果然冰室 (香港仔大道) (已結業)

一直都想試佢地的英式早餐，咁今日就決定試，雖然佢個蟹黃意粉我都想試，但心諗下次先.賣相ok, 炒蛋ok, 車厘茄鮮甜不錯，焗豆好食，腸都ok, 炒雜菇麻麻，比較硬同唔夠味，我冇食哂，多士本來都ok冇咩特別，但一食到有果醬嗰part有驚喜，心入面叫了好食😆下次再叫問下佢可唔可以將菇轉其他，如果唔得我就未必會再食呢個. 有機會想試下佢d特飲，我覺得果醬可以買返去自己搽面包食，果醬真係唔錯.

Let‘s Jam位於香港仔嘅分店🥰行更親民嘅冰室路線 超抵食！而質素一貫令人好滿意♥️好豐富😙價錢雖平但做得好有誠意 份量好足而且都係新鮮炒/煎起 連茄汁豆都有座暖🥰炒蛋好滑無蛋腥🥚香草焗車厘茄酸甜多汁🌿特別讚下塊厚多士 好出色 包體好鬆軟又重奶香味🍞配上厚搽嘅鮮牛油同酸酸甜甜嘅自家果醬 令人想一食再食🤤$78食到呢個質素呢個份量嘅ADB真係超級滿足🥺餐廳仲有提供全日素食早餐啊💕邪惡但美味🥸即叫即炸 又熱又脆 魚柳內裏嫩滑 薯角粉糯惹味 無嘢好挑剔😎大食夾抵件😆

今日嚟到香港仔搵嘢食，經過呢間果然冰室，決定入嚟試一試！果然冰室其實係西貢一起果醬老細們開既冰室，去過一起果醬既都會對佢地既果醬念念不忘，就同大家試一試啦❗️❗️叫左個all day breakfast，$78 好抵食，炒菇好入味，而平時all day breakfast 個配角多士都因為果醬而變成主角，大大大推薦👍🏻👍🏻白酒汁出色，又多蟹肉，好多層次，好食👍🏻👍🏻👍🏻黎到一起果醬，我最愛既係佢果醬梳打，起初驚佢怪怪地，但出奇地好飲，果醬香濃係梳打入面令佢昇華👍🏻👍🏻呢個木瓜雪耳鮮奶都好飲😍😍最後梗係要叫個果醬番屋企食，足料👍🏻👍🏻一定要買❗️❗️

我係晏晝1點幾去食 可能係因為黃金周嘅關係 店外有成八九個人喺度排隊幾受歡迎 入到去之後叫咗兩個餐 坐喺度傾左陣計5 6分鐘左右啲餐就已經到齊 第一個餐係All day breakfast 78蚊嚟講好足料 腸仔好夠味 煙肉調味啱啱好 唔乾亦都唔咸 唯一美中不足就係炒滑蛋煮耐咗 稍微過熟 香但唔滑第二個餐係黃金蟹肉軟殼蟹意粉 ($68) 對我嚟講份量啱啱好 大食嘅朋友要諗諗 個蟹肉炸得好食 忌廉蛋黃醬好濃郁但就稍微油咗啲 食到最尾有啲膩嘢飲方面叫咗朱古力 味道比較甜 要啲冰融哂先正常翻啲值得一讚嘅係店員服務態度好好!!好有禮貌 店內環境都好舒服 牆上面都癡滿晒文宣😆不過啲嘢食就有待改善！ 下次會再嚟試吓佢個下午茶餐🤩