誠記小籠包拉麵 (已搬遷) 新店位置

同朋友share一個八寶冰（$25）真係超抵食！首先超足料，有八種材料：芋圓，地瓜圓，紅豆，珍珠等等全部份量十足，無偷工減料。絕對建議兩個食，一個人真係食唔曬。。。芋圓，地瓜圓超有口感，芋頭/地瓜味十足其他材料正正常常。下面d冰加左煉奶而且幾幼細，但主角都係上面個八種材料。D服務都唔錯，雖然我地兩個人淨係食左25$，但個server都幾有禮貌，無歧視我地。真心覺得$25有咁嘅質素真係物超所值。。。

其實誠記的食物一d都唔難食，甚至有d好味。但次次都甩甩漏漏，份量少得不合理每次我都有反映返俾店舖員工聽佢地都會處理返或say sorry但其實今次已經第四次與其每次事後先黎講唔好意思，不如一開始做好d令食客有個良好的用餐體驗好嗎？希望餐廳的負責人會用心改善食物要有質素之餘，口碑都好緊要架。希望餐廳正視第一次係鍋貼的入面完全生勾勾，d豬肉完全未熟，得個皮的底煎脆些少，皮上面都仲係未熟。第二次八寶冰不尋常地少，後來問左話係新員工到，唔熟手第三次打電話叫外賣，我一打去，員工話等等，樓面有客埋單。結果佢放低電話唔記得拎返起，等左佢兩三分鐘...收線再打去第四次今次手撕雞冷面d雞肉過少...唔知係唔係不嬲都係咁，但排骨湯面舊豬扒都正常size，點解手撕雞d肉要少到攝牙la都唔夠...我好想成日都幫襯你地，但可唔可以唔好咁甩漏，俾我好好enjoy下d食物.....加油啦誠記

八寶冰$25呢間位於深水埗，原本專賣上海小籠包的小店結合左台式糖水甜品，深得年輕人喜愛，其中最受歡迎就係呢款招牌八寶冰～八寶冰即係刨冰上面有芋圓、蕃薯圓、紫薯圓、小丸子、珍珠、紅豆、薏米同埋仙草，仲有可愛的小鴨子同氣球玩具做裝飾。味道雖則唔係一試難忘，但配料種類豐富賣相十分之吸引，而且價錢唔貴只係$25一碗～不過可惜的是幾種芋圓的份量比想像中少，不過呢個價錢來講都係合理同幾抵的，喜歡台式糖水的朋友都值得來試一試～

平時好少會寫，但真心覺得平靚正！本身都吾抱太大期望。但食過之後會好想再食！仲要服務好好，好有禮貌，八寶冰好正，我一個人食哂成碗仲有啲小籠包都好正，依個價錢食到甘既質素下次會同男朋友去食！

同朋友逛玩具店經過，見這小食店大排長龍，原來是店主以回饋價益街坊，南翔小籠包$29／一打，免收加一，平均$2.4／一隻，平到笑，鍾意食小籠包的朋友同我即排隊～等了1小時，終可坐下，再等了45分鐘，小籠包終於上菜！南翔小籠包，皮薄得吹彈可破，一咬即破，湯汁豐盛味濃，肉質鮮味香囗，不用醮其他醬油也能嚐到豬肉本身的原汁原味，讚！唯一美中不足是肉的比例偏少，幸好一籠有12粒，吃完味覺上很滿足又飽肚～八寶冰，涼粉雜果足料，清甜爽口又冰涼～豆漿，味道是一般的清甜，平平無奇但要三催四請才有的，其他的漏單情況也嚴重，後來得知是一堆臨時加枱 ＋ 一群臨時侍應造成，情況混亂…雖然環境簡陋，服務欠奉，衛生麻麻，但廉價嚐味美的小籠包，我覺得尚能接受的～

