咖啡弄 (已結業)

今日去開尖沙咀, 途經咖啡弄, 所以上去食個下午茶。總匯三文治 $65總匯三文治即類似公司三文治, 總共有兩層, 第一層是蕃茄生菜青瓜, 第二層是蛋火腿同雞肉。三文治味道正常, 麵包也是正常麵包烤起來的質感, 沒有很好吃, 也沒有很難吃。三文治另配蔬菜粟米片, 粟米味道有d怪, 係類似好重芝士味的粟米片。我平時都鐘意食芝士, 但佢果種芝士味就近乎唔太好聞的芝士味。蘋果檸香茶 $48上茶時是一碟生果, 茶, 同有蘋果肉咁黎, 都幾靚。而且真係有生果比我放落d茶度, 擺盤幾靚, 幾有心思。味道都幾好飲, 有茶香味再可以隨自己喜好放入水果添~冰維也納咖啡 $48有成舊cream放在咖啡上, 我朋友好鐘意食cream, 所以岩哂~塊餅朋友就唔係好鐘意, 因為佢以為係碎碎的, 但實際卻是硬同軟軟地。咖啡我朋友話味道係偏苦的, 不過有cream中和, 所以都幾好飲。今次沒有試他的皇牌窩夫, 但我之前試過已經無第一次食果陣咁好食。咖啡弄初到香港時, 的確掀起一道熱潮。但時間過去, 現場裝修已變舊, 玻璃滿佈著花痕。雖然他的飲品不錯, 但價錢不算便宜, 食物正常沒有很大的驚喜, 而且還有最低消費 -

酷熱天氣警告下的佛誕下午，同友人去咗一直都無去過的咖啡弄。去到樓下見唔到有人排隊，以為終於過咗個熱潮，點知上到去鋪頭仍然好多人排隊，前面大概排咗六組人左右。等咗大概半個鐘多啲終於可以坐低食飯。因為大家都未食飯，所以大家都係一致叫咗咖哩鳳尾蝦飯，同各叫杯嘢飲。等咗陣就有飯食，份量唔算少，咖哩香味十足。對唔係好食得辣嘅我哋都同樣覺得辣度剛好，而且鳳尾蝦大大隻，仲有5隻咁多呢！實在驚喜！我的係凍維也納咖啡，友人的係凍果茶。兩杯都不過不失，但我杯維也納咖啡滿滿的鮮忌廉實在好吸睛呢！下次要試吓佢啲甜品呢！

難得見咖啡弄冇人排隊，故此同男友及友人就上嚟一試，反正大家都未試過。應餐廳規矩，每人叫一杯嘢飲，另外再叫咗個雪糕做甜品。咖啡味出奇地濃，唔錯。咖啡味偏淡，勝在唔太甜，朋友話可以。要handle 呢個咖啡有啲難度，個cream太高，調羹唔夠長，食得較麻煩。 但大愛脆焦糖，讚呀。冰淇淋原來2個男人都唔太喜歡，唔緊要，對於雪糕怪嘅我嚟講冇難度，輕易ko哂。

今朝o係i square睇早埸，由於近咖啡弄加上之前o係台灣食過咖啡弄，覺得味道唔錯，所以就過來朝聖。香港開左一短時間，其實一直都好期待來試。不過之前太多人啦，所以等佢無咁"熱"先來。雖然衣家咖啡弄無之前咁"熱", 但一早都見到好多人來食，好彩我地早到，來到d位已經九成滿。11:30開門，12點後已經爆嘥，我地走果時見樓下已經有條龍仔!原來都仲好"人氣"!建議大家早少少來好d，唔洗等。食物方面唔錯，不過個鬆餅同維也納咖啡真係太多cream啦！如果叫鬆餅，建議怕肥可以叫少cream(走一半都夠)同走牛油，其實牛油唔落都好食。杯咖啡都係啊，超多cream，太多會好膩，雖然我無食嘥。 另外建議唔好貪心啊，叫一份鬆餅兩個開心share會好d，唔好霖住一人一份啊！我食完兩塊鬆餅已經好飽啦！佢一份有四塊，兩人食o岩o岩好，除非你真係好肚餓啦！鬆餅口感好有"水份"，好軟熟，感受到入面有小小"空間感",唔會太實的的，雖然唔係好脆果種，不過好好食。玉米里肌起士可頌好好食，材料豐富，d菜好新鮮!個牛角包好大份下，雖然只係微脆，但好香而且賣相吸引!d cheese好正!因為好香濃，但又唔會搶走其他材料d香味