郁嘅牛味🐂佐賀牛壽喜燒: 牛肉係壽喜燒汁輕燙，啲牛肉入口係化開，牛油香味再配埋壽喜燒嘅醬油香係相得益彰🐂Prime Rib: 入口口感鬆軟，肉汁仲好充分保留到，一共食咗三轉🤪其他嘢食:海鮮類: 有龍蝦，長腳蟹，螺，蝦，青口，生蠔，長腳蟹啲肉質有啲”梅”，扣分😂，即開生蠔係美國款，偏細，肉質唔飽滿，麻麻地另外仲有冷盤，沙律，熱食，湯類等等，甜品都有好多款，任何信用卡有88折，最後埋單每人600蚊有找，價回票價，和牛時段只做晚餐第二段時間先有㗎

Mr steak 曾經係我最喜愛buffet 既頭三甲，搬左去世貿之後都未幫襯過，今日同屋企人黎慶祝生日，終於有機會試。突登留定肚，真係超超超超期待。Book 左7:30~~~~~7:15 就排定隊等入座。未開始就周圍影下相同埋斟定野飲先。凍飲基本上得三款，檸茶，生果水，同埋蘋果汁。個生果水類似detox water, 入面勁多生果......等佢流出黎真係蚊訓，所以都係飲蘋果汁先🤣✨海鮮bar 種類都幾多，未食齋望真係幾吸引～～✨佐賀牛除左火炙壽司，仲有壽喜燒😍😍😍😍😍 ~~~呢個一定要留肚食多幾round~~~✨呢度環境比舊時闊落，不過放野食地方其實都唔算大，掟個彎一眼睇晒✨冷盤樣樣拎d 真係一個碟都裝唔晒。 先試個蜆...已經唔係話好鮮仲要有沙既，連最基本既凍蝦都可以係淡味😟....翡翠螺，青口果d超大隻，但又係普普通通得個樣。 龍蝦稍為好d 叫有d 味，不過肉質唔彈比較實仲乾乾地。 ✨我覺得最好食最有鮮味既已經係長腳蟹，不過食第二round 已經無咁多汁無咁好食😪。。成個心情感覺係跌晒watt...."食之無味，棄之可惜", 就係呢一種～✨男友一路好想食麵包蟹，可惜短期內都無供

自助餐通常喺酒店食，但係Mr. Steak 既自助餐不嬲都出名，今次我同朋友就去左試下。Book左1930，一到步立即開始得。今期有主題，佐賀牛＋韓國牛。我衣個牛魔人當然心心眼。一開始食沙律先，好特別，果凱撒沙律係自己搞，d菜好新鮮。之後食長腳蟹＋龍蝦＋麵包蟹，長腳蟹比出面酒店自助餐大好多，不過龍蝦同麵包蟹好平常，合格冇驚喜，可能長腳蟹太強。佐賀牛用壽喜燒，韓國牛就係鐵板燒。佐賀牛果然名不虛傳，好juicy，肥瘦好平均，我排左7轉，不過一轉一塊。韓國牛對比下高低立見，不過都幾好食。刺身方面有赤貝，三文魚，章紅魚，帶子，象拔蚌，油甘魚，可能我比較後期食刺身，油甘魚拎左兩件冇曬，主力推介油甘＋帶子。熱食有10多款，特別在有花膠，鮑魚，鴨干，羊扒，扇貝，龍蝦酥皮湯，都係貴價野。甜品比較係失望，多種類，但係冇再食既衝動，可能太飽。推介北海道牛奶布甸，Haagen dazs（有成8種味）$550連加一，有好多酒店都做唔到衣個價，有人覺得貴，我就覺得值。我會再黎。（衣家有優惠，自己上網睇下。）