泗益

營業中

休息中

其實就咁講免糖漿西多以為冇乜特別，其實佢個texture 同出邊食嗰啲真係爭好遠㗎!未試過真係要去試一次。不過可能我本身都唔係好號西多士，所以短時間內未必會選擇再去，而且路程都幾遙遠。因為一對長輩夫婦朋友話佢地之前去過幾次想食都冇機會食到，今次就係專登相約美食四人組齊齊食一次，真係專登搭車入去食完就走果隻😅佢哋長者兩蚊搭車真係好爽。已經問好晒幾點開始有得賣，校啱晒時間所以一去到就有位坐，平時最細食嗰位已經急不及待叫咗三份西多士、兩份油英多同兩份蛋牛治烘底😱😱😱當其時大約一點鐘，雖然大家都未食早餐姐，但係我心諗都好似有啲誇張，佢老公之後都話其實可以叫少一份西多士🤪傳統嘅鐵皮屋設計，我真係對呢啲古董情有獨鍾，平時去開嘅炳記已經係一個例子。先黎油英多，一直都好想知道油英多即係乜嘢多士，應該都係咖央多啲friend。原來有分鮮油英同普通油英，我哋叫咗普通油英，點知原來話鮮油英多先至最好食😵‍💫！流晒啲油出嚟，唔止好食仲好肥添😜跟住就係蛋牛治烘底，暫時本人覺得都冇乜好特別。 即至到上西多士！佢唔似平時四四方方起角嘅西多，質地軟軟腍，有啲似French Toast中間夾咗啲咖央醬。所以其實佢唔使加

復活節假期第一天，到赤柱暢遊想起好幾次行到店門已售罄的西多士，今日天陰陰過去碰碰運氣希望能夠品嚐美食12點半嚟到赤柱市集，可能天氣唔穩定中午時段大街人潮稀疏，走進鐵皮屋的“泗益”出奇地只有二枱食客，好多位置任我坐，今日真係有運午飯時段仲有咁多位。點了“免糖漿西多士”、“豬扒包”、“餐蛋麵”、“凍檸茶”西多士唔使自己加糖漿，老闆在制作時已用他的獨門秘方加了甜，甜度洽到好處唔會過甜，配上牛油麵包鬆鬆軟軟熱辣辣，美味非常 ，唔係自己怕肥真係一件唔夠喉想食多件眼見老闆制作西多時是件即叫即做，認真制作的小食 豬扒包~包包其貌不揚，但食落包脆肉嫩，配搭起來齒頰留香, 好食 餐蛋麵是香港茶餐廳的美食，泗益的餐蛋麵蛋煎得半生熟，保留了蛋的流心，餐肉是圓形一塊好大塊，其它茶餐廳已經好多係半塊，好鍾意圓形餐肉呀))))麵同湯底都係普通，但整體個麵都好食涷檸茶~我自己口味要飲少甜少冰，少甜茶唔苦澀，有濃濃的茶香味，茶底好靚，調到一杯唔苦澀有茶味的茶底，一定係茶葉、煲茶、沖茶有一定的功力，制作上花個功夫，真的用心 舊式排檔天氣熱焗時只有風扇沒有冷氣進食時比較熱，但看見老闆和老闆娘制作認真，樣樣也是美食，流點汗

前陣子去泗溢茶檔，老闆話2016年1月4日起，會放3星期大假。等了又等還沒開鋪，噢！這三星期無香滑奶茶，同免糖漿西多士吃了！令赤柱失色不少！呢道除左西多，咖咉喺老闆親自整的，不太甜椰香夠。而雞絲香姑歺肉面，加太陽梳乎蛋，是我每次來自必食的。大少杯奶茶，喝過了不能再喝別的了。 手瓜起𦟌的他，是堅持手打雞蛋泡幾十年煉成的!如果你來吃西多士，會聽到他穩定起伏有序的發蛋聲。佢地個咖咉醬更是大少堅持每日自己做的。誠意和堅持從他的眼神中看到吧！😂有不少人認為他們服務態度不好，真的要替他們平反，那是他們店的特色之一。那是一份直接的街坊味道，大聲大氣，有些時候，反而親切。在舊式茶檔，就是想吃這份人情味。如果，想吃服務，也許要到大歺廳了。最近，這裡很早的西多士便售完了！果然是西多王！

去赤柱一日遊...果日真係好熱 想搵間平d的食 於是睇到旅遊書介紹的泗益西多士 就去試一下~果度冇冷氣,不過有幾把好大的風扇, 都頂得順.個西多士一黎,d牛油勁快溶晒 @@! 味道都唔錯,免糖漿可以令個口唔會得個甜字, 而係可以慢慢去食到炸出黎的香味同埋牛油咋.整體來講係幾特別~