素年 (福隆大廈)

營業中

休息中

#素年 #sorriso_深水埗區-呢間素食好多人推介，而且份量又出名大，睇完報導之後終於去試下🍝【魚香茄子意大利粉】 $98 (8.0/10)採用新豬肉做肉碎、同埋用茄子豆乾豆瓣醬炒過嘅意粉，嚟模仿魚香茄子嘅味道，好大份味道的確唔差，但係略嫌豆瓣醬太濃，整個意粉都充滿豆瓣醬嘅味，似食緊豆瓣醬撈意粉多啲，魚香茄子呢味餸同個意粉夾唔嚟🍛【日式吉列豬扒咖哩意大利飯】 $118 (8.5/10)意大利飯用咗蘆筍、車厘茄、野菌，再配上咖喱嚟整，所以口感好豐富，一上枱俾佢嘅咁大碟嚇親，幾乎每枱都會點，個炸豬扒炸得好香脆，食落好似真肉，大份之餘仲有蘋果識落清爽又唔會好滯🥃【凍伯爵茶】 配餐$0 (8.0/10)大大杯，茶味既濃郁又清涼#sorriso_深水埗 #sorriso_九龍-📍【素年 YEARS】深水埗福華街191-199號福隆大廈1號地舖深水埗汝州街132號🕑Mon to Sun 12:00 ~ 22:00-#foodie #foodiehk #hkeats #黃店 #黃色經濟圈 #不專業食評  #相機食先 #黃店地圖 #食好西 #852foodie #foodstagram #food

我久唔久又會回訪這間素食café，因為佢哋個餐牌時不時會轉新菜式。今次回訪，去咗總店食，被佢個豆腐漢堡吸引住🤤日式燒汁豆腐竹炭漢堡包 (HK$108)．漢堡麵包一般是圓形，呢個竹炭包是長方形的，厚身，脆口偏乾一啲，味道幾好，是微微甜．包餡有多層食材，最頂層有脆口嘅紫菜絲和自家製醃蘿萄，酸酸甜甜的，口感好爽脆．下一層有紫蘇葉、炸豆腐和自家製燒汁，這個配搭好特別，炸豆腐炸得乾身，不油膩，配燒汁好美味．最下層有爽脆鮮甜的生菜片和自家製純素蛋黃醬，同一般嘅蛋黃醬一樣好味．伴菜有炸番薯條，脆口、多薯肉，甜蜜味道，是澱粉質，用嚟填飽個肚😄凍伯爵茶 (跟餐 +HK$0)．上面個包已經好邪惡所以揀選咗近乎零卡路里的凍伯爵茶．呢杯伯爵茶，茶味非常濃郁，也非常夠凍，飲完好涼爽呀～

食完龍逸軒夜晚去左嘉頓山影夜景因為開番晚市出名既黃店通常都會好full本身就plan左食素年即使早左幾日book都要成八點半先有位暑假都過去以月份黎講係已經入秋六點左右就已經開始日落結果無野做唯有係山上面好無聊咁等時間過去最後餐廳八點打黎話有位可能因為alfred都有介紹所以仲多左人黎而家夜晚食飯都係要早D book位比較好呢間係素食餐廳其實就唔係好岩我不過偶爾一兩餐都算係可以接受menu都算多野揀價錢亦都唔算貴不過六點後就要加一唔洗加錢既伯爵茶餐廳算係小店得廿零個位所以餐檯都幾細張要放兩杯飲品再加兩個主餐都有d勉強仲有同格離位距離少仲幾迫下叫左個吉列豬扒意大利飯其實睇過alfred都見到份量係好大份餐牌都有警告字句lunch先食完點心放題好飽其實都真係無咩戰鬥力新豬肉口感都似真肉既以前都試過係plaza premium first食過隻beyond meat burger果隻仲有肉汁不過呢d假肉食得多感覺都係會有d膠膠地同埋個意大利飯都濕下仲有芫茜意粉呢個相對簡單我對臭茜就無乜喜好可以食得到無問題番茄乾都幾好不過最後都係食唔晒要打包左半個飯走有凍飲送加埋兩舊水左右餐廳其實就無乜打卡位

星期六晚上，一行二人walk in, 店員話今晚滿場，如果可以一小時交枱就無問題,之後給了餐牌，我們選擇了， 黑松露蘑菇漢堡包味道不錯，旁邊蕃薯條很好味 牛肝菌意大利飯，味道一般但米不像意大利米， 每個餐都附送凍伯爵茶，茶味偏淡，order 一個 菠菜湯味道好好味

