公子茶座 (已結業)

.{二訪公子茶座}第一次黎係食早餐，覺得呢到既早餐比附近既茶記好食多。今次再訪就係試下晚市小菜如何了。平日夜晚黎到坐無虛席，要等一等位，收銀哥哥仔好有禮貌亦好好人拎張圓凳比我地坐住等。等左十分鐘都有位了，lucky😆我地兩個比較細食，叫左一個餸一碟炒飯。公子冰梅骨 ($78)大熱天時特別想食酸酸甜甜既開胃菜，就點左冰梅骨。新鮮滾熱辣出爐，黎到仲出緊煙。份量都多既，就算四個人食都夠食。排骨有煎過，表面有焦，入面肉質嫩淋。醬汁份量適中，炒得好好，每條排骨都能沾上冰梅醬，上色度靚，好有鍋氣，食落酸甜，比例剛好，送飯首選👍🏼鹹魚雞粒炒飯 ($58)一座山既炒飯，黎到都係出緊煙既，聞到好香。炒飯有鍋氣，炒得乾身，又唔油膩。雞粒都多，仲要有煎過，絕不求其，抵讚，可惜咸魚味欠奉，食落都冇咸魚香。龍鳳檸檬雪碧 ($22)以為舊式茶記先有各種花臣飲品，原來呢到都有。龍鳳係指醃漬咸檸檬同新鮮檸檬片，加入雪碧，酸甜鹹都有齊哂，衝擊一下味蕾，飲完透心涼～上次黎到覺得枱凳分佈兩邊，中間位置留空好似有點浪費，但今次食晚飯覺得咁樣既環境好好，一黎坐得舒服，活動空間大，店員上菜方便，亦冇油煙味，散