星期六不用上班，不過都依舊要早早出門，因為要陪朋友食近期灸手可熱的小籠包！中午時份抵達，在街頭遠遠已經看見那條人龍。 不過略嫌指示不太清晰，隊伍原來有分兩邊，左邊是排堂食，右邊是排外賣。慶幸當時有侍應詢問外賣事宜，要不然會白白浪費很多時間！無他，因為當天是社會回饋日！南翔小籠包一籠12粒賣$29蚊，芋圓仙草奶凍賣$20蚊！選擇其實不算少的，不過觀摩周圍堂食的客人大多是點南翔小籠包及奶凍。凍豆漿 - 入口夠冰凍解渴，不過豆味不算濃厚。南翔小籠包 - 皮層厚薄度適中，不太痴底及不容易弄穿。食落湯汁尚算豐富，豬肉肉味還好！八寶冰 - 材料豐富且色彩繽紛有珍珠、芋圓、地瓜圓、西米、薏米、紅豆、仙草、小丸子！食落煙韌滑溜軟綿綿，都幾飽肚～底下的刨冰份量多，但...冰粒刨得較為粗糙，質感實屬平平。而且沒有加入煉奶調味，味道淡淡！

深水埗一間上海小店 近期大受歡迎 港🐷點可以唔試下😋 平日夜晚去都要排一陣先入到😂----------八寶冰 ( $25 ) 有芋圓 地瓜圓 南瓜圓 珍珠 薏米 紅豆 西米 小丸子 仙草 椰果... 一隻碗入面竟然可以放到咁多料 仲要咁平 簡直難以置信😱 食嘅時候要先用鐵匙整碎啲冰 再撈勻成碗食 好冰爽😆 自家搓出黎嘅芋圓 加左冰都依然煙韌Q彈😍食到尾啲冰融曬煉奶都依然好甜唔淡😌 啲鴨仔好得意 呃like至啱😎( 外賣冇鴨仔送🐣 份量都會較堂食少 但啲料同冰會分開放 唔會令啲圓變硬)-南翔小籠包 ( $26/4件 )蟹粉小籠包 ( $40/4件 ) 每日師傅都會到街市買豬肉製成餡料 蟹粉都係由人手挑 會有機會食到蟹殼 即叫即蒸 好鮮甜 皮唔係好薄 但一咬落去真係爆汁😆－另外仲有仙草P.S. 晚餐時段糖水只限外賣 同埋人都比較多排隊需時

口水雞客飯好抵食 可以再辣多少少最正係八寶冰 夠哂大碗 不過個人認為仙草奶凍可以淡少少 小籠包都ok 如果個醋d薑糸可以多d就一流喇 但呢度坐位唔多 同埋係可能需要喺舖頭門口開張枱嘅。

網上見到有人話八寶冰同上海麵好食，於是今日專程嚟食。同友人2點幾嚟到，坐低等咗10分鐘左右就有位。一見到個位真係o咗，真係肥少少都入唔到。蟹粉小籠包，$40。個皮做得唔夠薄，蟹粉味偏淡，一般。重點係全部都有蟹殼，omg酸辣湯雲吞麵，$45。湯底太稀，太淡。雲吞over cook，好散，亦都係好淡。四川擔擔麵，$32。湯底幾香花生醬味，麵條幾有咬口，份量都好夠。八寶冰，$25。口感好煙韌，啲冰有奶味但唔係網上講到咁大碗囉P.S. 服務有待改善，一開頭覆單搞錯咗第枱，跟住叫侍應上甜品又問多次我地叫咗咩。。

以為食芋圓得一間康x在附近 排大隊兼未必有得食點個原來附近就有間 食落仲要都唔錯誠意推介桂花酒釀丸子, 好味仙草奶凍食落同康x又唔係差好多八寶冰正! 望落已經好吸引雞花小籠包就一般啦 皮厚湯汁也不算多 都可以一試嘅

最近係深水埗有間好出名嘅芋圓，由於我本身對芋圓有一種獨特嘅情意結，所以專程去拜訪,買完好開心咁諗住搵到地方坐底食。就咁岩經過誠記，店員好友善咁話佢好有信心佢地嘅芋圓很好食嘅，眼神相當誠懇。見到佢d甜品價錢合理，又可以有個地方落腳,就入左去，打算比較下兩間嘅分別。我地叫左八寶冰入面已經有埋芋圓都係廿幾蚊,黎到之後我地見到都呆左,超級大碗，好抵食,相比之下,呢間嘅芋圓同地瓜圓都好有芋頭同地瓜味,唔知係咪自整架呢！但口感就唔夠另一間煙un 但佢個味好得! 唔知點解上海店有台灣甜品賣,下次我可以試埋上海菜