The Grill Room (The L. Square) (已搬遷) 新店位置

我去過尖沙咀分店和這銅鑼灣分店相比之下，銅鑼灣分店的食物及服務都好很多個蔬菜煮得很好吃，很有蒜蓉味的味道個侍應強烈建議我個肉眼扒不要咁熟於是我點了5成熟，很有牛味又易入口個蘑菇湯一般般，不是我飲過最好飲的個檸檬茶很好，糖水分開上，自己加配分量令飲品不會太甜，很欣賞個飲品都做得咁細心最後我想讚揚銅鑼灣分店的職員他們都很有活力，而且令人愉快例如他們都會很歡迎你來到，會提示客人小心離開的時候幫你㩒𨋢，說歡迎您下次再來咁既服務令我一定要再光顧該餐廳！

今日下午約了朋友食午餐，他帶我到THE GRILL ROOM吃午餐。好耐之前吃過一次晚餐，今日第一次吃午餐。午餐的價格相宜，而且可以自己選舉加不加配餐湯、甜品和飲品，非常有彈性。*煙火腿沙律（+$15）沙律和湯選一樣，我一定是要沙律。沙律配上黑醋，很醒胃；煙火腿很有咸香。*南瓜芫荽忌廉湯（+$15）朋友養生，愛飲暖胃的湯。*高級和牛漢堡配沙律薯條（$88）薯條新鮮炸起很香脆；漢堡包塗上了牛油再烘，超香口的；和牛漢堡很有牛香，肉質JUICY。*黑松露蘑菇意粉（$68）朋友點的*是日甜品（+$18）今日的甜品是TIRAMISU，咖啡味濃，但是不太有芝士味。*凍檸茶（+$9）*即磨咖啡（+$18）

午膳時間需到銅鑼灣辦點事，順道在附近享用午餐。The Grill Room 對筆者而言並不是新鮮事物，之前也到訪過多次，午市 walk-in 不用等位是餐廳的優勢之一。 以凱撒沙律作頭盤，雖然份量稍稍細少了一點，但其清爽泛甜的口味令人滿意。筆者喜愛香口脆物，追加多一些麵包脆粒及脆片效果更佳。主菜高級和牛漢堡配沙律薯條，和牛漢堡厚得不成比例，不計底面兩層麵包有五層不同的醬料食材，由上而下分別是脆酸瓜、鮮蕃茄、生菜、芝士及和牛漢堡。上方三層菜蔬主要予以一份酸爽帶甜的食感，既可開胃，又可平衡整個包品的味道。主角和牛漢堡被半溶的芝士緊緊包裹著，豐厚但細塊。以切碎再整合的牛肉製作漢堡扒，可預期口感不會過韌過實。而漢堡的爭分點，很多時落在肉汁及肉香身上。輕輕一壓，可見有少量肉汁溢出，但食感上汁量不算豐盈。肉香方面，評價持平，在有比較之下，炭燒味道更為突出。 漢堡是美式美食，甚能沒有脆香薯條相伴？！有朋友或會覺得薯條太「熱氣」，酸溜溜的菜絲沙律正好擔任一個緩衝位置，清空令人不悦的膩感。 8 安士肉眼扒配薯角蔬菜... 一份「完整」的西式午餐，很多時包含甜點餐飲。在 The Grill Ro

近排工作上有新突破，為左獎勵一下自己， 就決定中午食好西。在銅鑼灣鬧市中覓食，太多選擇有時都會出現選擇困難症，於是查下openrice，見到呢間餐廳都頗多好評，於是決定試一試。餐廳位處於L Square 的5樓，其實整棟樓都有好多不同的特色餐廳，要食均咁多餐廳可能要花一點時間。餐廳環境寬敞，更設有Bar 枱及梳化椅，讓食客自行挑選自己喜好的格局用餐， 在舒適的環境下用餐，更能嘗到食物的真味!話明要獎勵自己，當然要食得豪一D。 揀完主菜，還加錢添加餐飲，沙律，餐湯及甜品!凱撒沙律沙律菜鮮嫩，口感清新，開胃之選!蘑菇忌廉湯平時免得過都唔敢飲忌廉湯，深怕是金寶湯再撈生粉水，但這碗湯出奇地好飲，飲得出是用蘑菇攪碎而成，用心之作!8安士肉眼扒配薯角蔬菜這款主菜絕對是高水準之作，牛扒大大塊，煎得香口鬆軟，切一小片放進口中，咀嚼時肉汁溢出，很Juicy！朱古力布朗尼伴雪糕朱古力味超濃，不太甜，加上香滑的雲尼拿雪糕，兩者結合是完美的配搭！凍檸檬茶茶味香濃，附上糖漿，可自由調節甜度侍應服務不錯，沒想到餐廳竟然不收加一原來夜晚有set dinner，有機會都想試下晚餐！

