泰風情

營業中

休息中

感恩我住係呢個美食天堂九龍城, 又係肥Sa出動搵食既時候啦~~因為係正正dinner時間, 間間食店都好多人等, 經過泰風情, 見無乜人就膽粗粗入去試下啦~~我真係好肚餓啦, 真的等唔到呀!! 店內都幾大, 坐得都幾舒服ga~~呢度選擇都多, 價錢又合理, 正~~搵到食, 先黎支泰啤 啤啤佢先, 夠凍, 爽呀!!泰式生蝦其實係食趁泰國菜都必叫的, 呢度d生蝦超夠誠意, 用鮮甜肉厚既新鮮蝦做, 口感好滿足呀!! 啖啖肉!! 正!!如果有多幾就好了... 海南雞 d肉又滑又勁鮮嫩呀!! 係每一舊都甘滑甘嫩呀, 難得難得!!冬蔭功都係我喜愛既泰國菜, 呢度既冬蔭功唔會太辣易入口, 配上吸晒冬蔭功精華既大蝦同菇, 簡直無得頂呀!! 好飲!! 好飲!!我飲左三碗, 好滋味呀!!再黎個乾炒海鮮米, 有魷魚, 蝦, 蟹柳, 粟米芯等去炒, 米粉又唔會太乾, 份量又夠大份, 令呢餐畫上完美既句號!! 飽飽!!最後好客既老闆還送泰國糕點比我地試一試, 甜甜地又爽口,唔錯唔錯~~呢餐的確有驚喜呀!!攬住個肚超滿足散住步行返屋企!!

星期六番完半日工後就相約同事一齊食個LUNCH輕鬆一下。搵好野食當然去九龍城，有好多餐廳可以選擇。見到呢間新開既店我地就入去試下。招牌海南雞飯($48) - 雞肉份量尚算可以，雞肉好嫩，唔會食落覺得老，加埋醬汁食好惹味。泰式炒金邊粉($45) - 金邊粉一條條唔會痂埋一舊，炒得十分均勻唔會有部份無味，酸酸甜甜最岩夏天食。冬蔭功($68) - 估唔到細份都好多下，而且蝦好大隻，煮完湯之後蝦肉都仲有鮮味彈性，湯未有想像中辣，如果鍾意辣既可能要特別落單講明。椰青($26) - 食泰國野都點既椰青，好飲。