The Farmhouse 咖啡廳

早兩日提早慶祝生日，就揀左呢間新開的酒店自助餐！餐廳環境夠大裝修好新好舒服，最吸引人的係那東區走廊的海景，不過奇的是...點解咁靚既海景會裝修到一塊塊木板阻擋住？！不過餐廳整體環境都係值得一讚的！食物種類繁多，當日做梗法國越式主題，冷盤有即開生蠔(每人限拎3隻）凍蝦、凍蜆、長腳蟹、凍龍蝦🦞，一般有得凍龍蝦的buffet收費都起碼$5xx,但由於喺酒店網頁買做7折，每人收費都係$4xx，真係好易就回比本🤤刺身都有幾款揀，不過壽司🍣同沙律🥗款式及質素就較為失色了，壽司只有一款炸蝦卷，同兩款外型不吸引的熟卷物。沙律亦只有一些普通的沙律菜，粟米粒等配料自己調配，欠缺其他款式沙律！擺熱食的地方就遠左少少，我被安排坐近門口位置，所以每次拎野食就要行多幾步了！不過行多幾步都係值得的，因為熱食種類好多，如果每樣都要試曬，可能都要走8-10轉先得！ 其中推介的係原碗燉湯、燒味、薯蓉焗田螺！另外仲有即整的粥檔、麵檔、意粉檔，當晚我就試了麵檔，揀了牛肉，菜，豆腐卜，味道不錯👍🏼老公試了豬潤粥都好足料！至於甜品有一般甜品及蛋糕亦有名牌雪榚任食添！！不過最令我讚賞的係有新鮮搾果汁及玻璃樽汽水任飲！！真係好易就回

近兩個月吃了多餐生日飯，今晚又來啦！仲要揀吃自助餐慶祝，咁厲害！？無錯！無錯！不過....不是慶祝我的生日，而是我賀朋友的生日，還要是一位長輩，當然要吃得好。剛巧在YouTube 上看到一輯介紹北角新酒店即劏吞拿魚做刺身的短片，身為刺身迷的我睇到垂涎三尺，一於在這裏慶祝吧！海匯是一間新開的酒店，一出北角港鐵A1出口步行約2分鐘就到，地點非常方便。酒店餐廳環境優雅，分室內和露天兩區，以木材和綠葉為主，設計簡約，還擺放了一些大型的農具，的確似一間大的農場小屋，好有代表性。地方相當大，樓底又高，設有多張餐枱，寬敞闊落，取食物的通道寬闊，但餐枱跟餐枱就密了一點，有時要繞道才可出入。******************************地方夠大，故凍食和熱食可完全分兩個大區。率先看看冷盤有咩食，大約有凍肉、沙律、芝士、刺身壽司、凍海鮮、甜品、鮮果、飲品、雪糕等，夠集中。刺身壽司迷出動，有六七款刺身和多款壽司選擇，揀了三文魚、吞拿魚、帶子、油甘魚、牡丹蝦 和海膽軍艦，各款都好新鮮鮮味，特別是三文魚和油甘魚，相當肥美油潤，滿載魚香；牡丹蝦就更教人回味，相當有份量，肉質微爽彈且富黏性，最愛是大蝦