麻辣Doi (已結業)

麻辣癮又起，晏晝同男友入錦田探我親愛既姨甥女😘 近近地就搵下元朗附近既川菜餐廳，見到呢間新開張又抵食，一於同男友做白老鼠試下😂週末午市$42起已經有交易😮我哋叫咗酸菜魚(少辣)跟白飯，冒菜揀咗萵筍，蓮藕，魚腐，雞肉，牛柏葉跟米線(少辣)，另外加左個小食涼拌雲耳(少辣)同一罐可樂😊原來酸菜魚本身已經有好多配料😮 生菜，雲耳，豆卜，大豆芽同兩款菇，超豐富👏魚應該用左生魚，無骨唔腥肉質勁滑😋湯底既顏色似係生滾出黎，味道偏酸唔太麻，辣度適中👍三樣嘢都叫咗小辣，相比起黎冒菜嘅辣度係最高～萵筍，蓮藕同牛柏葉爽口，魚腐彈牙，雞肉嫰滑😋不過米線略嫌淋左丁丁～涼拌雲耳口味相對最light，個汁似係偏家庭式既蒜香芝麻味然後帶少少酸，夏天食岩晒😀(不過如果知道兩款主食都有雲耳做配料嘅話我哋應該會試蒜泥白肉或者土豆絲😂)呢度裝修偏日系，坐得舒服，店員服務超級好又抵食！係絕對可以encore之選😚

雞地不嬲都多野食，中日韓都有唯獨無依家大熱既川菜依幾日終於新開左間～一於黎食lunch 試下晚市有七折都幾抵下lunch 佢都有水煮，酸菜魚依d, 只係$50~70 兩個人叫左一個酸菜魚，一個冒菜再加個小食手拍青瓜好大份，蒜蓉夠多，味道都夠青瓜拍爛d 會更加入味添～～酸菜魚份量都ok, 魚夠滑身不過偏辣架～酸菜都好酸～～我地揀左配飯，所以無薯粉底仲有埋豆卜吸哂d 味～冒菜可以揀五個餸，我揀左土豆片，油麥菜，娃娃菜，雞肉同豆芽土豆片仲炸過黎～口感唔錯配菜揀d 吸味既就好正😜😜湯底可以揀幾麻幾辣，我地走麻小辣，辣度差甘d,下次會試中辣