Flagship

營業中

休息中

夜晚時段去到灣仔船街嘅一個角落，發現一間中西合璧fusion菜既餐廳，西式面孔配上中式味道，具有特色值得推薦！#麻唔辣四川蜆 $168傳說係餐廳其中一個招牌菜，好多顧客都為呢個小食慕名而嚟！品嚐過後真係一啲都唔辣，但係擁有藤椒味嘅香，會令你一食再食，一種停唔到口嘅味道！#羊架配腐乳薯蓉 $368餐廳special嘅main course，羊架烹調程度恰到好處，有咬口之餘又食到羊既香溢。最特別既係第一次有腐乳味道既薯蓉，原來真係特別合拍，解羊架既羊鬚味之餘，又食到一種創新嘅口感，惹味非常。#冬陰功大蝦意粉 $198冬陰功味道都非常之出眾，酸酸辣辣嘅口感非常之開胃，蝦嫩肉滑！私心推薦呢間餐廳，尤其是同朋友小酌一杯嘅時候又品嘗到中式西菜！

呢間小店位於灣仔一條街嘅角落位置，岩岩去個陣好似尋寶，玩遊戲咁，差啲搵佢唔到～最後搵到嘅時候發現佢係一間幾有情調，充滿異國同復古風味嘅西式餐廳，感覺番番去八九十年代嘅餐廳食飯，而燈光昏暗柔和，同另一半係度食晚飯都非常有feel同浪漫！✎ 避風塘豬排表面灑有炸蒜，黑毛豬煮到九成熟，係梅頭肉部份，油花豐郁，口感唔會太油膩，亦都唔會乾澀，略肥美滑嫩，入口即散發誘人嘅肉味同炸蒜味！✎ 冬陰功大蝦意粉意粉有咬口，充滿冬陰公味，酸香微辣。蝦都幾爽口。有小小芝士粉調味～✎ 鹹蛋黃醬凱撒沙律 滿佈咸蛋碎同麵包碎，食生菜嘅時候滿滿咸蛋味道，同時口感爽脆。另外亦有一啲鹹魚碎，令到成碟沙律Fresh得黎唔會太寡～

灣仔船街既一間fushion菜，餐廳以白色木為主調，主打西式料理。🌸麻唔辣四川蜆｜$168蜆肉非常嫩滑鮮美，食落口麻麻地但系又唔辣好過癮～送白酒一流，另外仲配上兩块脆法包點湯食🤤🌸21日熟成厚切豬扒｜$338⭐️超推薦！超厚既豬扒，充滿炭火烤味，邊邊仲有啲脆脆地既口感，肉質juicy彈牙唔乾，底下有蘋果蓉洛神花醬，酸甜開胃，仲搭配左舊烤蒜，烤到超軟淋好似薯蓉。🌸冬陰功大蝦意粉｜$198大蝦爽口鮮甜，彈牙既意粉被濃郁既冬陰功醬汁包裹，食得出醬汁入面加左芝士粉，好重芝士味。

近日發現有一間餐廳「Flagship」停泊在灣仔最隱世既船街，呢個地點旺中帶靜，如果係樓盤一定係sell風水靚地。餐廳裝潢以白色、木系元素，英式style幾有特色，而主要以西式fusion為賣點，加上特色主菜淨係賣相都夠吸晴，一定支持一波先啦。👇🏻📌SIGNATURE -  ▪️ Clams · Fusion Sichuan Sauce - $168▫️ 一黎就試試佢地招牌「麻唔辣·四川蜆」，蜆肉份量好多，肉質食落脹卜卜，夠哂誠意，而重點係佢地個自家製辣汁，入口係麻香好濃，但完全無果種好強既四川辣味，反而我鍾意呢種麻香多過辣，所以有名你叫，麻唔辣就係咁解！▪️ Tom Yum Kung · Prawn Pasta - $198▫️ 佢呢個「冬陰功·大蝦意粉」絕對係色香味俱全，冬陰功入口唔會太辣，但食到果種香味，意粉沾滿哂個sauce，食落煙韌彈牙得黎又夠惹味；而且賣相精緻，打卡絕對係一流！▪️ Dry Aged Pork Marinated · Slow Cooked For 12 hours - $338▫️ 最後試埋呢個「21天熟成·厚切豬扒」，就咁睇賣相睇落非常厚身，外層食落帶少少焦香，而裡

麻唔辣四川蜆 $168蜆好新鮮飽滿，仲有粒粒花椒，帶少少麻，好濃嘅花椒味同牛油味，但完全唔辣嘅，都幾夾又幾惹味，推薦😋大啡芝士蘑菇 $78濃濃芝士味，配埋黑醋蜜糖醬汁，好開胃，好味😋21天熟成厚切豬扒 $338豬肉味濃，應該係西班牙豬扒，豬扒好厚身，脂肪油脂冇乜但又好腍好滑，醬汁係酸酸甜甜嘅，好，好味，推薦👍🏻冬陰功大蝦意粉 $1982大隻蝦煎得好香，蝦夠新鮮夠爽，冬陰功醬汁好濃好creamy，但又唔係好辣，勁惹味，扁意粉有咬口，配搭好🉐Sex on the SHIP $88Special Fruite Tea $68飲品選擇多，晏晝3-7仲有8折，抵👍🏻👍🏻