Second Bite Bar & Grill (已結業)

最近紅磡都開左唔少新餐廳，其中一間就係呢次到訪佈滿草色植物既咖啡店☕️午餐包既是日餐湯係粟米湯，同埋附送冰果茶係甜度適中既荔枝味果茶，仲要唔駛加一服務費🤑▪️ 全日早餐（7/10）💲108 (Lunch Menu)牛角包外層帶脆有牛油香，不過內裏比較實，唔算係好鬆化嗰種🥐蛋帶有蛋漿夠嫩滑，雞肉腸爽彈，蝦春卷亦香脆食到有蝦粒，煙三文魚同埋蘑菇粒正常發揮，可惜既係沙律菜偏苦，同埋微微烤烘過既蕃茄都比較生硬🍅▪️ 香濃蝦汁海鮮燉飯（7/10）💲98 (Lunch Menu)海鮮有虎蝦、蝦同埋青口，鮮味正常，略嫌個汁過於稠身，不過飯粒依然保持粒粒分明，口感飽滿，的確幾入味有好香濃嘅海鮮味😛🔎 整體評分（7/10）

特登同同事行遠啲食飯支持黃店～Lunch餐牌都幾多選擇～沙律比較普通，餐湯就唔錯～All Day Breakfast $88都幾高質👍🏻首先食物份量多又多種類腸好好味～而且有我最喜歡嘅菇！個炒蛋都炒得好靚～海鮮話嘅評語都係幾好食～咸蛋黃金薯條 +$28 都唔細份，而且幾好味😛我地仲要加咗2份，最尾食唔晒唯有打包一份拎走～加上like  社交平台同收藏openrice可以送小食物一份！講返環境，店鋪唔算大，我地獲安排坐咗係近門口嘅位置，不過我地去到都幾晏，所以冇乜客人出入～

不知是因為我太少行去長沙灣食早餐還是什麼的，但我不多覺這區有好多好食嘅西式早餐選擇🤔 我只想到來這間食個靚全日早餐啦～蕃茄濃湯先上一碗蕃茄濃湯，跟餐送的。你睇下，湯有蕃茄粒，豐富了湯的香滑口感。全日早餐 (HK$88)這份早餐好特別喎！第一次見有越式蝦肉春卷😲！仲有必食的香滑半熟炒蛋、外脆內多肉的香口香腸、香草蕃茄、香草雜菇、煙三文魚、雜菜沙律和一個有點醜樣但好鬆軟的牛角包。熱燉檸檬茶這裡獨有，店家先自制燉檸檬片，之後加入蜜糖和熱水。沒有新鮮檸檬片的酸，也減少了檸檬的涼性，可以清咽潤喉一下，我次次嚟到都點這個！招牌水果茶這小杯是店家送的，FB like 店家的帳號就有啦。我估用了多種水果做的，茶色渾濁，不過味道不錯喔。