呢度有吧枱、高凳及梳化，平時唔鍾意坐高凳，但呢度嘅檯下面有一條鐵可以將對腳放上去；張凳有一個屁股形狀，坐起上嚟來非常舒服；周圍都有氣氛十足嘅鎢絲燈，加上下午陽光充足，環境顯得更舒適；牆上畫咗可愛嘅卡通狼，型得嚟又幾cute，好似啲韓國obba咁；呢度主打Char Grill，選用一款來自美國嘅強力燒烤爐，最強溫度可以去到600°C，熱力夠又火力均勻，就算一次過燒好多塊肉，每一塊都會燒得靚靚，而且爐嘅表面斜斜哋，可以趕走多餘嘅油份，咁就啱晒又怕油膩又鍾意食嘅朋友啦！半開放式廚房嘅設計可以俾食客見到5位廚師用心地預備食物，仲見到Char Grill爐烈焰衝天添！忌廉蘑菇湯蘑菇忌廉香味香濃，質地雖然薄身，唔會好杰好溜，但每一啖都充滿蘑菇碎；多士鬆脆，唔浸湯食都充滿味道凱撒沙律雖然只有一種菜，但每一塊都鮮嫩翠綠，醬汁份量恰到好處，唔會過酸香煎鱈魚柳配忌廉蘑菇汁 ($98)賣相有心思，忌廉蘑菇汁鹹度適中；白皙細嫩嘅鱈魚肉厚冇魚腥味，煎得外脆口感緊實，上面仲有少少鹽及香草作調味，加上露荀及熱辣辣薯角份量啱啱好高級和牛漢堡配忌廉磨菇汁 （＄98）和牛漢堡非常厚，加上沙律及薯條，呢道菜嘅份量都幾大啊！

這是筆者第二次造訪 The Grill Room，店內裝潢和以往一樣，那隻招牌卡通野狼還是四處可見。是日午餐以一客蘑菇湯作始，雖滑度不算誘人，但蘑菇香味足夠，味道不俗。主菜葡式香辣雞配沙律薯條，紅潤大隻的烤雞賣相挺吸引，整整半只雞的份量亦十分有看頭。雖然菜式被貫以香辣之名，其辣只重其香而不重其官能刺激。以烤焗方式泡製，雞肉仍能保持一定嫩度已算有交代。辣品配以炸薯條吃，容易令人有上火感覺，這時一客酸爽的菜絲沙律介入正好用作解膩之用。甜品朱古力布朗尼伴雪糕，朱古力味道充實，內含粒粒合桃亦增加蛋糕的美味度。在蛋糕上方，放了一小球香草味雪糕，雖其幼滑度不算很突出，但味道確實幾香幾可口！

農曆新年將近，日曆上都排滿中式團年飯局，週日午膳，肥肥家族一家四口就決定食個簡單啲o既西餐調和一吓 。因小肥飯後要返公司，地點就揀咗喺附近o既「The Grill Room」。大廈門口可見，位於五樓o既西餐廳週日午餐時段，十歲以下o既小童可免費於店內享用食物 ，一家大細o既朋友真係試得過。全層o既餐店左手邊為水吧及廚房燒爐位置，圍住有一列吧位。中間有三行方形合併式散座。右手邊拍埋牆有一排四人高座。最入近窗則擺出幾張半梳化式座位，都幾好坐。 唔同區域用上不同款式o既燈罩及燈泡照明 。小肥其實都係被網上瘋傳o既搞鬼棉花糖特飲所吸引而來 ，埋位第一件事當然係要叫返杯黎飲啦！Toasted Marshmallow Spooky Shake（$68/無酒精；$83/含酒精）：棉花糖特飲其實係一杯雲尼拿奶昔，面層加上兩片白朱古力及輕輕燒過o既棉花糖點綴，造型可愛，效果清涼微甜，配上漢堡包同薯條真係好夾 。哥哥見到個雞尾酒牌就忍唔住試咗杯「Cloudy Chamomile」，覺得都幾清新醒神。由於週日午餐以做套餐為主，四口子就各自叫咗個沙律或湯，然後再揀四款主菜黎分。是日餐湯之忌廉蘑菇

午膳時間走到銅鑼灣吃午飯，並嘗試了一間新餐廳 The Grill Room 。餐廳裝潢走悠閒餐室風格，設有高桌的同時又設有梳化座位。由牆壁以至餐紙圖案，都同時繪上不同的卡通野狼，相信是此店的標誌。抬頭一望，在一黑板上寫滿不同日子的優惠，驟看下星期一的買一送一優惠最抵，星期二的任食豬肋骨則最合大胃皇。午市餐牌有六款主菜選擇，前菜餐飲甜品勻要額外加錢。凱撒沙律用料新鮮富水準，輕輕掛上少許芝士及醬汁已很好吃。是日餐湯是南瓜忌廉湯，質感幾滑，瓜香甜味。簡單配上一小塊多士不花巧，但夠脆薄可口，和南瓜湯味道亦很匹配。 主菜香煎鱈魚柳配忌廉蘑菇汁，鱈魚柳沒預期般油香白滑，反之口感偏向結實，魚香亦不算濃香，味道主要來自面上的調味料。至於配菜醬汁，筆者頗欣賞那幾段綠嫩露筍及香滑忌廉蘑菇汁，為菜式爭回一些分數。 八安士西冷扒配薯角蔬菜，要求七成熟度，成品略為過火了少許。未知是否這個原因，西冷扒食感沒預期般鬆軟，要吃上近邊帶少許牛脂的位置才有較佳的食感。肉香方面，算上中等質素，始終餐廳亦不是收取高昂的價錢，性價比合理。 是日甜品是 Brownie 蛋糕，面上放上一小球香草雪糕。 Brownie 蛋糕外層帶