車品品小食 (已結業)

蝦子香口而且分量充足皮蛋流心製作出色，另外點醋同糖嘅配搭特別另外，一定要推介吓呢度嘅招牌八寶撈麵起初見到得碟淨麵配料得啲芝麻蔥粒醬汁咁食開大魚大肉嘅豬仔當然覺得單調咗但當睇住老闆娘將啲材料一碗碗咁倒落去，當佢起勢咁係瓦鍋將啲配料同麵mix陣陣香氣即時傳到豬鼻，真喺好心急想試味呀雖然配料簡單，但配合埋煙韌麵條，就有一股使人食唔停口嘅魔力食完先知入面有靚豬腩油當堂對豬油大改觀，仲有少少鍾意咗佢添

我想，食店之所以可以成功，除了食物要真材實料之外，用心待客也是致勝的關鍵。我是很少在這裡寫食評的，連續兩個星期六都來了車品品，今次也忍不住要寫一寫。今個星期很幸運，見到老闆娘在後面忙碌，多口問句整緊乜，答曰：番石榴布甸（奶凍）。大喜！心想終於可在白天嚐到老闆娘的巧手甜品，誰知她說：可能凍唔切！要凍兩三個鐘。勁失望，再隨口跟老闆娘閒談數句，才知道晚上無記要來錄影！嘩！更加開始擔心，以後想食又要等上加等喇！今次點了凍奶茶、招牌大雜麵，皮蛋和八喜撈！凍奶茶是珍珠奶茶味道，跟港式有些不同，但有茶味。皮蛋沒有梘水味，溏心，正！如果可以在皮蛋上灑些糖更好味！大雜麵，腩汁底，油麵。油麵彈牙爽口，我喜歡。牛腩豬大腸仲好好味，蘿蔔清甜沒渣，名不虛傳呀。八喜撈是我第二次點了，上次來點了一次，覺得勁好味，今次又翻兜。本想點一個粗麵一個幼麵混合食，老闆娘話：粗麵好食啲！即時轉太。左等右等，半小時過去，都不見八喜撈蹤影，素知車品品人手少，但沒理由這麼久嘛！因為趕住走，只好硬著頭皮催一催，謎底揭曉：老闆娘忘記下單！老闆著我們等十分鐘，老闆娘也再次從後面走來道歉，還告之一個好消息：可能有得食布甸呀！實在愛死老闆娘啦