Total B (已結業)

睇左幾遍食評，都讚揚Total B食物質素有保正，今日專登去試下。天氣炎熱，行去亨成街係有啲辛苦，星期日下午1點幾，成條街多間餐廳都唔full，全部可以直入坐底。去到Total B，係街尾位置，裏面得3pair情侶，仲有幾枱吉位。入面無乜特別裝修，好普通簡陋。叫左兩個burger，一個傳統牛肉漢堡，另一個是燒烤風味牛肉漢堡。味道係唔錯，麵包好香口，大量芝麻，我覺得太多，食既時侯，吸左入喉嚨，咳到呢！老實講，個漢堡扒係有牛味既，有一定厚度，不過，size太細了，咬左幾啖都未食到塊漢堡。之前有人post個漢堡好巨型，我就無試唔到啦！誇張左囉！同我食果件差2/3啦食到一半，由於個漢堡加埋啲醬汁，集中在包既中間位置，不小心用力一夾個包，未食既半塊漢堡飛左落地，無得食。總括而言，成80至95蚊一個burger，試左就算。

話說上次見到openrice有呢間burger店就想試 但係五點幾太早店鋪未開 我地就轉左食Both 今次就啱啱好見到入面有客 我地就入去滿足上次嘅心願啦！menu有好多款漢堡 招牌有煙肉 有蘑菇 仲有日式手撕豬肉 水牛城炸雞等等 都有豬肋骨 意粉等等嘅主食 但係一入去就好大浸油煙味 食完出來連最入面嘅打底油煙味都超重 呢度餐廳要check下抽煙系統了😿🍔傳統牛肉漢堡💰88呢個唔係套餐但係都配沙律同薯條 沙律一D都唔係搪塞貨物 有齊紫甘藍 生菜 蘋果 醬汁仲要係酸甜開胃嘅藍莓汁！漢堡就會同薯條一齊上 係一般裝薯條嘅籃入面有齊兩樣嘢都好得意🤣漢堡非常高身 可以見到有齊煙肉 芝士 牛肉 番茄 生菜 酸瓜同埋洋蔥 包身烘得卜卜脆 完全唔使擔心會被牛肉汁浸淋！包身好似被挖左出來 所以唔會食到太多包但係入面嘅主菜真係好豐富！單單係個層牛肉餅我諗就有三隻手指咁厚！而煙肉都鋪滿一層 蔬菜係齊下面 一層疊一層 要食超耐🤣牛肉混左洋蔥一齊打成餅 雖然汁水唔多但係就唔會油！不過就略嫌比較鹹 但係夾埋其他配料都可以接受！整體因為包身比較乾咬落都比較脆咁嘅份量係burger店來講都可以話係超抵！而且88嘅價錢

環境／設施－小店約14座位，檯偏細，裝修頗有特色特色－以下必叫菜式推薦1. 蜜椒雞亦：一客有6隻，炸脆皮配蜜糖黑椒粒，香口惹味！2. 燒豬肋骨：不似美式可以鬆化到拆骨，但肉質保持質感，食到係有不同層次，配上微甜微酸的醬汁，十分喜歡。3. 必叫！鎮店名物！手打牛肉漢堡：我地叫原味同bbq，手打牛肉漢堡趴大大塊，肉質彈牙，肥瘦均，食肉獸一大滿足4. 炸魚柳配薯條大大條，脆漿厚薄剛好，魚肉非龍利柳5. 意粉正常味道，面條軟硬適中，份量為一人份量6. 燒雞頗嫩飲品推薦1. 雜果梳打2. 青檸梳打人均價格－hkd220評分－8/10

推介：⭐️⭐️⭐️⭐️❌無加一——————————新開嘅黃店位置比較偏，所以唔係太多人注意到。鋪裡面座位唔算多，但都唔會坐得好迫，裝修都幾特別。最重要係價錢好抵食又高質🤑👍🏻——————————朱古力心太軟 $52（所有甜品均配 雲呢拿雪糕及蜂巢脆脆） 心太軟無得輸，超濃朱古力味又唔太膩口👍🏻 雪糕係Haagen Daz個款焦糖脆脆味，好正😋-傳統牛肉漢堡 $78（所有漢堡均配 沙律及薯條）巨大份足料，牛肉好香同Juicy🤤最欣賞個包係煎烘過，外脆內軟👍🏻 配菜好新鮮，生洋蔥比較辣-芝士野菌牛肉漢堡 $68同上面果個一樣都係咁正👍🏻 蘑菇都好多汁，個人會鍾意呢個多啲❤️-夏威夷炸雞漢堡 $58雞排勁大塊，又係炸得外脆內嫩👍🏻-農場迷你漢堡 $68岩哂細胃口嘅寶寶，又可以樣樣試啲，呢個推薦👍🏻不過就冇薯條食😬-黑松露忌廉明蝦意粉 $78比較普通嘅意粉，冇咩特別，蝦幾新鮮爽口，但黑松露味唔太夠，份量有啲少————————整體來講，食物質素都高，價錢又親民，係地方細啲同偏啲，大家都快啲支持吓小店啦🤗👍🏻-更多食評食支持IG❤️：namnam_happyshare