Orca (已結業)

次次入西貢都係食海鮮，平日食慣中式煮法，今日經過Orca，見都幾多人食，於是同老公入去試吓西式海鮮😋牛油果蟹肉他他脆餅 $88蟹肉都幾多，沙律酸酸地幾開胃，但牛油果少咗啲，多啲應該更好味。牛油香草白酒蜆 $98蜆肉鮮甜嫩滑，個牛油汁好香，完全冇酒嘅苦味👍🏻 如果撈飯應該都好正😋龍蝦汁海鮮意大利飯 $178海鮮一啲都唔馬虎，種類多，有青口、大蝦、蜆肉、帶子。大蝦好大隻又彈牙，龍蝦汁芝士味好香濃，加上車厘茄酸甜味令個飯香而不膩。不過相對而言，飯嘅份量就較少，男士應該唔夠食。假的真不了Mirage $58蝶豆花、玫瑰蜜，味道好夾，清甜中有玫瑰香味，又靚又好飲，超鐘意😍禁果之液 Island $58有紅茶、蘋果汁同檸檬汁，蘋果味為主，蘋果味都幾香甜，冇乜茶味，所以唔會有苦澀味。總括嚟講，食物同飲品味道都幾滿意，賣相又好靚👍🏻只係意大利飯份量較少，如非老公今日唔太餓，以上份量一定唔夠我哋兩人食😅

麻甩專員今次帶大家入去西貢食一間好有驚喜嘅西餐廳，估唔到咁平靚正！餐廳有得比你選擇坐户外或者入面，非常有彈性專員今次叫左兩樣小食，一份招牌主菜，同埋兩杯無酒精飲品《牛油香草白酒蜆》 $98一大碗嘅大蜆放上檯已經有非常濃嘅牛油香味飄上黎蜆份量唔少而且非常大隻好有肉，肉質新鮮入口後先係牛油同白酒嘅香味，然後帶出蒜香同少量嘅檸檬酸，再者就係蜆肉原本嘅鮮味蒜香同檸檬嘅少量酸味平衡返牛油原本嘅油膩，絕對係食唔停口嘅開胃小菜《芝士肉醬田螺焗酥盒》$68驚喜不斷，酥盒焗得非常酥脆酥盒入面有一堆芝士肉醬，芝士嘅香味配合肉醬好濃味但唔漏每個酥盒上面會有一隻田螺，田螺嘅鮮甜味愈咬愈出再配合埋酥盒嘅酥脆，入口脆口，口感豐富，味道有層次，專員朋友話下次再黎絕對會再order呢個《青春小蜜桃》$58蜜桃汁、菠蘿汁、薄荷、梳打水、雪碧非常有青春氣息嘅飲品，果味好充足，蜜桃同菠蘿嘅甜味好夠少量薄荷清新嘅香味飲落去好清爽，超爽超解渴《假的真不了》$58 *餐廳招牌飲品蝶豆花、玫瑰花蜜、青檸、梳打水、雪碧一杯充滿夢幻顏色嘅飲品，先係蝶豆花嘅花香味然後玫瑰花蜜嘅香甜，再配合埋玫瑰花花瓣再有青檸嘅清爽味道，將所有配料攪拌埋

到西貢海旁親親大自然，但今日陰晴不定，剛巧又想下雨，就決定先在這午餐。此餐廳還有室外用餐區， 好天氣的環境下，應會感到輕鬆寫意。❣芝士肉醬田螺焗酥盒這個小食帶來驚喜。酥盒外皮酥脆，切開酥盒，即見內裡濕潤的芝士牛肉醬和田螺肉。滿滿濃郁的牛肉味道和香氣，口感豐富。❣燒牛肉紫洋蔥沙律(辣)新鮮紫洋蔥、番茄、生蒜片和爽脆的沙律菜，還有肉質軟腍的燒牛肉和新鮮菠蘿。店員送上時温馨提示，伴隨的泰式沙律醬味道較辛辣。喜愛辛辣味道的家人覺得非常惹味呢而我就發現新鮮菠蘿香甜多汁，解辣效果相當不錯❣ORCA 巨型豬扒跟薯菜豬扒真的非常巨型 烹調功力不錯，做到表面帶香脆，內裡肉嫩多汁。粟米蘆筍煙肉卷和烤意式青瓜和番茄，新鮮多汁。還有酥脆薯條，非常豐富。❣青春小蜜桃以蜜桃汁、菠蘿汁、薄荷、梳打水和雪碧調製而成。青綠色的外觀令人感覺清爽，內含新鮮果肉。入口果然滿口清香。❣假的真不了 以蝶豆花、玫瑰花蜜、青檸、梳打水和雪碧調製而成。有層次感的紫紅色外觀，賣相吸睛。真的有食用花朵在內，花蜜味道甜美濃郁。

