永樂園餐廳

營業中

休息中

下午來到中環，友人帶我到這間頗出名的茶餐廳，品嚐一下馳名的熱狗王。店舖位於一條小巷裡，進入店後，再沿一條小小的樓梯下樓才到達餐廳。店舖的面積很大，可同時容納三四十枱食客，有傳統的茶餐廳裝修佈置。餐牌上的選擇繁多，價錢由十多元至數十元不等，set lunch 是扒餐，大約五十元，價目在這個地段算是合理。我們當然要試餐廳主打的熱狗王，可選單腸或雙腸，由於我們另點了公司三文治的關係，還是只嚐單腸好了，怕會太飽。熱狗王加入了秘製沙律醬，香甜而帶微酸，味道其實頗普通，並沒有傳聞中那麼滋味。烘過的麵包依然保持鬆軟，夾了雞肉腸，妥何雞肉腸份量較少，吃得不滿足，看來吃雙腸的會比較好。吃過熱狗後立即嚐嚐公司三文治，三文治經過烘底，十分香脆，而且層次非常豐富，蛋，肉碎，火腿，芝士，牛油，蕃茄，生菜，雞扒，用料算新鮮，比起熱狗王好吃。

買左飛8點去睇Cavalia，收工打算食個快飯醫肚鬆動啲去，又突然熱狗癮起，最後就黎左永樂園。永樂園出名係熱狗，打算一場黎到梗係叫返個熱狗王黎試試，點知一啖咬落去，個包無錯係幾軟熟，但條腸又霉又軟，再加埋個醬，就好似食緊一個塞滿醬既包，一啲口感都無，個醬既味道又唔太出，完全唔知自己食緊咩！我覺得Ikea既熱狗比佢仲好食、仲抵食囉！公司三文治就不過不失，低層係雞肉，上層配咸牛肉，雞肉入味，但個三文治黎到既時候已經唔熱，烘過既地方已經由脆變硬，所以我加左茄汁食，等佢濕潤返啲又可以帶返出食物本身既味道。食完呢兩樣野已經完全無想加單既意欲。

放假日子出現中環區一身輕便裝束感覺份外特別外賣下午茶叫的唔係呢度最出名既熱狗單腸的已經隨住通賬加價到$10, 實在太唔抵了以前都唔洗既..Wok 到未食lunch 既情況下要公司三文治就最岩了~ 有一層係鹹牛肉炒蛋, 好香既鹹牛肉包埋係炒滑蛋裡面; 加上另一層既雞肉生菜番茄互相融合, 雞肉好juicy 同嫩滑, 連咁少portion 都食到咁嫩滑其實好難得!~ 試過分開食同一口咬, 總結後者先絕對食出一種滋味來~另外叫左魚柳沙律, 呢個並唔係太好。雖然魚柳炸得香口香脆, 但沙律就唔多新鮮, 而且探用大量蘿蔔作料, 生果只有菠蘿三小粒, 基本上無咩點食...