香香宮煮 (金輝大廈)

營業中

休息中

同朋友喺尖沙咀The One行完街，喺附近搵嘢食見到有間火鍋餐廳名叫香香宮煮，又幾特別於是試吓。原來餐廳以宮廷做主題，一入門口就有張龍椅俾大家可以影相打卡🙆‍♀️坐低後可以直接手機點餐,湯底我哋揀咗雍穆公主花膠雞湯鍋😝記得先飲一碗湯,除咗顏色賣相夠吸引外味道亦鮮甜,花膠份量都好多😍,另外雞肉係分開上,店員亦都好細心提我地,雞肉已經係半熟,食幾多就擺幾多落去,咁就食到最嫩滑嘅雞肉!😋手切本地牛肉🌟牛味好濃郁肉質新鮮飽滿,口感嫩滑我哋二人食份量足夠多!伊比利亞橡果豬🌟豬肉肥瘦適中,而且肉質爽彈好咬口!即炸黃金炒響鈴🌟值得推介👍店員話可以就咁食因為即叫即炸響鈴除咗鬆脆,仲食得出有蛋黃香口味道!蟹黃餃 4粒🌟餃子裏面包住全部都係蟹黃大大粒鹹香十足味道鮮美!公主油炸鬼🌟油炸鬼上有蝦滑同蟹子,做法特別第一次食好有驚喜味道口感一流!自家製足料竹蔗茅根🌟打邊爐嘅好搭配,清熱解毒又下火!

.‼️❤️ 記得CLICK我PROFILE關注我呀 ❤️‼️.🥘 𝕳𝖔𝖙𝖕𝖔𝖙 𝕭𝖆𝖈𝖐 𝖎𝖓 𝕬𝖓𝖈𝖎𝖊𝖓𝖙 𝕿𝖎𝖒𝖊𝖘 @ 🌟 香香宮煮《👽食神大媽打邊爐》.💁‍♀️ 圖片展示美食為：煳陽公主酸辣豆腐西施湯鍋 HKD 188手切頂級安格斯牛肉（200g）HKD 238香香宮煮肉丸拼盤 HKD 128羊肉片 HKD 58公主油炸鬼 HKD 68紫菜腐皮卷 HKD 68美濃水蓮 HKD 68.👽 大媽食宮廷火鍋食到上癮，今次嚟到姊妹店，位於尖沙咀超方便，裝修又係超特色，令大家簡直一坐低就想講聲「娘娘吉祥」請安 🤣.👀 原來兩間分店嘅菜單係會唔同㗎，今次就用晒所有公主名號做湯底名，又係好多種口味超級特色！大媽就覺得今次要試一個比較開胃養顏嘅湯底，一於試吓呢個「煳陽公主酸辣豆腐西施湯鍋」😃 好多件豆腐起入邊，簡直賺咗一碟配料一樣 😆.🤩 重點當然係要嗌牛啦，淨係賣相已經超靚，厚切、足料！仲叫埋羊，見到個價錢簡直難以置信 😱.🍡 丸類拼盤有五種唔同口味，粒粒彈牙，絕對唔係機啤出黎嗰種。.😳 最有驚喜嘅反而係佢嘅油炸鬼，竟然唔係淨係一條油炸鬼，而係有蟹子同蝦㗎！🦐 就連響鈴都唔一樣，佢係變成腐皮紫菜卷，

呢間火鍋店裝修古式古香 ，非常適合打卡😆1.泰式冬陰功卜卜蜆湯底冬陰功味道正宗👍🏻，有大量卜卜蜆，多到筷子求其一夾已經撈得到蜆😍2.酒香陳年花雕浸牛肉牛肉淥熟左之後依然有花雕酒味☺️，牛肉肉質嫩滑😋3.白鱔片份量都唔少，鱔肉新鮮爽口4.魚滑雙拼：瑤柱乾貝滑+手打黑松露魚滑魚滑味香，亦好彈牙😋5.公主油炸鬼淥既時候要魚滑向下，魚滑同油炸鬼黏得非常好，唔會甩😀魚滑彈牙配合香脆既油炸鬼，好味！👍🏻6.蘆薈麵麵質幾滑，撈埋附送既醬更香😋7.蘭州拉麵一份麵夠2人食，好抵食總結：火鍋用料質素高，好滿意☺️

天氣開始凍，好想打邊爐暖笠笠，我係勁中意打邊爐，烚下烚下，禁啱見到Openrice book位6點半前離座有58折，禁抵就去試下啦。一入門口就覺得裝修花過心思，呢座大廈本身已經好舊架啦，但入面就裝修到好有中國古代Feel ，近年古裝宮廷片大熱，黎呢到就好似返左古代打邊爐禁。湯底同嘢食選擇都唔少，我歸納呢到係港式邊爐。調味九宮格，最特別係個黑蒜油。首先叫左個卜卜峴煲，一上枱勁香芫荽味，滾左試左一啖湯，超清勁濃味。啲峴新鮮好甜，不過美中不足係啲峴好多沙，一口都係沙。食左幾隻真係攪唔掂，同經理講佢都好主動話換另一個湯底比我地。換左呢個芫荽皮蛋湯，一上枱又好香芫荽味，呢到嘅湯底都係好濃味，可以直接飲一碗先。打邊爐講新鮮，呢到用料都新鮮，珊瑚蚌桂花蚌爽脆新鮮，黑毛豬唔肥。鵝腸正嘅，食唔出雪味。最特別係公主油炸鬼，上面有蟹子同墨魚滑再加個油炸鬼，唔好煮禁耐，唔係油炸鬼會太淋。最後加埋個薯粉，吸左湯嘅味道，好飽。58折係抵食，雖然峴有沙有啲失望，但湯底好飲好濃，嘢食都幾新鮮，唔錯。

香香宮煮一入去睇佢裝修以為去左古裝片場😂 餐具同擺盤全部都好有中國特色。朋友未到，先有小食食，個木耳好香但對我太辣，食得辣個朋友一黎到就清晒😂 叫左個花膠雞湯，超養顏！大大舊花膠，好軟滑。雞係預熟左，食果時放入去一陣就得，所以唔會淥到老晒。個湯超級甜，就算夾啲濃味既餸又唔會互搶風頭，例如個咸蛋黃響鈴，浸左一陣湯都仲好香咸蛋味，而家好重雞湯味！特別介紹埋雙拼魚滑，揀左蟹子同黑松露，兩隻都好香，個質地又好好，唔會太林或太硬，多蟹子同黑松露😎一定要講美濃水蓮！我想試好耐！終於係呢度有機會。佢係一種爽口既菜，但同時又好吸湯，清清地既菜加濃郁既雞湯100分 😋個薏米水又超正，一jar都倒到五六杯，好抵飲，好屋企feel，唔會太稀👍🏻