📍Orca @orcahk 🗺西貢西貢海傍廣場1號兆日大樓A座地下3-4號鋪放假黎到西貢食飯行下，經過見到呢間餐廳就試下～⚡️芝士肉醬田螺焗酥盒 $68｜田螺、洋蔥、芝士、酥盒、牛肉醬｜有三件，入面有粒田螺同肉醬等等…酥盒酥脆香口，肉醬惹味😋 ⚡️巴馬火腿蝦球扁意粉（辣）$168｜巴馬火腿、蝦球、洋蔥、蒜片、蘆筍、三色椒、香草｜意粉唔係好辣，亦都唔乾，味道唔錯😋蝦球都有四五粒，不過份量可以多番啲！⚡️龍蝦汁海鮮意大利飯 $178｜帆立貝、蝦球、蜆、洋蔥、番茄仔、蘆筍、龍蝦汁｜食落係蕃茄味多過係龍蝦味🥲 而且意大利飯比較濕🙈⚡️莎樂美腸菠蘿薄餅 $88｜莎樂美腸、菠蘿、芝士、千島醬｜呢個一黎到淨係見到菠蘿同芝士，見唔到啲腸以為比錯，點知原來喺芝士下面既🙈 不過都係覺得有啲比個名誤導左，因為覺得腸先係主角，而腸就得好少同細塊，菠蘿似主角多啲😅 味道唔錯，係薄脆批～⚡️青春小蜜桃 $58｜蜜桃汁、菠蘿汁、薄荷、蘇打水、雪碧｜呢杯綠色好sharp😆 酸酸甜甜好fresh稍嫌甜左少少🤏🏻 要攪勻先飲～ ⚡️假的真不了 $58｜蝶豆花、玫瑰花蜜、青檸、蘇打水、雪碧｜打卡好靚💗 紫色漸變粉紅😍 淡淡嘅玫瑰花味，

12/3/2021 happy Friday，陽光普照，最啱到西貢坐戶外享受午餐。上星期六嚟過這食店嘆下午茶，留下好印象，今日一於再嚟，嘆午餐。好喜歡佢哋飲品嘅名稱，係花咗心思，有創意。我哋首先叫咗兩杯凍飲：-禁果之液：蘋果汁，檸檬汁，紅茶。假的真不了：蝶豆花，玫瑰花蜜，青檸，梳打水，雪碧。午餐主菜：-Orca 巨型豬扒跟薯菜， 豬扒份量超級大件，雖然厚肉，不過肉身夠淋，配以醬汁，超正。牛油汁白酒大蜆意粉，好多大蜆，夠新鮮，意粉均勻好滋味。今次再嚟這食店，確實是沒有令我失望，可以享受美味午餐。值得推介！

平時都成日黎依間chill 今次玩完水直程係到食埋個晏就！ORCA巨型豬扒香草包：依個招牌菜平時都見得多人點 今次太肚餓終於忍唔住😂 真心好好味豬扒成3cm咁厚 仲大過個包 煎得好juicy 咬落啖啖肉 仲要有枝籤係到 唔驚切到走晒位薯條係厚切薯條 外脆內軟！完全唔係伴菜既質素巴瑪火腿火箭菜薄餅：講真既 我本身唔鐘意食Parma ham 同埋薄批但個fd叫到就一齊食😂但係但係！ 又真心有驚喜喎對摺食既時候 個批薄得黎又好有口感 厚薄岩岩好 唔似平時食果啲勁薄勁硬𠝹損晒個口仲要個pizza上邊搽左蜜糖 同Parma ham勁夾..結果我食左半個Pizza 好好味😂芝士肉醬田螺焗酥盒：新鮮焗既酥本身已經無得輸入邊舊田螺仲要混埋牛肉醬同洋蔥同芝士好味到.. 差啲想叫多個😂假的真不了：依杯有蝶豆花 雪碧 青檸 玫瑰花蜜 梳打水蝶豆花浸味真係好香好特別 依杯誠意推介👍🏻飲落清清地唔會太甜 加埋啲顏色好chill啊🤣🤣🤣😍粉紅的的雨雲：依杯就有西柚 檸檬汁 雪碧 梳打水西柚同檸檬本身既酸味同雪碧既甜中和左口感好豐富🤣

下了一星期大雨難得今天比較好天，就跟朋友到西貢逛逛和觀星。晚餐在海旁大街見到這間Orca的cocktail有半價，而且餐牌都幾吸引，就進去吃晚飯。我們坐在露天的位置環境很舒服，又望到海旁，餐廳用了不少滑浪板做裝飾，有活力又有glimick。【假的真不了】蝶豆花的特飲永遠顏色都是令人驚嘆，上層是紫色漸漸變成日落紅色，好有feel！玫瑰花蜜配青檸兩種味道又突出，有雪碧和梳打水兩溝，所以不是太甜。【論盡的小鯨】為何是論盡呢？原來是因為蝶豆花是紫色，好像撞瘀的痕跡！味道椰奶很重，加了菠蘿汁就像pina colada，好有沙灘的氣味。【芝士肉醬田螺焗酥盒】1/3隻手掌心大小，一咬下濃郁的肉醬香味，中間的田螺肉又幾有嚼勁，這個小食配Cocktail一流。【蘆筍大蝦沙律】賣相不算突出，但是味道出奇地好吃，首先大蝦真是幾大隻，醬汁辣辣地很特別，而且酸酸甜甜非常開胃，簡單的配生菜、蘆筍和蕃茄，就已經很惹味了。【Orca巨型豬扒香草包】這個豬扒包絕對夠三個人分享！豬排亦都很厚，幸好有青瓜和黃瓜中和一下。