粉紅水門雞 (中海日升中心) (已結業)

我和同事們最愛去不同的餐廳食午餐，在觀塘區食lunch ,一到peak season,間間排長龍🥲！所以我們決定提早食lunch 😁見到有位就自動行入去！一看餐牌，款式比較少，但價錢十分親民🥰我們全部order A餐 粉紅水門雞飯再加drink ！我覺得這樣主打外賣😅，全部用紙碟及外賣盒裝，某程度上不太環保♻️但雞肉很嫩有雞味，加上特製醬汁，更加好味再配上美味的飯，不自覺地很快KO曬😆冷泡白桃烏龍茶及檸檬薏米水，一樽上，十分方便，回公司加水再飲！芒果糯米飯：WOW 剛巧新鮮熱辣辣，特別好食！

新水門雞飯@觀塘 新開嘅粉紅水門雞飯裝修企理，價錢仲好親民𠻹。店員見我哋喺出面頭岳岳，好快就招我哋入去坐，招呼幾爽手～叫咗最多人揀嘅雞飯同豬手飯，睇落認真唔錯，跟兩個唔同嘅汁。水門雞飯份量夠哂足，呢個價錢真係 CP 值高！雞肉非常嫩滑無骨，啖啖肉，最緊要嗰個泰式醬汁亦都酸酸辣辣開胃惹味。而且油飯嘅口感好輕盈，香得嚟唔滯，成碟都食得哂。滷水深色，豬手滷得好入味，切開一條條方便食得多。豬皮有彈性唔韌，好有骨膠原咁。咸酸菜醃得爽脆，係配菜但係畫龍點睛～個飯重有一個溫泉蛋，豐富到一個點，同埋真係好食。依度無套餐嘅，飲品另外點，不過加埋都唔過 $50。冷泡茶都係 $12，汽水就再平啲係 $8。薏米水有淺淺嘅香茅味，有泰式風味之餘唔太嗆鼻幾好。沙律比我想像中 spicy，食落原來都唔少，青木瓜絲食極都有，哈哈！另外混咗車厘茄同花生，無咁單調。芒果超甜啊，大大塊鋪滿㗎。糯米飯軟糯有香濃椰香，整個芒果糯米飯好好味，都只係 $18 咋。