飛鷹餐廳

營業中

休息中

今日晌石硤尾早收，男人黎接我...行左陣...到19:30就去到飛鷹鋸扒⋯⋯一入到去被安排坐兩人卡位，好彩早一步入咋，如果唔係就要同人一齊坐嚕...入面燈光唔會太暗，但都好有氣氛，配埋格仔枱布，同一啲裝飾，真係幾懷舊...我就叫左個肉眼，男人叫左個西冷，首先黎嘅係牛油餐包，呢度同花x同第x唔同，係用麥餐包，仲要大大個，女仔食半個，我諗都飽左3、4成，我就留肚，將另一半俾埋男人食喇！差唔多食晒，就到個紅湯黎喇，唔知由幾時開始聽到有呢個食法...我會加少少牛油落去。呢到個紅湯都幾濃郁！但我略嫌佢甜左少少....飲到一半...連份扒都黎埋，值得一讚嘅係，佢椰菜放底，唔會好水，就晌早幾日我一丁友去左花x到鋸...嗰棵墊底棠菜，搞到成個鐵板水汪汪...搞到我都無心機影相寫食評喇。我個蒜蓉汁仲有少少蘑菇添。講番個肉眼，好大塊啲肉好鬆，好稔！等我仲同男人講...好似略嫌太多鬆肉粉...點知番到屋企就睇到飲食男女段片...應該無落到鬆肉粉嘅....佢嘅7成熟掌控得幾好！男人就話佢份西冷都好食！最後兩杯凍檸茶就唔多特別....食完出到去八點幾....已經有唔少人等位喇...好彩啫！

星期日晚上，出動一試街坊價鐡板牛扒餐！$88.0 未計加一！奶油雞湯配餐包：餐包先到，勁大個！可惜等到湯到，餐包已經凍哂！湯夠熱，可惜冇乜味！可惜加可惜！鐵板黑椒牛柳：牛柳肉質同味道不錯！黑椒汁尚可！整體滿意！凍檸茶：正常！

中學同學聚，成班麻甩佬，緊喺搵啲靚牛扒食啦！今次嚟到深水埗區食依間老字號！大家幾個人開心 share 一吓！依到環境裝修充滿八十年代風味，連餐排都非常老字號！一坐低 order 完冇耐，就整兩個大麥包，大家都好驚喜！因為依家好多扒房都喺細方包仔！再跟送兩碗餐湯，一白一紅！我自己就飲咗個白湯，味道真喺唔錯，而且夠杰身，可見舖頭落足整忌廉湯！我哋叫咗三個 set dinner！第一個喺《西冷牛扒餐》，要五成熟！賣相雖然平凡，唔花巧！但口感非常一流，啖啖肉唔錯，唔太硬又唔太淋，非常適中！味道方面都幾有牛味，可見食材新鮮！正！第二個 share 食喺《什扒餐》！有雞扒、腸仔、煙肉、火腿！非常老字號做法，好有細個時同屋企人去扒嘅感覺！口感固然爽口彈牙，但味道都真喺唔差！我另一個食齋嘅朋友就叫咗《焗海鮮飯》！雖然話海鮮飯，但店員落單時話主要喺食魚柳，總算喺童叟無欺，貨真價實！個炸魚柳外脆內軟，忌廉汁味道啱啱，唔會太稀，都幾杰身！每人平均夾咗 100 蚊左右！依個租金高企嘅時勢，真喺要多多支持依類型嘅老店！

以往要「鋸扒」，通常是大時大節或有朋友生日才會，而且一定要光顧大餐廳或扒房；時移世易，現在要吃鐵板餐，於快餐店，甚至茶餐廳也隨時可以，但風味始終不復以前。今晚與朋友二人便來到深水埗的老牌餐廳來懷舊一下。單看懷舊的門面和門前兩個水牌，便知飛鷹歷史悠久。推門一進，傳統深棕色的裝潢與昏黃的燈光，彷彿帶大家回到二十年前的茶室般；加上舊式出菜水吧、運送食物的小升降機及方型摺檯配上紅白格檯布，現在已不復見了。傍晚六時許客人不算太多，但每位到來的客人也被要求搭檯而坐，四人卡座隨時擠上五六個人，地方擠迫得連放個手袋也不可能。 食物方面，這裡有一般的西餐快餐，但大部份客人來到也是「鋸扒」的。而我們也順應潮流點了兩個鐵板餐。 餐包：首先上檯是巨型的餐包，單是高度足有十厘米。 餐包拿起仍是暖的，味帶微甜，但如果能鬆軟一些會更好。由於份量十足，很多客人沒有吃便直接向店員索取膠袋打包拿走。 餐湯：餐湯選了羅宋湯，雖看不到有太多材料，但味道很好，不太辣卻惹味香濃，水準之作。 鐵板黑椒牛柳：牛柳較為薄身，乍眼看以為上錯了普通牛扒。牛柳肉香不重，有幸肉質尚算嫩滑，但似乎部份是鬆肉粉的功勞；黑椒汁較為溫和

離開南昌西鐵站，放眼望去，盡是新建屋邨，根據路牌，潛入深水埗區 ... 平日鮮有踏足深水埗，最多也只是乘地鐵時經過罷了，初訪此地，也不過是為了幾間食肆 ... 走過南昌邨，經過欽州街、桂林街、北河街、南昌街 ... 天氣熱得要命，走了大約十多二十分鐘的路程，已經汗流浹背，好不容易走到荔枝角道，撇見目標餐廳就在馬路對面，一個女人正抹著玻璃大門 ...一個箭步走上前，問道：「呢度午市有冇鐵板餐食？」道明來意，答案沒有令人失望，亳不猶豫，即推門進去 ... 餐桌上只有兩張寫著午市套餐的小餐牌，一位女士大概見我滿臉茫然，即遞上一份「像樣一點」的餐牌 ... 點了一份黑椒什扒 + 羅宋湯 + 凍檸茶 ... 坐在近門口的座位，可一覽無遺地觀看這裏的格局，餐廳面積不大，環境昏暗，與外邊熾烈的陽光形成對比，配上紅色的格子桌布，予人舒適的感覺，茶水位置圍著閃亮的燈泡，天花位置鑲著一盞盞水晶般的燈飾，懷舊得很 ... 其中兩張大桌放著「留座」的牌子 ... 大概時候還早，客人不多，其中一台客人更與侍應們談個不亦樂乎，談得投入，卻不會怠慢其他客人 ...先來的總是餐包，聞名不如見面，吃過不少鐵板餐，要數這