大壹燒鵝 (登輝大廈)

營業中

休息中

女友小熊投訴，話我好耐無帶佢去食好味嘅燒味，唉...... 哩隻小熊，愈來愈咀叼! 又愈來愈貪食，又愈來愈肚滿腸肥......肥過我部電單車!咁我係銅鑼灣收工，約佢一齊去大壹燒鵝開餐!今次幫襯先知道佢地係藍帶餐廳!先講講例湯，足料而且辣咀，唔會太咸同肥膩，感覺唔係hea煮嘅例湯，甚至聽到有街客單點例湯外賣.佢地嘅叉燒有燶邊之餘夠甜而口感超鬆軟，叉燒用上五花腩有肉又有肥部份，入口夠juicy，顏色又夠紅，我對靚叉燒嘅要求佢有齊哂，小熊話佢地嘅叉燒甚至比棋哥燒鵝更好味! 絕對認同.除咗叉燒，當然都點咗佢地嘅招牌貨燒鵝併燒腩仔，再加油雞半隻.此時聽到侍應大叫 "外賣叉燒沽清!" 好彩我地早落單!燒鵝皮脆之餘肉質香滑，油雞皮薄肉嫩，油雞淋上嘅豉油有玫瑰酒香，就憑哩D細位就知佢幾有心思，另外兩者肥膏不多，相信小熊肚腩D肥膏比佢地更多! 無眼睇.....最想食嘅乳豬又沽清，總係緣慳一面，唯有點燒腩仔，味道比其他燒味店減咸，更夾自己口味，入口皮脆而肉質鬆軟，唔點芥末汁已經好好味.食完飯之後，同小熊坐電單車返屋企，點解部車上斜路愈來愈慢?

今日去時代廣場睇聖誕燈飾,  之後去食晚餐.   近日假期多食了西餐, 總想要食燒味飯.    女友選擇了 大壹燒鵝.  看見玻璃櫥窗內,  掛著巨型大燒鵝, 顏色令立立,  叉燒也好醒神, 大家好想食.大壹燒鵝 設整潔雅座, 座位闊落, 燈飾設計時尚,  拍拖同朋友食飯好合心意.  銅鑼灣不容易找間舒適又抵食的地舖餐廳, 真係好難得.  侍應招呼有禮,   我們坐梳化卡位,  彩色餐牌,  食品選擇多, 有全日套餐連飲品. 我們點了：燒鵝脾/油雞脾雙拚 (套餐), 配白飯.    白飯粒粒完整, 雪白分明, 靚米.燒鵝 熱辣辣,  香噴噴,   味香四溢,    配有炸菜,  好理想.  備有秘制燒鵝酸梅醬,  點些醬汁很滋味, 送飯一流.    鵝肉厚而肉不肥.  鵝皮脆脆,  鵝肉厚厚,  少脂肪.  入口肉質腍香, 沒有半點膻味,  脆皮底下的鵝肉好鬆軟, 極滿意. 油雞 調味好, 少骨, 有雞味. 餐茶:   熱檸檬茶 +$5 .   熱檸檬茶,   解渴去膩.又加點了三拼:  貴妃雞,  燒煵仔 拼叉燒,叉燒, 賣相真不錯.  用了五花腩肉, 燒工和調味, 絕對可以同一哥比

在中環的試酒會結束後,這趟換了好友帶路,直奔其十分熟悉的銅鑼灣區,來到了位於份屬區內美食戰國地圖之一的登龍街,新近登場的燒味店--大壹燒鵝;現時的香港的中菜小店,在裝飾風格上人偏向越來越精湯緻化,令人感到甚有格調,大壹燒鵝可算是其中之一;從門面的簡約風格,將舊有燒味舖與現代風格融合在一起,以綠色為主調,令觀感整潔得來又乾淨利落!對於慣於晚餐夜食的港人來說,6點多的時間可能尚早,所以未現人龍而不用排隊;走進店內,眼見整個裝潢的氣氛倍令人舒服,而店員的熱情招呼,有種老街坊的況味;量了體溫,掃了出行碼後,店員就引領好友與我坐下;拿起餐牌看看,也簡約精美;食物的選擇以燒味為主,尤其是主打的燒鵝;也因此很快點了菜,就馬上落單;食物的上菜效率很高,點了的食物陸續端在枱面:燒味單拼--燒腩飯,燒味雙拼--叉燒油雞飯,下莊的燒鵝例牌,加上菜心,以及兩個例湯,帶著麻甩的浪漫,十分的豐富!而最重要的是,所有美食上來時都保持著合適的熱暖度!先喝用蓮藕煲成的例湯來解解酒,清新的蓮藕味融合在熱湯之中,其鹹度也較輕,喝起來特別令人舒服!首先要讚一讚兩個燒味飯的飯底,其賣相突顯了粒粒分明,軟熟度均勻,與燒味互相輝映