從前讀書的地方，附近開了一間素食店。晚上下班時間，在這轉角的街道上，行人寥寥可數。只有這裏，食客不斷進出。與附近的舖相比，簡潔的白色裝潢教人注目，但更讓人注目的是這裏是一間素食店。點了一個香草青醬意大利粉($88)。原打算點日式定食，看到遠處桌上一大碟綠悠悠的意粉和火箭菜，頓時覺得這個比普通的定食更特別，便選了這碟意粉。這碟意粉可走五辛，我是非素食者，沒有特定要求，當然保留原來的味道。頂層鋪滿大量火箭菜，有點像在吃沙律。 黑松露蘑菇漢堡包($98)，主要是大而厚的燒烤蘑菇，和厚而鬆軟的麵包。除了用料足，麵包的鬆軟也許也吸引了每枱食客。幾乎每枱食客都點了一份。個人覺得配角蕃薯條更勝一籌。第一次吃蕃薯條，帶着自然甜味的薯條，不用配任何醬料也很好吃。加上茄汁後吃，比平時吃的薯條更軟甜。這個晚餐連一杯熱玄米茶或凍伯爵茶。熱玄米茶，大量玄米漂浮在茶上，令我想起韓國常喝到的玄米茶，只是這裏的更帶玄米的芳香。凍伯爵茶，與漢堡包的配搭最佳。但相較之下，熱玄米茶的香氣更濃郁自然。過往我大多喜歡喝凍飲，特別是伯爵茶這種西式茶，往往凍飲比熱飲更清涼。但這次熱玄米茶卻是我的首選，這裏的玄米芳香更讓人深刻。簡約

週末，下午2點多來這間店，要登記，坐在外面等位。等位期間，店員會供應凍伯爵茶，真好😃日式定食 (HK$88)此定食有好多野食，好豐富喔！．味噌湯 (多料，有海帶、柳松菇、豆腐，正呀！)．漬物 (青瓜)．高野豆腐烏冬 (凍豆腐的爽口，烏冬幾滑身軟韌的口感)．麻醬溫泉蛋 (蛋黃有點熟)．黑糖小紫薯 (好味😋)．鹽燒秋葵 (好味😋)．炸物 (是南瓜可樂餅，好多南瓜蓉餡，炸得好脆口)．甜品 (中間好甜嘅和果子，不喜歡喔😐)．一杯凍伯爵茶 (無加糖㗎，正！)

潮流興食素，一行四人嚟到深水埗就試吓啦。「素年」裝修簡約，設計清淡雅緻，配合素食主題。 點咗個芫茜意大利飯，如果喜歡芫茜嘅朋友一定唔可以錯過，因為大量新鮮芫茜鋪滿飯面，味道清新獨特，淡淡幽香包圍了整個飯，全面發揮素菜美味原素。朋友的“不可能肉醬長通粉”，長通粉煮得啱啱好，不會過稔，少少煙韌，配合惹味茄汁肉醬，滋味無窮。肉質基本上同普通肉冇分別，好神奇以上晚餐均配熱玄米茶或凍伯爵茶，豐富滿足。值得一讚係服務員笑容可掬，殷勤體貼的招待，令人開懷。

今日走到深水埗，是與另一半看一下自己心愛的遊戲。看罷後，打算在附近吃個午餐。出了電腦廣場過了一條馬路，走走下看到一間新開張的餐廳，名叫「素年」。餐廳感覺很簡樸清新，與深水埗的繁雜地區形成對比，於是與另一半就進內嘗試一下，放鬆身心。素年，固名思義就是吃素的。但餐牌的美食卻非常貼地年輕人的口味，於是我倆就打算點：❀ 1. 野菌闊條麵 (配凍伯爵茶) , $78野菌闊條麵 ，雖然貌似是普通的麵食，但在這裡卻能吃到有健怡的風味。餐廳並沒有用強烈的調味料來控制味道，反而簡單透過野菌和白酒忌廉料就能煮出清香的味道。闊條麵份量充足，再配上凍的伯爵茶，當然是物超所值！❀ 2. 不可能漢堡飽 (配薯條) , $128 所謂不可能漢堡飽 (Impossible Burger)，其實就是素「肉」的漢堡飽。原來「漢堡扒」主要是用織紋小麥蛋白、椰子油、馬鈴薯蛋白以及豆血紅蛋白四種成份製作，織紋小麥蛋白可以帶來牛肉的口感，而豆血紅蛋白更為素肉提供肉色與肉味的重要成份，令整塊漢堡扒更似真肉。而且，食落的真實口感是絕對與肉類可以相比，而其材料成份卻為素菜，對於初次嚐試 Impossible Burger 的我是十分驚