爆汗串串 (已結業)

天氣凍冰冰食點辣最正不過! 今天同個friend 去爆汗串串, 聽到個名都夠hot! 我地點左個冷鍋串串, 當中有雞有牛有腸仔有海帶有瓜, 好好食! 重點是個汁好味, d 食物很軟熟又滲哂汁。我特別推介腸仔, 好似臘腸, 好惹味! 食住辣要叫d 清熱涼伴平衡吓, 唔少得蒜泥青瓜, 青甜爽口, 蒜香味濃。必定要食蔥油雞, 有蔥有花生粒好惹味, 而且雞很滑, 有特色。另外點了個酸菜豬肚麵, 開胃得來味道濃, 加埋腐皮, 黑木耳, 牛根丸, 白蘿蔔同萵苣, 豐富又好食。點埋d 烏梅汁, 王老吉, 爽住咁走!

成日睇人食串串食得多，今次唔使返大陸都可以俾我食到，餐廳入面非常乾淨串串可以叫15支或者30支，我第一次食又唔知佢幾辣，所以就叫住15支先啦，另外再加多碟辣粉，餐廳話食得辣既話，不妨可以挑戰下我就叫左5款餐廳推介既串串，有鴨舌，其實全部都好入味，充分索哂d汁，但淨係呢個汁，係未足以令你出汗架，要加埋另外個辣粉，d辣味出哂黎，食左啖就已經開始頭頂出汗，愈食愈high雲耳魷魚香腸豬腸食完d辣既，可以揀返d唔辣既菜式，呢個就類似係手撕雞，加左d麻醬，底下就係爽到冇朋友既青瓜，呢款係凍食既，足夠令你降下溫掌翼都係我既至愛，味道都幾似滷水汁，仲要炆得夠哂淋！最後都要加埋碟粉先夠飽，20蚊就有咁大碗，d粉有d似薯粉，但再扁d同闊d，食耐係好q好q，所以食呢碗麵係需要d時間最後都飲返杯黎降降火

今晚在廣華街看見這家新店爆汗串串，麻辣癮立馬發作，無法抵抗之下就決定一試水準。店面地方不大，裝潢以黃色為主，別開生面。餐廳主打麻辣串串，另外有多款小食、湯麵及甜品，價位適中。鐘水餃先來一客十粒鐘水餃，一吃便知此店做的是正宗川菜，因為鐘水餃餡料只有肉，沒有任何蔬菜，是傳統正宗的做法，水餃皮薄嫩有彈性，醬料香辣濃郁，色澤紅亮，麻中帶辣，辣中帶甜。冷鍋串串一鍋共30串，冷鍋串串特色是上桌時，食材已預先煮熟可立即享用，而鍋仍是冷的，故有冷鍋之名。串串有多款種類可以自選，串串重點是吃其豪爽的風情，一口一串。湯底同樣是串串的靈魂，配撘食材各自不同的口感，一麻二辣三爽口，回味悠長。爆汗豬手麵（白湯）當然也要來點主食填填肚，選了個不辣的豬手麵，豬手醬汁醇厚和味滲透骨肉，麵條口感筋道醇厚，頗有嚼勁，湯底溫和，正好中和一下味覺。凍豆漿凍豆漿以特別的電燈膽容器盛載，冰凍解渴。