新香園 (堅記)

營業中

休息中

香港人生活營營役役，本來約了大學好友晚餐，但她最終九時多才下班，晚餐變宵夜吧～晚上十時，大部分的餐廳經已關門，還能到哪裡搵食？一於到不夜城深水埗吧，順道再訪馳名的新香園蛋牛治。雖然已經晚上十時，但店內仍然熱鬧，座位九成滿。這是地道的平民小店，牆上掛上大大的餐牌；一個角落是煮食收銀的地方，其餘地方擺放著一張張的大圓枱，食客坐在圓凳上圍著圓枱擠擠的用餐。 新香園是廿四小時經營的，提供較為輕巧的食物，主要有三文治、多士、粉麵、粥、飲品，但粥下午五時後供應。 冷冷的寒夜，點了一碗熱辣辣的魚雲粥取暖，亦點了公司三文治跟好友share。魚雲粥 - 這裡的粥據說是即叫即滾的。魚雲是我喜歡的食物，喜歡其滑溜溜的質地。粥底加入了不少的蔥，僻去了魚的腥味。粥底很稀，看不見一粒粒的米在裡面，慢慢吃著搞著，還會有點出水的情況。魚雲真的是雲的部分，而非骨摻摻的部位，讚！魚雲份量都不吝嗇，大大的部分足有兩件；味道鮮甜，肉質滑溜溜的，煮得恰到好處，不會煮得過熟而出現散開的情況。 公司三文治 - 蛋牛治是這裡的名物，但貪心的我點了公司三文治，皆因它有蛋牛的部分，亦夾有火腿、午餐肉，加

經過新香園門口數次，每次都見店內坐滿人，門口又有人排隊等位，近門口位置貼上飲食雜誌的專訪推介：豬手麵、旦牛治。真係咁好食?某星期六又再次經過，今次決定要試一試。雖然係舊式茶餐廳，但環境尚可接受，一張枱可能要坐6-7人。等了五分鐘有位了，睇一睇餐牌，原來有生滾粥供應(晚上5點後)，當然要試其馳名豬手麵及旦牛治啦。其後已和同事、朋友光顧了數次，以下是品嘗過的食物： 南乳豬手麵 豬潤餐肉公仔麵 其實係大光麵，豬潤滑，但有人覺得豬潤味唔及同區出名食豬潤麵間濃，那就見仁見智了 淨南乳豬手(3 / 6件) 必食！豬手炆得淋，但又唔會糊口，可能會有人嫌南乳味唔夠濃，我本人就覺得OK 旦牛治(烘底) 必食！牛肉係鮮碎牛，並不是罐頭牛肉 西多士 亦係必食之選！中間鬆軟，外邊煎得脆，好味！相比連鎖快餐的西多士好食好多好多 公司三之治 下層係旦牛，上層係午餐肉同火腿，跟其他餐廳唔同，各有特色 腰潤粥 豬潤好滑，又好多, 粥底都OK 魚云粥 及第粥 材料真的很多，好滿足 淨腰潤: 油炸鬼 雖然冇乜特別，但食粥又怎能沒有它呢! 菠蘿冰 一般 紅豆冰 紅豆好大粒，唔會好硬，可試

許久沒來新香園了,近日竟然在openrice十大好評升幅中,「再」次出現。那麼巧合,老公也正想念那蛋牛治。我們差不多兩點多鐘來到,也是滿九成人。幸好茶記是快上快落。又那麼巧合,再被安排坐在廁所對出的搭枱位,不好了吧......便等了隔離樓梯底的枱子「自成一角」。預先重溫食評,所以點了公司三文治$22(因為公司冶內也有必吃的蛋牛)。很快,食物來到。你看那烘多士……金黃色澤那麼均勻!脆脆的多士,夾著不韌的鮮碎牛蛋、火腿、餐肉。好吃到暈!連餐肉都覺得特別嫩滑。凍奶茶$11(少冰),碎冰粒,聊聊可數,少得可憐。好像飲放涼了的熱奶茶。不過飲得出,本身杯奶茶都唔錯。沙嗲牛肉通,驚喜地,用了豬潤湯底!沙嗲不濃味,能與豬潤湯並存。通粉腍得來,質感滑du du。在這逗留了十零廿分鐘,與油煙味為伴。不過食物那麼出色,是值得的。

呢排成日見咁多好食評, 我都忍唔住等埋老公收工去試試~ 以為會人山人海, 原來都唔係, 門面只係普通茶餐廳, 有D似"維記"~粥底綿滑, 但偏稀, 牛肉有少少韌, 豬潤不韌, 不太稔~ 但唔知點解食到最後一舊豬潤有苦味~ 豬潤都係維記好食D~ 老公話麵太多鹼水味, 牛肉比粥的冇咁韌, 菜都好爽甜~ 主角來喇~ 從未見過咁多肉的公司治, 其實係餐腿+蛋牛治烘底, 但原來呢度公司治, 唔洗講出聲, 都已經幫你烘底~ 正~ 蛋牛部份, 碎牛不是平時的咸牛肉, 係似滑牛切成一粒粒牛肉碎~ 一啖咬落去公司治, 面脆, 入面啖啖肉~ 老公話係呢度食, 樣樣都係食肉獸~ 落單其實有少少亂, 有好幾枱叫油菜, 阿姐係唔認得, 邊枱話要就放低, 有D叔叔嘈起來, 場面好好笑~ 我見到好多叔叔嬸嬸都來吃豬手麵, 而且係馳名, 我下次都要來吃~仲有呢度係24小時開門, 真係啱哂夜鬼人仕~

靠「十大好評升幅」,才知道這間令人回味無窮的茶餐廳。無選擇下,坐了廁所門口張枱,加埋本身店內的油煙味,卻是迫著速食。知道公司三文治也有必吃的蛋牛層,試盡佢!就要公司三文治$20。Crunchy的響,麵包脆,第一啖已覺好食到不得了!蛋牛又真係好好食!牛肉是醃過味的鮮牛碎,蛋滑,極之好食!另有火腿&午餐肉層,增加豐富感,令整份三文治無咁單調。但火腿+午餐肉,食完都幾咸。西多士,不是兩塊麵包黐埋,而是一塊厚多士炸成,所以無咁膩。出色地,又係脆皮!正!熱奶茶,是薄身奶茶,有如英式那種,無咁厚奶味,加左少少糖後,又幾好味。沒有奶,槳住口腔,感覺無咁肥。真係好滿意呢餐,樣樣都是神暈之作!